رساله الى امي !!! ( عامية )
 

http://dc16.arabsh.com/i/02716/5ff93zvzmyqq.gif

ومتزعليش ....

فرحان انا بالنصر فرح فوق العادى

ما انا نصري يا أمه مكنش عادى

فرحان أنا بفرحة شباب بلادى

نفس الشباب يامه ..

من كام سنه هما اللى عبروا

نفس الشباب يا امه

من كام سنه هما اللى حاربوا

من كام سنه وايدنا مرفوعه تصلى

من وقت ما حقى من اللى اغتصبه بره رجعلى

ورجعت أنا ,,, من كام سنه

بس الحقيقة يامه فضلت عايش على البطولات

وفضلت عايش على وقت زمنه خلاص فات

ونسيت كتير انى البطل

ونسيت كمان .. ان صوتى عمره ما عرف السكات

ونسيت كمان انى فى الشده جمل

بس عمر ضميرى يا امه ما مات

شوفتينى يا أمه وانا واقف ... وسط ألف شبهى تمام


شفتى المحبة والسلام .. شفتى الزحام شفت الميدان
شفت الصوت اللى عالى مخفش من بطشة جبان
شفت العلم ... وهو مرفوع فوق جبينا
شفتِ الولاد وهما بينادوا بإسمك
شفتى البنات وهما بيغنوا بلادى
شفتى الشوارع .. والمداين والحارات
شفتى الاماكن والزمن اللى سطّر فوق جبينك اسمنا
شفتي الهرم ... وهو بيصرخ معانا ..
وكإن خوفو من كام سنه ... كان برضه راكب على الهرم

وكأنه خوفو كان نهبوا من بلاده ..
وموزعه .. على عزوه فارغه
بس عارفه .. وقت الضرب
وقت ما وقفوا صفوف .. يضربونا بالبنادق
لو شفتى صوتنا واحنا بنقول ارجعوا
لا رصاص هينفع ... ولا ضرب فينا هينفعوا
مخفناش من هزة ايدين جبان
مخفناش .. لما ضربوا تحت الحزام

ولا حتى لما ضربوا فوق
ايه يعنى لما أموت ... وأمى تفوق
فمتزعلش يا أمه انى رحت وسبتك وانتى بتفرحى بنصرك
ارفعى راسك لفوق ....
وقولى أنا أم البطل
اللى مرضيش يسكت .. والكل بينهش فى لحمك
ارفعى راسك يا مصر ... وقولى أنا أم الشهيد


قلمـــــــــى .. ميتو عاشق الفن
10 فبراير 2010

قصيدتك جميلة ميتو وارفعي راسك يا مصر بشبابك
مبروك النصر يا مصر

شكرا الأماكن على حلو خطاك
ميتو

قلمك الجميل يتكلم بلسان الشباب الاحرار
مشكور ميتو وحفظك الله وامثالك من الشباب وحفظ مصر وكل الوطن العربي من المشاكل وكل ثورة وانتم بخير

قصيدة ولا أجمل بارك الله فيك ميتو
بجد شباب رائع جدا ربنا يصبر اهاليهم
شكرا لك

سلم لى مرورك سما

شكرا لذوقكِ سماا

سلم لى مرورك الغالى ... أختى حنان

كامل ودى وورودى اختى الكريمه

ميتووو

من اجمل القصايد معاني قرأتها
يسلم القلم الذى كتبها

تسلم اخى

انرتنى

ورودى

محمد ...

رحم الله الشهداء وأسكنهم فسيح جنانه
اللهم آمين
قصيده معبره وراقيه
ومبارك النصر المبين ايها الشعب الأبي