|
حيكون ليك وحشه كبيره
حيكون ليك وحشه كبيره والليله فى بعدك حتمر عليىّ ليالي كتيره وانت جنبي بغير عليك من الهوا وانت بعيد عني حتكون ايه شكل الغيره؟ حاسهر يا روحي ما انام ويوم بعدك حيمر عليىّ ايام وحيطول عليىّ الليل وتهجرني أحلا الاحلام واسهر واعد نجوم السما والراحه عليىّ حتكون متحرما ولا حيرتاح لى بال ولا في بعدك حشوف هنا ******* دا بتوحشني وانت جنبي اشحال يا روحي وانت بعيد دانا لما بشوفك بيبقى قلبي فى فرحه كبيره ولا يوم العيد ذى الربيع لما بتتفتح زهوره ذى القمر لما يطل علينا بنوره ذى جوابك لما بيجيني وشوف صورتك بين سطوره بالتأكيد أحس ان انت اللى جنبي موش خيال او صوره يفتكرها فى لحظه قلبي انت بجسمك انت بروحك انت بدمك ودموع بين السطور أحس فيها بألمك وفى كل كلمه اقراها اشوف فيها حروف اسمك واخدك بين ايديىّ يا نور عنيىّ وعلي صدرى أضمك ذى حنان الام لما تلقى ابنها الوحيد ذى فرحة طفل بلعبه او بتوب جديد فى يوم العيد **** امال لما ترجع حيكون اذاى لقانا حتكون كل الدنيا يا روحي فى افراح معانا ذى ما نكون فى عيد والكل فرحان وسعيد بس فرحتي حتكون أكتر حتولد ساعتها من جديد حتكون الفرحه فى كل مطرح واحس ان دي اول مره فيها افرح واهيم ..اهيم واسرح فى دنيا تانيه واقول للحزن روح دانا فى أحلا ثانيه واتصور انت لهفة قلبين لما يتقابلوا بعد سينين حنكون احنا لاتنين اذاي ...حنكون اذاي من دلوقتي وبقولك اليوم دا قريب جاي حنغني من الفرحه ونرقص على طبله وناي ونقول يا ليل.. يا ليل.ونقول موال والكلام الحلو اللي ساعتها حينقال واخدك على صدري ساعتها واضمك وحتبقى ذى ما تكون فى حضن أمك ومع دقات قلبي أقول الف.ألف مره اسمك حنسيك ساعتها العزاب اللى شفته فى بعدك وبحنان قلبي اداوي ألمك ..أداوي جرحك ونسيك اللى شفته فى سنين البعد والدموع اللي رسمت علامات على الخد واعيش انا وانت أجمل ليالى الحب وما فيش حيكون ذينا فى الدنيا حد ************ |
|
جميل ما قرأت لك هنا بورك فيك |
ايه الحب الكبير ده يا استاذ شوقي
كلك رقة وحنان سلمت الايادي وبانتظارك دائما |
مشكور اخي شوقي على ما خطه قلمك وابقاكم احبة وبارك الله بكم
|
اقتباس:
شكرا للمشاركه فى الرد وتحيتى وتقديرى |
رووووووووعة
جميلة جدا تسلم ياغالي |
اقتباس:
شكرا ابنتى الغاليه حنان وتحيتى وتنقديرى |
| الساعة الآن 08:23 PM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |