الى الجيش .. من شاب مصري .. أعجبتنى
 

انت الجيش علي عيني وراسي

لكن برضه انا اسمي الشعب


...دورك كان في الثورة اساسي

مش بنكرلك منع الضرب


انت حمتني وكتر خيرك

بوسه كبيره وحضن كبير


بس الحكم ماهوش تفكيرك

احنا اللي نزلنا التحرير


يعني الواجب تسمع مني

وتنفذ كل الطلبات


وتحاكم كل اللي ظلمني

مش بكفالة هنبقي اخوات


كل فلوسي هترجع ليا

ايوه فلوسي مهياش دية

ومحدش بيمن عليا


ولاحنية ولا مصالحات


سبنا العفو لخالق يقدر

لكن حقي انا مش هنساه


عندي شهيد مقتول برصاصهم

وانا مأخدتش لسه عزاه
.
.
.
للشاعر محمد السيد

كلمات اكثر من رائعة
سلمت اخي ميتو على روعة
النقل
تحيات لك

مشكور ميتو على الشعر الجميل
راقي باختيارك