|
تعال نطش
تعال نطش
ما رح تكلفك الطشه اشي لا تخاف مو على تركيا مشان اشوف مهند ونورولا حتى لميس ويحيى...ولا على سوريا مشان ما نصير بخبر كان ولا على مصر لميدان التحرير ونصرف القليل والكثير تعال نطش وكمان مش على العقبة بعرف حر الجو وحر الجيبة تعال نطش ونوخذ معنا بطيخة كبيرة ولا تنسى سدر الالمنيوم بحبش استعمل الا هو اه ...............وهات كمان السكينه تاعة الذبح زمان ما استخدمناها من العيد الي فات بلاش تصدي انا جهزت كل اشي ابريق الشاي المحروق تاع النار والفرشات نص العمر وكمان ما نسيت سجادة الصلاة بعرف كل اشي بدك اياه الاولاد؟؟؟؟؟؟؟؟؟؟؟؟؟ لا بدناش نوخذهم بدنا نطش لحالنا دللني واشتريلنا بزر بس مو اي بزر لا................... مو مخلوطة محمص الشعب بدي بزر البطيخ الزغير الي بسمو بزر لمطلقات عارف ليش لاثبتلك انو سناني قويه ولسه انا بخير وكمان عندي طولة بال بتهد جبال بس بدي اطش عارف وين؟ تحت شجرة جدي الي زرعها مشتاقة اشم ريحتو فيها ما بدي اسمع زامور سيارة ولا حتى صوت طيارة ولا جرة سلك كهرباء فراره ولا مسج خلوي قراره نفسي اشوف الحرثون عم يتجسس علينا من فوق الحجر الكبيرة والعصفور يرفرف من فوق الشجرة غضبان ويبعث هدية حقيرة عادي لا تزعل رح بنغسل اواعينا المية بير جدي كثيرة اه لا تنسى اوعى تجيب الابتوب معك ولا بعمل مشكله كبيرة انا زهقانة ونفسي بجرة مي وحصيرة وهدوء يعم على امتنا وكل الديرة ازهقت اخبار ازهقت طبيخ وازهقت كنس وجلي وروتين يومي قبل ما انسى بدنا نروح مشي اوعى تقولي ما يلي حيله وفاء lool |
امممممممممممممممم فعلا شي اكثر من رائع
يعجبني هذا الاسلوب في التعبير عن الذات والوضع العام سلمت لنا عزيزتي تحيات لك |
سلمت الايادي عزيزتي على الطشة الحلوة
تيجي نطش؟؟ هههههههههههههه تحياتي لك |
وفااااء
ما أجمل ما سطرتي هناااا عدتي بنااا للماضي الجميل أمتعينا بشهدك سلمتي |
وفاء راح نطش فى ربوع فلسطين ونقعد تحت شجرة الجميز العتيقة ونغنى ع الدلعونة ونكتب مواويل راح نطش ونكتب ع سوار القدس وع سور عكا حكايات لاحفادنا وفاء اصبت وجعا يتملكنى هنا |
اقتباس:
|
اقتباس:
وووهههههههههههههه ما بطش الا مع ابو عيالي معلش |
اقتباس:
وانتم الاروع سلمتم |
اقتباس:
لا تنفك امي عن الحديث عنها اشكرك اخي ويا رب نرجع ونطش هناك وحتى لو كنا بخيمه اقولك لا بلا خيمة سجادتنا الارض واللحافنا السماء بس بفلسطين اشكرك ابن بلدي |
رائع ما خطه قلمك واسلوب جديد وجميل
بالمناسبة اختي B-happy نائب المدير ليست رجل وهي اخت كما ترين في البروفايل تحياتي لك |
| الساعة الآن 01:39 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |