وقعة نسونجي بمقلب مبكل
 

وقفت حطت ايدا ع صدرا وقالت تفضل
احترت ع صدرا أو ع بيتا يعني مململ
عادت تفضل صدر بيتنا الك هـ المفضل
قلت ياوجه الصبح هيك زودتيلي المأمل
قالت فنجان قهوي وكاس مي بارد معجل
عم نرشف القهوي وفكري بها بلا حلحل
تشربكت وسألت أمس باعتلي عني تسأل
فقلت أهلا ببيت أهلي طلبك يمكن بيتسهل
عن مراسيل سريي والوضع يمكن أعدل
لطلب ايدي ياعازبا عند أهلي ولا أسهل
لان الغرام حرام ومنكر وممنوع ليتحلل
وقعتني بحيص بيص ومأملي صدرا هل
معرم يكونا ملعبا لي وساح للجعك سلسل
اذا بفخ زواج مهير أمام وخلف باب مقفل
حل مبكل والا مافي بعدا المرحبا بتتغافل
قلت لحالي وقعت يا.. ودماغي هم تعطل
حاولت كثعلب لطف الجو قالت لاتزعل
لاقيلك حل وأنا من جرءتا صرت مذهل
جرأه وقوة شخصيه وجمالا الكل مجمل
ولمتزوج متلي وشرعي لواحدي معلل
الهريبي تلتين المراجل ويارمش مكحل
قال الغزل أولى بمرتك ياعقلك مزلزل
هربت من فوري كما غزالا بالفلا عول
شهرين متل مسطول أو مريض معلعل
حلفت يمين اترك العادي الـ رح بسببها
اتبهــــــــــــــــــــــــــــــــــــــــــــــ ـــــــدل

سلمت الايادي اخي الكريم
مشكور على روعة الحروف
تحيات لك

شيريتا أشكر مداخلتك

الأمير الأمير
إذا لم تتبكل فكيف يكون العقدة والحل وانشاء الله حلول سعيدة وهانئة وسلام على الدوام سلمت ياأمير

ههههههههههه
طيب ليش الهروب
وين الرجوله
زواجة تفوت وا حد يموت
سلمت

أبو الفدا بشرعي المسيحي ممنوع التنتين ولهيك لزمله التأديب ولو كنت مسلم كان لجمالها طقها زواجه ثانية والسلام

ههههههه
مشكور انطون على الشعر الجميل
راقي بحضورك وكلماتك
تحياتي

ياروح طيبه شكرا للمرور

هههههههه
الهريبي ثلثين المراجل
شو بدك بهل وقعة او الفخ الجاهز الك
تسلم يا انطون ويعطيك العافية