|
ذلة ميدان ( عاميه )
ذلة ميدان . شعر محمد ماهر مرعي
* وفضلت واقف في الميدان أنادي بابا والجيران واقول دا صاحبي معرفهوش ! وأقول دا ذنب معملتهوش وأقول دي حارة آخرها سد ومن ضحكي بقع ع الأرض دا ناس تشاور وناس تكاكي وناس في عز الصيف لابسه بلاطي وناس تهقهق وناس تنهق وناس تجيب السما بإيديها وناس تطاطي في الميدان دا كل فسل وله آدان وكل قرد بإتنين ودان وكل ناصح يقول فلول وهم طافح من كتر القول محاكمه سكه وجمل في عاركه وبقره فوشيا .. طلعلها ريش وناس تطنش وناس تفنش وناس تعبت من التهميش وفي الميدان فضلت واقف قالتلي رجلي كفايه إمشي وغصب عني لقتني خاطف كذا دمعه تحت رمشي وقالوا ثوره ونصر خرافي وكل الشعب قلب قذافي وقالوا خلاص الضلمه راحت وأنا صغير .. يادوب بفكر لقيت الناس رحيتها فاحت كلام غريب .. زحم الجرايد وتصميم عجيب ... وناس تعاند وناس تساند وناس تأيد وناس بتهرب وناس بتفرد وكل واحد له طريقه واحد يهدي .. وواحد يبدي وواحد يولعها حريقه يا ناس كفايه .. كفايه لتّ ما عدت فاهم أي شئ خلاص من كتر الهم مت وكل واحد يقول بريئ وكأني الجاني الوحيد وأنا اللي ماسك التحقيق ! يا مامي اصحي كفايه نوم ولادك خلاص ... شقوا الهدوم ! فى الميدان .. دا رجلى بتخبط .. وكأنى شايف كل شيء زى مكان .. مفرقتش كتير .. لسانا زى زمان !! محمد ماهر مرعي 2/7/2011 |
كلماتك كلها وجع يامحمد عكست الحال كما هو الان تمام
كل يوماحمل قدري على كفي وأقول ياترى النهاردة ايه ياترى كل اللي طلعوا براءه من وزراء وظباط كان ليه ياترى جس نبض للشعب علشان يطلع العادلي واقي الوزراء والريس براءة كمان؟ ياخوفي من جمعة الغضب التانية واللي ممكن يحصل فيها كنت لسه بقول من أهم نتائج الثورة ان الساعة لابتقدم ولا بتأخر لله درك ياميتو كلمات واقعية 100% |
كلمات جميلة ورائعة
سلمت اخي ميتو على روعة الادراج تحيات لك |
رائع يا محمد في وصف الحالة بعد الثورة
احييك واصفق لك احتراما تحياتي والمودة |
العزيزة .. حنان
أصبحت لا اعرف ماذا كان وماذا سيكون وما هو كائن كل ما اراه ان الحياة كما هى .. فقط .. اكتسبت بعض الاثارة والغموض !! لازلنا نحن ؟!! سلمت من كل شر .. |
الجميل .. شريف
سلم لى مرورك الغالى سعيد بأن القصيده عجبتك محبتى .. |
الاماكن
سلم لى حلو مرورك .. ونبض وجودك محبتى .. |
شكرا لكم جميعا .. سعيد انها عجبتكــم ..
|
لى عودة |
منتظرك العزيزة شيموو ..
|
| الساعة الآن 07:04 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |