خليك فى بيتك
للشاعر المصرى شوقى غنيم
**************
خليك فى بيتك احمى بلدك
ايدى فى ايدك ساعدنى وساعدك
انا وانت عدونا واحد عدوى وعدوك
لالكرونا تصيبك وتسرى فى جسدك
***********
احمى بيتك احمى ولدك
احمى نفسك احمى بلدك
والباقى يكون على ربك
خليك فى بيتك احمى بلدك
أشكر للى سهرانين عشانك
ملايكة الرحمه وراك قدامك
حرّموا النوم على عنيهم
سابو ولادهم لاجل سلامتك
خليك فى بيتك احمى بلدك
*********************
خلدوا ذكرى الدكتوره ( سونيا عبد العظيم)
فى كل شارع ومدرسه ليها المحبه والتكريم
وادعوا معايا من قلوبكم يرحمها الرحمن الرحيم
ضحت بحياتها أخلصت عملها ضد كرونا اللئيم
حيوا معانا كل زمايلها الله معاهم هو المعين
من شهور ما رجعو لبيتهم نهار وليل سهرانين
الجيش الأبيض مخلصين فى عملهم يخافوا رب العالمين
وهى دى أصالتهم موش النهارده دا كان من سينين
ما يخافوا عدوى وبتضحياتهم تحيه ليهم من الملايين
*********


https://scontent-cdg2-1.xx.fbcdn.net...20&oe=5EBB7D36