منتديات المُنى والأرب - خيعونك ياوطن ................... بقلمي

منتديات المُنى والأرب (http://www.arabna312.com//index.php)

- شعر بأقلام الأعضاء (http://www.arabna312.com//forumdisplay.php?f=247)

- - خيعونك ياوطن ................... بقلمي (http://www.arabna312.com//showthread.php?t=17967)

خيعونك ياوطن ................... بقلمي

لتغرد بعد يابلبل أشبيك
غربان الديرة صارو بلابل
ولاتسأل أعله الجرة والصار
وكفت بعد ما تمشي القوافل
معارك عالكراسي بين هذا وذاك
وميهمهم شعب جوعان لو ياكل
أسكت بعد لتدور وياي أحكوك
لأن تدري بأساسك مبني عالباطل
ما يمشن بعد عبرن عليه اهواي
والي يصدك حجيكم اعتبره جاهل
لتكلي انه عشت بالغربه مضلوم
وواحدكم براسي صاير مناضل
بسك كف من هاي الشعارات
وبعد لتضل براسي تضرب قنابل
دشوف أطفالنه الماتت من الجوع
وما كو واحد بيهم السائل
بسك بعد كف لاتحجي وياي
ذبلت وردتي وماتت ذيج السنابل
خيعونك ياوطن بشكد ضلم مريت
ما تعرف فرح بس بالحزن قابل

بقلمي الشاعر
عقيل كريم الشويلي
17-8-2011

جميل ما قرات لك هنا
عزيزي
تحيات لك
سلمت

خيعونك
استاذي
قصيدة وطنية وجميلة جدا ولكني لم افهم العنوان ماذا تعني كلمة خيعونك.. هل تعني:
(على عونك )
مشكور عقيل كريم

قصيدة روعة يا عقيل
ماشاء الله عليك
لا تعليق على ما تكتب بل اعجاب
تحياتي

اسلوب شاعري لطيف وكلمات تدخل القلب
سلمت على بوحك الراقي كرقي حضورك
لا عدمنا وجودك ولا هذا الحب القوي لوطنك

معارك عالكراسي بين هذا وذاك
وميهمهم شعب جوعان لو ياكل
أسكت بعد لتدور وياي أحكوك
لأن تدري بأساسك مبني عالباطل
ما يمشن بعد عبرن عليه اهواي
والي يصدك حجيكم اعتبره جاهل
لتكلي انه عشت بالغربه مضلوم
وواحدكم براسي صاير مناضل
**********************
قصيده رائعه يا اخى تحيتى وتقديرى