|
نهر غافي للشاعر حازم جابر
_نهر غافي_
مد طولك وي طول الدنيه تلكه الدنيه تلوك الطولك وخصرك مثل الركبه مدور عالي وياجف الينولك يلضميت اسراري بروحك سرك بالساني وماكولك اترف من الدمعه وادري شمسين انسجنن بحجولك مرجحني بشوكك ليليه وخليني باذنك ترجيه تستاهل اعبرلك دنيه والكه الدنيه تلوك الطولك = يلصوتك ضحكات بروحي وزندك جن مشدود بعكده مديت اجفوفي الحيرانه وخدك ماع وعسل تبده مرجوحه ارموشك نعسانه وغافي بحضن خدود الورده شبسرع الليل المر بينه جن بايكنه وراد الشرده = يمعود خدرانه الشفه ضاكت برحي وعسل التمره اجبال الثلج الفوك الدنيه ماعن من جفين الجمره من تتمدد نهر وغافي ومن تتكلب مده وجزره ولو عينك نكطت بطيبه تغرك كل الكون بكطره كل الناس اطوف بعينك ورموشك شباج بحظره بس جرح الدنيه ايفركنه ملظومين بخيط وابره ياشارع يحمل خطواتك اثكيل انته وتكسر ظهره من لميتك بين جروحي ضكت بحظنك حر البصره |
يسلمو يا السومري على هذه الرائعه
تحياتي لك |
يلصوتك ضحكات بروحي
وزندك جن مشدود بعكده مديت اجفوفي الحيرانه وخدك ماع وعسل تبده مرجوحه ارموشك نعسانه وغافي بحضن خدود الورده شبسرع الليل المر بينه جن بايكنه وراد الشرده مشكور على القصيدة الروعه دام عزك زاختياراتك الجميلة |
اقتباس:
تحياتي وتقديري |
اقتباس:
لك ارق التحايا |
شكرا لك على الشعر الرائع موفق فب الاختيار تقديري واحترامي بانتظار مواضيعك القادمة |
اقتباس:
لاحرمنا اطلالتك تحياتي |
الرائع السومري
انتقاء اكثر من جميل دمت بهذا الأبداع والتألق لك خالص تحياتي |
جميل ما اخترت لنا السومري
بانتظار قصائد اخرى ودي وتحياتي |
اقتباس:
لاحرمنا اطلالتك المميزة تحياتي وودي |
| الساعة الآن 04:54 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |