|
ايوة انا مصرى
اهداء الى كل المصريين الاحرار
انا مصرى والكلمة دى حقى رافع راسى بيدى وكفنى على كتفى اصرخ واقول ربى خلقنى وجهزنى خلانى للعرب قدوة انصر ضعيف بلدى واحرر قيد امى امى هية العروبة والاسلام دينى والعادل هوة ربى خلقنى وفى قلبى بالاحساس رزقنى انا مصرى والكلمة دى حقى افرش تراب بلدى وامسح ارضها بقلبى واسقي اراضيها بكل نقطة فى دمى اكتب بروحى فيها وانسى قربها همى وادافع عن حقى وحق امى ووالدى وابنى وبنتى وجارى وصاحبى الحق بأيدى مايتهزش والقلب جوايا جامد ومن القاسى مايخافش ياربى نصيبى انى اتخلقت مصرى ونيلة جوة دمى بيروينى من خيرة انا واهلى انا مصرى بصبر كتير على ظلمى ولما بيفيض بية بتمسك اكتر بحقى ايوة فية ظلم كتير وحق راح منى كتير انا وملايين من شعبى وبالصبر والعزيمة رجع لية حقى ربنا فوض لينا شباب اتحملوا عنا العذاب ورجعولى حقى نمت فى وسطيهم بأمان جعت وعلى الأرض كانت فرشتى ولامس تراب التحرير خدى قلت احمدك ياربى انى شفت شبابى والروح بعزيمة شباب بلدى شفتها عشتها ولمستها بيدى سلمية كانت هية بتطالب بحقى نطقت بكبيرها وصغيرها رجالها ونسائها راح منا الكتير ايوة وبدمهم ارتوى حقى رجعت لية حريتى وحرية بلدى والشمس سطعت من جديد بعد تلاتين من عمرى شفتها ايوة والله شفتها نادت علية خليك هنا جنبى وقالت لية يااسامة خلى بالك من هدفك لقيت حواليها نجوم بتلمع سألتها مين همة قالت دول شباب بلدك رفعوا روحهم بقربى علشان تعيش فى نور دايما قلت ليها سيبينى ابوس رجليهم قالت لية يااسامة دول مش كدة ابدا دول ربنا سخرهم ليك ولغيرك لنصرتهم قلت ربى يباركلى فيهم واشوف زيهم ولدى يمسك بحقة وكفنة على يدة واقدم لية حياتى وقلبى ولو مفيش مال اديلة احساسى وقلمى يكتب كل اللى جواة ويعبر بالنيابة عنى انا مصرى والكلمة دى حقى مسلم وعربى كمان وارض الاسلام كلها ارضى وكل اللى فيها اهلى مايفرق بينى وبينهم شئ ولا ابعد عنهم الا يوم اجلى بحبك يابلدى واموت فى ترابك ونيلك فرحان عشانك وانا فى الاربعين من عمرى بداية شبابى حانت والكلمة دلوقتى اقدر اكتبها واسعد بيها قلبى انا مصرى ومسلم كمان وبسامح كل اللى ظلمنى او سرق حقى فية رب كريم بيحاسب كل اللى نسى قبرة وغواة شيطانة فى لحظة ونساة الخوف من ربة انا مصرى واشهدى يادنيا اليوم يوم مولدى لأنى انا مصرى بقلمى اسامة مطر عاشق الروح |
أنا مصرية من البلد ديه
اللي شبابها قلنا عليهم داشباب فيس بوك مش نافع لكن وقت الجد لقيتهم زي أبويا وجدي الأكبر رجالة شربوا من نيلها عجينتهم من أرضي السمرا علمونا إزاي ندافع عن حقوقنا وعن طموحنا وعن آمالنا علمونا أزاي يكون للحق صوت عالي انا عن نفسي كنت بقول : يا أولادي أنا روحي فداكم لكن انتوا أثبتم للكون أنكم تفدونا وتفدوا بلادي *************************** عزيزي أسامة مطر شكرا لك بحجم الكون واقبل مني ارتجالي لما كتبته هنا |
نعم أنت عربي أنت مصري امتلأت رئتاك بأنفاس الشهداء وهم يودعون الحياة بإبتسامة نصر رأوه بالأفق القريب محملا على أجنحة الملائكة نعم رددها بلا خجل مصري أنا وتاريخي مدججج بالحضارات أحييك يا وطن |
يحق لك ان تفخر انك مصري يا اسامة
وكلنا مصر قلمك رائع وجميل وحسك الوطني اروع |
انا عربي فلسطيني الانتماء عربي الوجدان
مصر هي الام الاكبر لنا استطاعت الثورة المصرية ان تعرينا وتكشف عوراتنا كنا نعيش في حلم الحرية الكاذبة انها ليست ثورة مصر انها ثورة على النظام العربي من المشرق للمغرب هذا النظام الذي قهر الشعب العربي في كل مكان دامت مصر بابطالها ودامت الثورة العربية حتى تحرير الوطن العربي من زعمائه الخونة بلا استثناء شريف |
سلمت الايادي اسامه مطر
وكلنا مصر كلماتك تدخل القلب فلا تحرمنا جديدك |
اقتباس:
حبيب قلبى أسامه انت مصرى وانا مصرى وكل عربى حر مصرى والثوره فداها روحى ودمى كلمات رائعه تستحق التثبيت ليقرأها الجميع وممتازه مع تحيتى وتقيرى |
| الساعة الآن 05:27 PM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |