|
تجربه شحادة فريدة وحقيقية لوفاء
الفاضي بعمل قاضي
ولما تكون حياتك كلها صخب وتعب اكيد بتفكر كيف تتعايش مع الناس وتحط حالك محلهم ولو لساعات حقيقة كانت تجربة فريدة من نوعها خطرت على بالي بعد التقاعد كنت زهقانه وما في شغل قلت اشتغل فيهم فقررت امارس الشحادة ومسألة الناس ولو لساعات بس لحظة مو اي ناس قررت انو اشحد من اهلي وقرايبي واعجبتني الفكرة ومن قاع الخزانه طلعت اقدم جلباب عندي وطبعا حتى ما يعرفوني لبست غطاء للوجة خمار يعني وعلى بابوج او حفاية الحاكورة المقطعة اعتليت وكانت وجهتي الاولى الى بيت اختي طرقت الباب وفتحت لي قلت لها انا اسمعت انو عندك لله وبتطلعي صدقات ممكن تساعديني ترددت كثيرا قاطعتها على الفور والله ما اشربت الشاي من الصبح وتعبانه كثير ممكن استريح عندك خافت وبصوت متردد قالت تفضلي بس زوجي وولادي نايمين اقعدي بره (هههههههه عارفة انو ولادها مو هون وزوجها طالع على الشغل) عبال ما اجيب الشاي دخلت واحضرت الشاي واعطتني دينار هههههههه دينار واحد البخيله مع اني بعرف انها بتعطي اكثر للناس اللي عارفة احوالهم يا الله ليرة استفتاح كتير حلو خرجت من عندها الى دار تحفيظ القرآن الكريم طبعا زوجة اخي مديرة الدار طلبت منها صدقة وكانت جدا حنونه معي اعطت انطباع طيب عن الدار واهلها اعطتني الي في النصيب مشان تتخلص مني لانها مشغوله المهم قلت لها عندك وظيفة اي وظيفة حتى لو معلمة ضحكت قالت ليش انت دارسة وبتشحدي قلت لا بس انتو بتحفظوا قرآن كريم وانا حافظة يعني هن المعلمات شو بيساون اما اشطف وامسح غبره لا ما بدي احكيلك ممكن اذا تركت الادارة تتصلي انا بقعد هان وبشتغل مكانك اطق حنك بدالك وعريفة على المعلمات هههههههههه ضحكت وقالت انت معتوهه شي؟؟؟؟؟؟؟؟ يا اختي انا عندي شغل ممكن تتسهلي بكل ثقة قلت لها رح تندمي في يوم لانك ما شغلتيني عندك كان قلبي يدق اكثر كلما اقتربت من مكان عمله او بالاحرى متجره زوجي السلام عليكم وعليكم السلام تفضلي طبعا الكلام يجب ان يكون قليل لانو هدول20 سنة زواج وقد سمع صوتي بجميع الموجات واللهجات وحتى بالانجلش كمان المهم عندك معكرونه بدي بكيتين وعلبة صلصة حسب حقهم وطلبني المبلغ تحججت فش معي مصاري وانا ام عيال ويا رب مرتك تطبخلك معكرونه وتطلع زاكيه الله يخليلك ولادك اعتبرهم صدقة هو لا يحب الجدل كثير مع النساء اختصر وبغضب واحساس انو انا لا استحق الشفقة قال الله يسهل عليك الان الرصيد خمس دنانير واثنين بكيت معكرونه وعلبه صلصة لا بأس احلوت الشغله اخوي هون وقريب وعندو بطاقات موبايلكم كثير ممكن يشحدني وحدة طلبت منه ان يعطيني زكاة محله قال لي وهو بالمناسبة انسان متدين يا اختي بدال ما تروحي هون وهناك وهذا يعطيكي وهذا يؤذيكي بلسانه روحي على لجنة تحسين المخيم او المركز الاسلامي طيب بروح بس انت هسه اعطيني بطاقة تلفون لله شو؟؟؟؟؟؟؟؟؟؟؟؟ بعصبية رد علي يعني انت بتشحدي ومعك خلوي والله اخر سمعه هاي من كثر ما عصب خفت وغادرت المكان بدون ما اللتفت وراي نزلت على بيت اخي الكبير وجدت زوجة تنظف مدخل بيتها ويا سلام شو عليها وعظ وارشاد اولا انت صبيه كيف بتلفي على بيوت الناس ما بتخافي يكون البيت ما فيه الا رجال قلت لها الساتر الله يختي بس اذا عندك لله اعطيني بدي اسهل قالت انا ما بعطي فلوس ممكن توخذي خبز او طبيخ شو طابخين سألتها؟ مفتول اجابت طيب اعطيني وحطية بصينيه كبيرة بدي اغدي الزلمة والاولاد قضيتها طاشه اليوم الله يسعدك حدقت الي بنظرة فيها من الاستغراب الكثير قطع صمتها صوت ابنها من السطوح يمة اعمليلي قهوة بسرعة قلت وانا كمان من الصبح ما قرأت الجريدة وما اشربت قهوة احسبي حسابي يرضى عليك ويعطيك لما يرضيك رددت لاحول ولا قوة الا بالله طيب اقعدي هان ولا تدخلي عندي شباب في البيت كان الجو حار ما صدقت تدخل لارفع الخمار واخذ نفس ويا دوب رفعتو الا بنت اخوي وجهي بوجها وصرخت هاي عمتي والله عمتي المهم بعد هذه التجربه شعرت باشياء دعتني احتار كثيرا من يطلب الناس ويمد يده كيف يضحي بعزة نفسه؟؟؟؟؟؟؟ ياه ما اصعب ان تسمع كلام بعض الناس اللي مثل الدبش كمان شعرت انو الانسان صاحب الحاجة لا يمكن انو يمد يده للناس من صعوبة الموقف حسيت باشياء واشياء كثيرة وقلت الحمد لله انو ربنا ساترها واعطانا من عزة النفس الكثير المهم انو ابو العيال تغدا معكرونه وتفاجأ بصحن مفتول اما الباقون فقد اشتريت بنقودهم جوائز للاطفال في دار القرآن وطلبت منهم الصفح والمسامحة وفي نفس الوقت ان لا يكونوا عرضة للابتزاز ويبذلوا الجهد في البحث عن المحتاجين فهم كثر ولكنهم اعزاء النفوس وقد يكون الاجر بأجرين ان كنتم تريدون ان تصل صدقاتكم لمكانها الصحيح خصوصا في الشهر الفضيل وكل شحدة وانا سالمة وعمري ما بعيدها لانه على الرغم من ان تجربتي كانت مع اقاربي الا انها صعبة جدا وسلامتكم |
تجربة بالرغم من مخاطرها والخوف ان تنكشفي الا انها تجربة مثيرة جدا
واعطتك درسا لن تنسيه كما لن ينساه احد ماذا كانت ردة فعل زوجك على هذه التجربة اتخيله ضحك بصوت مرتفع جدا تسلمين وفاء وكل شحدة وانت موش مزقوطه هههههههههه |
اوف وجالك قلب تعمليها
ههههههههههههههههه انا ما بقدر اطلب من اخوتى او امى هههههههههههههههههههههه بس اللى اعرفه ان الجمعيات الخيرية هنا والناس لا تعطى لاي شخص بيتحروا عنه كمان اللى بيعطى الشحاتين اى واحد غلبان وحاسس بجوعهم سلمت الايادي على قصة الشحاته |
تجربة مثيرة جدا دمت بودّ |
هههههه
بس ؟؟؟؟ أبو العياااال كيف معرفكيش سؤال يحتاج لأجابه ؟؟؟ |
قصة جميلة بحق تسلم الأيادي |
ههههههههههه يا وفاء
مغامرة الحمد لله على سلامتك ان وزارة التنمية ما تابعتك تحياتي |
اضحك الله سنك اختي وفاء
سلمت يداك كرري التجربة واعطينا النتيجةwaw يعطيك العافية |
مغامرة وقوية ونادرة ايضا رائعة جدااا بتجربتك واحساسك وماصعبه من احساس ومنه نتعلم كيف من الله علينا بالنعم تقديري لشخصك الرائع تحياتي |
اقتباس:
خلص هي مره وتجربة وما رح تنعاد اما زوجي اول شي عصب وزعل بس لما عرف انها شحده عائلية ومن اخواني وخواتي اخذ الامر من باب التغيير بس زعل اكثر انو ما عرفني شكرا يا غالية |
اقتباس:
كنت كتير حزينه لما اتقاعدت من الشغل بعدين انا طلبت منهم متخفية ما عرفوني الا بالاخر اشكرك شيماء |
اقتباس:
انا كنت بظروف نفسية قاسية وهيك غيرت جو بس بدون ما ازعل حدا اشكرك على المرور |
اقتباس:
ما احنا الفلسطينه والاردنية بنشتغل على كل اللهجات اشكرك |
اقتباس:
ههههههههههههههه الله يسلمك بعدين الواسطة شو بتعمل وليش موجودة مشكورة |
اقتباس:
بارك الله فيك |
اقتباس:
اما اكرر التجربة فلااااااااااااااااااااا ربنا ستر وعدت على خير |
اقتباس:
ربنا يحفظك والحياة تجارب ويمكن الانسان بحب ساعات يطلع عن المألوف ليريح نفسيتو ويخلق جو اشكرك على المرور العطر |
ههههههههههههههههههههه
منيح انو الواحد يغير من وقت للتانى مشهد ممكن احطوا فى مسرحية اقوم باخراجها مشهد كثير رائع شكرا يابنت بلدى |
اقتباس:
مشكور ع المرور |
مشكوره على الفكره او العبره من القصة
ربما تكون حيقيقة وربما تكون من نسج الخيال لكن ان كانت حقيقة فانت انسانه قويه وجريئة جدا لتقبلي عل هيك تجربه لانها فعلا قاسيه وصعبة جدا بالنهاية ربما علي القول تمتعت بما ادرجت تحيات لك |
اقتباس:
بس يمك الي شجعني اني مغطية وبطلب من اهلي وقرايبي مشكور ع الاطراء وبعدين يعني شو رح يصير اعرفت نفسيتهم وابسطتهم |
| الساعة الآن 03:46 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |