منتديات المُنى والأرب - جُندي وثوريـه ! .. محمد مـاهر مرعي

رغم إن صوت الوطن مسجون
وانهم ربوهـ على التخازل
خرج من قلب زنازينه عيون ,,
حالفه الحق لأصحابه راجــع
صرخ الجميــع رافضين
واقفين هنا ملايين
هنحارب البهتان
وبالحقوق راجعين
وانا جندى عادي مُصَيَّرْ ..
بتعلم التنشين
قالولى تقف مكانك ..
وعنيك على الواقفين
إياك يخطوا حدودك .
او تتني ليهم عودك ..
أو حتى لحظه تلين .
وانا قلت حاضر وماشي ..
هقدر على الثايرين ..
وانا شاب أصلاً جدع .. مانش من التافهين ..
ووقفت أسد مكاني .. ولا قلبي يعرف خوف
قادر على أحزانى .. وعلى حدفة الملوتوف ,,
الأمـــر احدف قنابل .. بتسيّل الدمــوع
وانا لازم أحدف وأقابل .. الرفض هنا ممنوع
فلمـا أحدف قنابلي .. يردوا بالملوتوف ,,
والدخان غطى سمانـــا .. دخان مداه الشـــوف
شباب كتير بتموت وانا عادى مش فارقــه ..
ما هو قالوا دول أوباش .. وطلبهم الفرقه ..
وانا كنت بسمع كلامهم .. وانفذ كل امـــر ..
لو حتى اغرق فى دم .. أو حتى أنام على الجمـــر ..
وسط الضباب شايـــف بنـــت بتقرب ..
تعرفنى وأعرفهـــا .. وانا لسه بستغرب !
دا بنت عمى يا نـاس .. مجروحــه من الصدمــات ..
تراب .. دخان ودم .. وللألم علامـــات ..
قلبي يا ناس اتغَّــم .. ست البنات مجروحــه ..
والنار عليـها مفتوحـــه .. والوقت خلاص فــات
سألت ايه جابِك .. وازاى هنا مع دول
بدأت تئن وتجاوب .. وانا بستمع للقول
انا جايه هنا عشانك .. وعشاني وعشانهم
أنــا جايه واقفه مع اللي .. حب الوطن خانهم
أنا جايه أوصـــل رســـاله .. للي سممهم
وخلى حقوقهم عواله .. وبالديــن أكلهم
خليك واقف مكانك .. بيادتك ليك أبقى ..
وصــرخة الأحرار .. هي اللى أبقالهم
ومش همشى ومش هرجــع
خليك واقف .. اضرب .. وانا برضوا رجعالهم
: ولجل ما الحدوتة تكمل لازمها " نهايات",
ودولة الظلم تعافر ... لآخر الحكايات
ورجعت البنت سمرا .. وطلابها حريـــه ..
وانا زي مانا أسد .. والقصــــــه مصريــه !!

 قلـــــم ..

 محمد ماهر مرعي

19 * سبتمبر 2012