منتديات المُنى والأرب - رسائل الحريم في شريط قناة بداية

رسائل الحريم في شريط قناة بداية !!

* إستغفري 500 مرة ، وخلال سبعة أيام يجيك عريس.
سبحان الله !!
* أبي شغالة تطبخ وتعرف تسوي حلا ووجهها مو حلو أبد ومو بـيـيـضة وعجوز ولها في السعوديه 14 سنة !!
فل كامل
* ما أبغى أشوف خطـيـبـي شوفة شرعية أبغاه يحس إني ثقيلة .
أتعب أنا
* إلحقوني زوجي أشترى آيفون ولا أعرف أفـتّـشـه .
مسكينة الجهل شين
* وحده حاطه موضوع خلطات و كاتبه في الأخير :
الله لا يحللها ولا يـبـيـحها اللي تستعمل خلطاتي وتطـلع مع شباب !!!
أمانة
* بنات أنا دعواتي مستجابة اللي تـبـيـني أدعي لها ترسل لي 500 ريال ومعاها الدعوه اللي تبي !!
قويّييييييية
* بنات زووووجي يـبـي ولد وأنا حامل بـبـنـت بليييييييييييييييييييييييييز ساعدوني .
تبديل مثلاً ؟
* بنات الله يسعدكم إنـتـبـهـوا من البناطيل والمشقّـر وعباة الكـتـف تراها تسبب العُقم !!
أنـتحر !!
* زوجي مهددني إذا جبت بنت أن يـتـزوج ثانية عطوني وصفة أو أكل عشان يصير اللي في بطني ولد !!
لا تعليييق .
* الله يخليكم لحقوا علي ولدي بلع نص ريال وأنا مدري وش أسويله الله يخليكم ساعدوني أبي شوركم بليز !!
كمّلي عليه ريال وخذي لك ببسي
* طاح ولدي من الدرج وكله دم دقّـيـت على أبوه معاه خط ثاني بنات بليز ساعدوني تهقون يخونني مع واحدة ثانية !!
ممكن مسويها المجرم
بنات نقّعت ركبتي في سطل سفن أب وطلعت أبـيـض من وجهي أفكر أنقّع جسمي كله ادعوا لي !!
الله يعـيـنـك ويعين زوجك عليك
* بنات زوجي خاق على أحلام عطووووني خلطة تخليني شينه !!
مافهمنا شئ ؟
* بنات ولدي غايـب عن المدرسة أبي خلطة تخلّـيه يروح المدرسة ، اللي ما ترد بذمتها !!
راح الولد فيها .
* بنات حافز ما نزلت لي تـتـوقعون أم زوجي لها دخل فالسالفة !!
شكلها تحسدك مرّه
* أخت زوجي خدامتها إسمها نفس إسمي تـتـوقعون هذا إسمها بالجواز وإلا مسمينها على إسمي !!
لا شكلها مقهورة منك
* يا بنات أنا سويت ليلة رومانسية حرقت الـبـيـت ولبست مطافي مخصّر عليه قلوب وسارفسكي يهبّل وزوجي من الصدمة ما تكلم !!
والله ما عليه شرهة
* بنات زوجي صار له حادث وتكسّر وله أسبوع ما راح الدوام تهقون متعمّد يـبـي يقعد مع الخدامة !!
هبهب الله عليك
الحقووووووني زوجي عطاني كف عشان واحد في الشارع ناظرني ، وه ، وه ، الله يخـلّـيه لي يغار عليّه !!
قولوا ما شاء الله تكفوووووووون
اللهم لا شماتة ويا مكـبّـر ومـثـبّـت عقول الحريم ثـبّـت وكـبّـر عقول بعض حريمنا .