دا انهدم حبنا انهدم لانه اتبنى من غير أساس
 

اتحملتك مره ومره ومره لما فرغ صبري

شفت معاك ايام مره ضيعت فيها كتير من عمري

وسنين معاك وانا صابره وقلت يمكن ده قدري

ولا عملت بالعشره ولا طيبت جراحي

ولا مسحت دمعه من على خدي

ولما خلا ص افترقنا وبقيت انا حره

جاى تانى تقول سماح ودى تكون آخر مره

دا قلبى خلاص ارتاح من فكره

وما بقتش انت على فكري

حرمت عليّ أحب تانى ليكون التانى ذيك

أحبه وذيك ينساني وقلبه يكون ذى قلبك

وتضيع من تاني الأمانى اللى ما شفتها

فى حبك

اديتك كتير من عطفى وحناني

وكنت دايما مطيعه لأمرك

وما كان قلبي فى يوم عليك جاني

ولآخر يوم معاك احترمتك


وبعد ددا كله تنسانى

بعد ما اتعاهدنا لا تفارقنى ولا افارقك

بعد ددا كله جايلى تانى

تقوللى بحبك

وجاي تاني تترجاني
وانا عارفه انها من ورا قلبك

قلتها لى كام مره

دا في ايامك كلها تتعد على صوابعك

دا اللي يحب لازم يكون فى قلبه اخلاص

دا اللي له قلب دا اللي عنده احساس

واللى عملته فىّ اثر عند كل الناس

اللى مسحوا دموع عنيّ وكانوا ليّ حراس



ووقفوا قصاد لعبك بيّ وويا قلبي اللى انداس

اللى ما شاف منك يوم حنيّه اللى كان شايلك

على الراس

دا انهدم حبنا انهدم لانه اتبنى من غير أساس


مع تحيات شوقى غنيم




***********

الحب الكبيرالصادق يبقى صامد أمام الرياح القوية حتى العاصفة الهوجاء يقف أمامها مثل الجبل .
مشكور أخي شوقي وبورك فيك.

جميل ورائع احساسك
اسلوب شيق
تحيات لك
دمت بخير

انا اللى اشكرك على كلماتك الرقيقه والمعبره بصدق عن حبك

تحيتى وتقديرى

فعلا الحب الكبير الصادق لا يجرفه اى تيار ولا غدر الزمان ويظل صامد
مهما حدث تحيتى لكى وتقديرى على الرد المميز

بابا شوقي
تصدق لم اجد رد لما قراته هنا
فالقلب به الجرح ومازال
شكرا لك يا غالي

ابنتى حنان قلبى معكِ فانا اكتب بما يحسه الناس

لأن ما اكتبه كثير ما يحدث فى حياتنا واساس

الحب الاخلاص واذا انعدم الاخلاص ذهب الحب

واصبح جرحه عميق لا يشفيه الا رحمة الله ....

شكرا على المشاركه

وتحتى وتقديرى