منتديات المُنى والأرب - الشهيد صابر المرسي غنيم من شهداء يوم العبور

منتديات المُنى والأرب (http://www.arabna312.com//index.php)

- الشاعر شوقي غنيم (http://www.arabna312.com//forumdisplay.php?f=296)

- - الشهيد صابر المرسي غنيم من شهداء يوم العبور (http://www.arabna312.com//showthread.php?t=31438)

الشهيد صابر المرسي غنيم من شهداء يوم العبور

من ذكرياتي
عن الشهيد النقيب
صابر المرسي غنيم
تحتسبه عائلة غنيم
من الشهداء
وتفخر بانه واحد من شهداء مصر
في الجنة ان شاء الله
*******

علقت صورتك على صدري وسام يا بطل

وفى كل مطرح اجيب فى سيرتك واقول

حبيبي عمل وعمل

كان يصوب وبشجاعه يقرب عمره ما يهرب

ما يعرفشي خوف

الله عليه لما بيضرب رصاصه يحصد بالالوف

ياما قالي قبل سته اكتوبر قبل ما يعدي القنال

لامتى يا روحي حافضل صابر انا واخواني الرجال

دا نفسي اشوفها حببتي سينا وحرر فيها كل حبة رمال

وارتفع صوته فى يوم سته

الله اكبر.....الله اكبر....الله اكبر

وباسم الله الاعظم

عدى لسينا فى الحال

واما يحكي اذاى عدى احلا كلام منه سمعته

ساعة ما لمست رمل سينا اتقلبت فوقه يا حببتي وبوسته

وشلت بايدي علم بلادي ورغم الرصاص من حواليّه رفعته

وحميته بصدري .صامد وعدوي قصادي بيجري

ومن دمي اللى كان من قلبي بينزف كتبتبه انا مصري

كان بيحكي وفوق شفايفه اغلا ابتسامه

كان النصر حلمه وعاش لما اتحققت احلامه

وآخر مره شفته قال يا حببتي اوعى تبكي

دانا معاكي طول ما مصر بسلامه

حبيب قلبي حافضل اجيب فى سيرتك

واوري لكل الناس صورتك

وافتخر بشجاعتك وبتضحيتك

بالنصر اللي صنعته بالقنال اللى رجعته

بالعلم اللى رفعته

خليت كل القلوب حبتك

وفى كل سنه حقيد حواليك الشموع

وبايديّه دول أحط الورد من كل نوع

وتبقي انت وانا زهور فى اعياد الربيع

نتبادل حبنا ونبارك نصرنا

بالفرحه موش بالدموع
*******
بالفرحه موش بالدموع
********

مع تحياتى

ابن مصر والعروبه

شوقى غنيم

في ذكرى
اكتوبر

ابن عمي
الشهيد
النقيب
صابر المرسي غنيم

zolzzolzxzx

zolzzolzxzxxzx

http://www.arabna.info/vb/images/write-comment.png