تعال نطش
 

تعال نطش
ما رح تكلفك الطشه اشي
لا تخاف مو على تركيا مشان اشوف مهند ونورولا حتى لميس ويحيى...ولا على سوريا مشان ما نصير بخبر كان
ولا على مصر لميدان التحرير ونصرف القليل والكثير
تعال نطش
وكمان مش على العقبة بعرف حر الجو وحر الجيبة
تعال نطش ونوخذ معنا بطيخة كبيرة ولا تنسى سدر الالمنيوم بحبش استعمل الا هو
اه ...............وهات كمان السكينه تاعة الذبح زمان ما استخدمناها من العيد الي فات بلاش تصدي
انا جهزت كل اشي ابريق الشاي المحروق تاع النار
والفرشات نص العمر
وكمان ما نسيت
سجادة الصلاة بعرف كل اشي بدك اياه
الاولاد؟؟؟؟؟؟؟؟؟؟؟؟؟ لا بدناش نوخذهم
بدنا نطش لحالنا
دللني واشتريلنا بزر
بس مو اي بزر
لا................... مو مخلوطة محمص الشعب
بدي بزر البطيخ الزغير الي بسمو بزر لمطلقات
عارف ليش
لاثبتلك انو سناني قويه ولسه انا بخير
وكمان عندي طولة بال بتهد جبال
بس بدي اطش عارف وين؟
تحت شجرة جدي الي زرعها
مشتاقة اشم ريحتو فيها ما بدي اسمع زامور سيارة ولا حتى صوت طيارة
ولا جرة سلك كهرباء فراره ولا مسج خلوي قراره
نفسي اشوف الحرثون عم يتجسس علينا من فوق الحجر الكبيرة
والعصفور يرفرف من فوق الشجرة غضبان ويبعث هدية حقيرة
عادي لا تزعل رح بنغسل اواعينا المية بير جدي كثيرة
اه لا تنسى اوعى تجيب الابتوب معك ولا بعمل مشكله كبيرة
انا زهقانة ونفسي بجرة مي وحصيرة
وهدوء يعم على امتنا وكل الديرة
ازهقت اخبار ازهقت طبيخ وازهقت كنس وجلي وروتين يومي
قبل ما انسى بدنا نروح مشي
اوعى تقولي ما يلي حيله
وفاء
lool

امممممممممممممممم فعلا شي اكثر من رائع
يعجبني هذا الاسلوب في التعبير عن الذات
والوضع العام
سلمت لنا عزيزتي
تحيات لك

سلمت الايادي عزيزتي على الطشة الحلوة
تيجي نطش؟؟

هههههههههههههه
تحياتي لك

وفااااء
ما أجمل ما سطرتي هناااا
عدتي بنااا للماضي الجميل
أمتعينا بشهدك
سلمتي

كل الاحترام للمرور والكلمات الطيبة اشكرك

شكرا لمروركم الكريم
وووهههههههههههههه ما بطش الا مع ابو عيالي معلش

كل الاحترام اخي الكريم وبتمنى اكون خفيفة الظل عليكم
وانتم الاروع سلمتم

اااااااااااااخ على شجرة الجميز وحكاويها
لا تنفك امي عن الحديث عنها
اشكرك اخي ويا رب نرجع ونطش هناك وحتى لو كنا بخيمه
اقولك لا بلا خيمة سجادتنا الارض واللحافنا السماء
بس بفلسطين
اشكرك ابن بلدي

رائع ما خطه قلمك واسلوب جديد وجميل
بالمناسبة اختي B-happy نائب المدير ليست رجل وهي اخت كما ترين في البروفايل
تحياتي لك

بيكفينا انا طاشين هون وسط ارق الكلمات واصدقاها
كل الاحترام لردودكم الطيبة اخوه واخوات

متابع مسمتمع
يبدو موسم البطيخ له نكهة الصيف

شو رايكم نطش بالوطن العربى الكبير قبل مايتقسم اكثر

ياللا نلحق حالنا

ونبدا من لبنان

امانه شهابى طششنا وين مابدك

يا ااااااااااااااا ريت بس وين نورح من الحدود والفيزا

ئههههههههههههههئهههههههههه شو هاد
بطلت طشه كلو طفشان
صباحكم فل

شريف
الكرمبو يوجه لك رسالة صارخة
يوم الجمعه زفاف ابنى احمد
ربنا يفرحك باولادك

يا مرحبا بكل من نوى يطش
بهدف ويرقى بروحه حيث يسمو الهدف
نورتم موضوعي اخوتي اسعدكم الله
واراح بالكم وجعل ايامكم مسرات
اشكركم

الف مبروك وبالرفاه والبنين وتصير جدوا انيس
وربنا يجعل ايامكم مسرات وافراحكم عامرة يا اخي ابو احمد

مهما كبرنا اخي الامير تبقى روح الطفوله تداعبنا بلطف
مرحبا بك على متصفحي سعيدة باحلامك وامالك
اتمنى لك عطلة سعيدة ونزهة اجمل
سلمت لي يا اخيzolz