|
بحبك ... بالعامية (خاص جدا)
ولما آجي احكي عنك ...
هحكي إيه ولا إيه ... دا الكل بيتعلم منك ... الحب والطيبه ... وكل شئ مشهوره بيه ... لما أقول بحبك ... يخضر قلبي في جنانك ... ولما تقولي يا عمرى .. بجرى زي النيل في وجدانك ... دا إنتي وإنتي وإنتي وإنتي ومفيش في الدنيا دي غيرك دا إنتي حياتي ... وإنتي ملاكي ... ومهما غبت ... يقتلني حنيني وحنينك بحبك لأنك ... حضن ووطن بحبك لأنك ... أمن وسكن بحبك... بحبك .... يا نبض الوجود ... ولمسة شجن عشانك بحاول ... وبسرح وأقول ... وبمسك معاول ... وببني في قصور ... بإيدي هشيلك ... بقلبي أجيلك ... لإني بقربك ... بحس بأمان ... بحس بفخري ... بقول إني مصري ... يا أم البلاد ... يا حضن الربيع عشانك يا أمي ... يا عايشه في دمي ... بحضن حدودك ... بلمسة حنان في أرضك يا بلدي ... بحس بسعاده ... ما انتي الحضاره في كل التاريخ ... وإنت المناره ... في قلبي المسافر وإنتي الشموخ وغيرك يطيح ... وعشان عرضك إنتي ... نفتح مجازر ... عشان نحمي شمسك ... ويومك وأمسك ... وبكره اللى جاي ... لشبابك اللى قادر عشانك بغني ... عشانك بعافر ... عشانك بحارب ... وبرفع رايات ... ونصرك دا واجب ... وفرض وصلاه وعشقك دا دين سابوه الجدود ... وقالوا عنك انت ... كلام مش كلام .... دا فكر وإيمان دا عهد وسلام عشان انا ابن نيلك ... عشان انا قمر ليلك ... عشانك يا عمرى ... بحبك يا مصر . بقلمي ... ميتو عاشق الفن 21/11/2010 |
عشان انت مصر وانا ابن نيلك اغني في ليليك بحبك يا مصر ****** سلمت وسلمت مصر لنا غالية حرة ابيه |
نورتيني شيمو ...
ارق ورده ليكي |
القلم الأنيق محمد
لا أقول سوى جميلة تلك الكلمات وذات إنصاف عن أم الدنيا مصر مودتي لك محمد |
سماح القريبه من النفس .
.. ناعمة الحضور ... اسعدتني خطواتك المباركات هاهنا. ... ودي واحترامي |
بعشق ترابك وريحة نهارك
وشمسك وقمرك وليلك يامصر بحبك نيل حابي العظيم بحبك مسلة وهرم يامصر بحب فيك أمي وابويا واختي واخويا وابني وبني وشبابك يامصر بحبك ياطيبة يارملة وشط بحبك بحبك بحبك يامصر محمد مرعي بارك الله فيك يا ابن مصر يابن بلد الكنانة |
وبحبك لأنك ...
مسله وهرم ... ونيل محترم ... وشمسك أصيله ... وبعدك عدم ... دا بعدك هزيمه .... تصيب القلم ... وفرحه رهيبه ... في حضنك نعم ... بحبك أميره ... وتيمة ونغم ... . حنان عرفه ... يسعدني حضورك ... كحضور القصايد فوق شفاهي ... سلمت ودمت ... محمد |
أخي محمد صدقت واللّه أ حـسـنـت وأنصفت لمّا قـلـت راقني ما كتبت هنا ... كما سبق دائما أقول و أكـرّر ... العاطفة أهمّ شيء في الكتابات الصادقة شكرا أخي د مت بـودّ احتراماتي أخوك ناجي |
العاطفه دوما هي من تنجب الكلمات فوق شفاهي
والإحساس من يجمله الغالى ...ناجي سعدت بخطوك كامل ودي |
| الساعة الآن 09:37 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |