|
ردا على وصية ستي
ردا على وصية ستي
كبرت حالك ومالك يا ستي كديش بتحكي وبتوصي احنا عشاك الوطن يا ستي امي لما حملتني توحمت على كمشة تراب من ارض الوطن وجابوها يا ستي….. واطعموني تراب الوطن ……وصبغوني ببطن امي الشكراء……وصرت من لون تراب الارض… والله ستر كان بوروني يا ستي ولما فرجها الله يا ستي من زود العز انولدت في خيمة وكدموا للمهنين حلكوم وبيض حمام وكالو لما ربنا يفرجها رح نعمل لعروسنا مخدة ريش نعام ونذبح ذبيحه بعد ما ترجع البلاد ونرفع علمنا عالي ومرت الايام لا شفت ذبيحة ولا ريش نعام…..اعطوني كرت الوكاله لدافش على صحن البرغل والفاصوليا وكل يوم الكرت بيخزكوا على عدد ايام الشهر…حتى ما ارجع اكل مرة تانيه في نفس اليوم….وبعد محاولات فاشلة في الصف على الدور مرة تانيه لأحصل على حبة تفاح تانيه لأمي وحتى اصل للكمة السعادة واسد جوعي بتكون روحي طلعت وانا في الطابور…. بس الحكيكه انو اكلهم زاكي ولساتها طعمتو في تمي………….اكيد لان الي طبخوا ابو زكي فلسطيني معدل ذل ومهانه يا ستي عشناها وبنعيشها كل يوم بعيد عن مكثاة جدي وخير ارضنا وبيارات جدودنا كيف ننسى يا ستي وحفيدي بغني جفرا وهي يا الربع وانا لسه بعشك كل همسه للوطن وبدور على اخباروا من محطه لمحطه؟؟؟؟؟؟؟؟؟ كيف يا ستي انت موتي وارتاحي …ويمكن امي وانا على طريقك………بس اكيد رح نوصي المفاعيص ورانا وما رح يضيعوها لا تخافي مش انت كطعت سرهم توكلي على الله ياستي وسلمي على سيدي وكذبي عليه وكوليلو الارض رجعت خلي يبطل يزورني في الحلم بدي انام يا ستي من خربشاتي وفاء |
خربشات اكثر من جميلة
سلمت الايادي تحيات لك |
اقتباس:
تسلم وتعيش والله يرحم ستي وستك http://i7.tagstat.com/image08/0/bf6f/00ij0544bZL.jpg |
توكلي على الله ياستي وسلمي على سيدي وكذبي عليه وكوليلو الارض رجعت خلي يبطل يزورني في الحلم بدي انام يا ستي قفلة مميزة يا شذرات ورد راق لي لهجتنا الفلسطينية واستخدامك لكلمات كنا نسمعها قبل عصر الديجيتال وقبل ان تعشش اللهجات المستورده في عقولنا وتسيطر علينا ،،،، اعادتني الى بيت ستي والتوته والدالة المتعربشة على سطح الدار تحياتي لك وبانتظار جديدك |
صراحة مميز جدا واللهجة ولا اروع
تحياتي |
لك كل الشَكرٌ
يعطيك العافيه لآخلآ ولآعدم |
ساق الله ايام زمان وستي بتحكلنااا
حكايه عز ما أجمل ما تسطرين ها هنا وفااء ننتظر المزيد المزيد بورك قلمك |
بالرغم من اللهجة العامية التي سادت الخاطرة إلا أنها تحمل أوجاع وطن وتراث تليد من الممكن نقل النص لشعر بأقلام الشعراء ولكنه سيبقى ناقوسا عميقا ويحمل صراعا كبيرا بين الحاضر والتحضر الأعمى من جهة وبين الماضي والعراقة من جهة آخرى ويحمل أيضا لهفة شعب يتوق الحرية أهلا بك أخت شذرات لم أفهم إن كان اسمك وفاء أم أن النص وفاءا لكل ما هو أصيل فلما لا تستخدمي اسمك أو أي اسم طبيعي بمعرفك ؟ شكرا لك وتقبلي المرور تحياتي ،،، |
أختي العزيزة وفاء ماذا يمكن أن اكتب لك .. أهلا بك و بفكرك الراقي و قلمك الصادق لطالما استمتعت بقراءة كلماتك و كاني انظر للعالم وقت الظهيرة فأراه واضحا وضوح الشمس و انت شمس تضيء بشفافيتها , بأصالتها و بإنسانيتها أهلا بك مرة أخرى و كلي أمل أن نقرأ الحياة من خلال كلماتك ورد |
الاخت وفاء كالوا زمان ايام ستى انو غيمة وراح تزول ورحلنا من ارضنا وكعدنا فى بلاد مش النا ستى ياستى خرفينا خريفة الغولة لا خريفة ابو رجل مسلوخة لا اسمعوا ياولادى هذا كان فى بنت زغيرة اسمها ليلى راحوا اهلها وسبوها عند بيت جيرانهم وقعدوا بحد جابية الاكل وفى ليله مافيها قمر جاع الاولاد وصاروا يغنوا ياجارنا ياابو على حس الغويل بيطحن معى ياشوشتو بتنقط زيت وعيونو ضاويات البيت شكرا وفاء |
رائع ما سطر قلمك من كلمات نقية جدا
إلا أن الآحسآس كان ناطقا ومتميزا سلمت |
اقتباس:
وساق الله على هذيك الايام يا اختي كل الاحترام |
اقتباس:
|
اقتباس:
|
اقتباس:
هي خربشاتي يا اخي فانا لست كاتبة ولا شاعره بارك الله فيك ورح اكتب وادوشكم انت الي جبتو لحالك وفاء بنت غزة |
اقتباس:
اما عن اسمي والذي يعرفني به الجميع هو وفاء بنت غزة كل الاحترام لمرورك الطيب |
اقتباس:
منتداكم كتير مرتب واقي وحلو وناسو بجد رائعين تسلمي واشكر مرورك حبيبتي واختي |
اقتباس:
بتعقيبك الطيب والحلو وحاسه اني مش غريبة هون لاني وجدت من اهلي وواهل بلدي ناس هون كنت خايفه ما حدا يفهم شو بخربش اشكرك اخي جدا |
اقتباس:
|
انت موتي وارتاحي …ويمكن امي وانا على طريقك………بس اكيد رح نوصي المفاعيص ورانا وما رح يضيعوها لا تخافي مش انت كطعت سرتهم الأخت وفاء كبل ما تموت ستي كالت لي كشّي ديار الدار ما بدي الزلم يشوفوا ورك التوته معبيه الأرض ويكولوا ستك مش نظايفية روحي يا ستي عبي الزير من مية البير ِببكا طعمها ازكى لانها من مية المطر وحطي فوكه كيلة نظيفة خلّي الناس تشرب مي بارده ولا تنسي تربطيها بحبل وتغطي الزير بقشنية نظيفة ! ولا تنسي تقزّي لبوك (لأبوك) ييجي من الغربة , خليني اشوفه كبل ما اموت .. حاسه انهن ميّاتي على النار ! تعرفي وفاء .. حاولت اني استجمع كلمات ختيارات الحارة ولكن مش مجمعة كثير الآن.. على فكرة انا لهجتي هذه اللهجة واحاول قدر الامكان ان احافظ عليها تسلمي لنا عزيزتي وبتمنى تفتحي موضوع باسمك للهجتنا التي لا يعرف عنها هذا الجيل وكل واحد عنده جملة او كلة يحاول ينزلها بالموضوع لنعمل اكبر موسوعة لكلماتنا التي اندثرت. سلامي غاليتي واعجابي الكبير بقلمك أرب |
اقتباس:
وابشري رح انزل الموضوع عن قريب ان شاء الله لاني كنت قد طرحته في منتدى سابق تم شطبة وراح كل تعبي فيه انا الان منكم ومعكم ان شاء الله |
رحم الله ستك وستي وادخلهم الجنة
قرأت ما ابهرني هنا تحياتي لك واهلا بك معنا وبيننا |
اقتباس:
حيّاك الله معنا وان شاء الله تستردي هنا ما فقدتيه هناك بانتظارك ....#cc# |
شــكــرا جــزيــلا لــك
ويــعــطــيــك ألــف عــافــيــة على الموضوع المميز تــحــيــتــيـــــــــ |
اقتباس:
نورت موضوعي وستي راضية عنك ان شاء الله منيح هيك |
اقتباس:
|
اعجبتني عفوية النص وبساطته وهو ذا مغزى وهدف شكرا لك يا اختي القديره بنتظار جديدك تحيتي لك </b></i> |
أختي الفاضله وفاء
بارك الله فيك هذا النص الحكائي الجميل فقدمت حكاية وطن وميلاد ثورة في نص وصيه رائعة فداء .. أهنئك من الأعماق وأهلا بك في وطن المبدعين |
اقتباس:
كل الاحترام |
اقتباس:
اشكرك وبارك الله فيك سعيدة بتواجدي في هذا الصرح المميز واتمنى ان اقدم ما بوسعي ان شاء الله فأفيد واستفيد من المبدعين ها هنااااااااا كل الاحترام لمروركم العطر |
قلم يدرك ماهية نبضه بحق مدهشة أنتِ دمت رائعة البوح دعواتى الطيبة سيدتى |
اقتباس:
الذي يحوي هذا الكم الطيب من المبدعين فمهم نستفيد اشكرك كل الشكر وسعيد بردودكم جميعا بعض القلوب والأرواح .. لا نجد لها إلا الحب والامتنان .. قد لايكون لشيء أكثر من وجودها في حياتنا ولو بأبسط الصور وأقل التواصل .. قد نحتار في تصنيفهم وفي أي قالب نضعهم! لا هم أصدقاء ، بل أقرب و لا هم أحباب ، بل أصدق و لا هم إخوة ، بل أكثر تلك الأرواح والقلوب إن وجدت في حياتنا .. لابد أن نكون - نحن - لها الوفياء اختكم وفاء http://img1.123tagged.com/en/flower/114.jpg |
رحم الله الأجداد ينابيع الحنان..
ما ماذالت وصايهم عالقه فى الأذهان.. تساعدنا على اجتياز الصعاب . دمتى بخير ايتها الراقيه.. |
اقتباس:
|
مازلت متابع أختي وفاء
|
| الساعة الآن 01:30 PM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |