وصيتها
 

وصيّتها ليوم الدين Her will to the Day of Resurrection
............................
لفين رايحين؟
ومختلفين!
وفي الايام دي مش عارفين
نروح علي فين
وللأوجاع
وصلنا وبالألم عايشين
ودم ف بلدي يملا النيل
ومش قادرين
نصون كرامتها لو هي
حكمها مين
جزاة الأم بتخلف وبتربي
وف الاخر يكون اولادها مختلفين؟؟؟؟؟!!!
ولحقوقها بقوا ناسيين
بلدنا هي هياها
ونفس التربة والملايين
ويقصد خوفنا أحضانها
تقوم بينا وبتنادي
ولادي
قولولي انتوا روحتوا لفين
ولادي
اوعوا تتخانقوا
أبوكوا النيل موصيني
عليكوا وروحه خايفة سنين
لا تنسوني
وتبقوا عشاني ندمانين
وهستناكوا طول عمري
ولكن قلبي لسة حزين
عشان طلبي :
تقولوا راجعين
ولكن وانتوا متفقين
وإلا قلبي مش راضي
عليكوا لحد يوم الدين
باحلفكم برب محمد الهادي
وخالق عيسى والعذرا
تكونوا اخوات ومش خافين
من المعتد والظالمين
وروحي معاكوا موجودة
ليـــــــــــــوم الدين
عشان خاطري:ــ ماتختلفوش
ولون الدم مش عاوزين
تعالوا ف حضني ياولادي
وقولوا ياأمي مشتاقين
يعيش الخير معانا سنين
إيدينا لبعض ممدودة
وهنسلم ومش ماشيين
وبعد ماتجمعوا قلوبكوا
تقولوا كلامي لولادكوا
عشان عهدي يكون باقي ليوم الدين
ولما هتبقوا إيد واحدة
عليكوا القلب يبقي يلين
وبابي هقفله عليكوا
وطول ماولادي حواليا
ومتعاونين
مافيش قوة هتكسرهم
ولا ظالم يحطمهم
وقوتهم بكرامتهم
تهد جبال وتنسف قوة الظالمين
وبدعيلكم تكونوا سالمين
ورب العزة ينصرهم
ليــــــوم الدين
♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫
بقلمي : آلاء الشرقاوي



https://fbcdn-sphotos-a-a.akamaihd.n...51769771_n.jpg

رد: وصيتها
 

رد: وصيتها
 

روووووووووووعه
عايشنا الفرقه وأختلف الأحبه
ان لم يوحدنا الدم فسيوحدنا لونه
مووودتي

رد: وصيتها
 

أشكرك ياوالدي العزيز
وردودك شرف عظيم جدا جدا لي

رد: وصيتها
 

أبو فداء
لك مني كل التحايا والمودة
اشكرك