منتديات المُنى والأرب

منتديات المُنى والأرب (http://www.arabna312.com//index.php)

- شعر بأقلام الأعضاء (http://www.arabna312.com//forumdisplay.php?f=247)

- - كدبة (http://www.arabna312.com//showthread.php?t=33340)

أنا كدبه كبيره بتتعلم في عنيك تتوب !
انا صبر العاجز عن رفضه .. فمنيش أيوب
ومنيش شفاف ... ولا جوا في قلبي نفوس طاهرين
دا انا عادى بخاف .. و بوزع جبني على العالمين
فبلاش تتغري في ضحكايه مسروقه في ليل
وتقولى الهم خلاص رايح و الصبر جميل
وتعبي امالي الحيرانه .. في كاسات مرمر
وتحلى الدنيا الصبارة بضحكة سكر
وتقولى دا بكرة هتتعدل .. والحزن يدوب
انا صبر العاجز عن رفضه .. فمنيش ايوب
ومنيش سفاح .. علشان الحلم اللى يخونى اقتله بشويش
انا كنت ارتاح .. لو يوم الضحكة الهربانه على وشي تعيش
وتبان في كلامى و ملامحى ..
وفي حتى ما اكون عايز احبي .. وانا فوق العشرين بسنين
راح احبي و اجيلك متبهدل من لعب الطين
واقولك يا حبيبتي اخيره .. وحياتى سماح
ما انا لسه الطفل اللى بيلعب علشان يرتاح
وانا لسه الولد اللى بيهرب .. متعبش هروب
انا صبر العاجز عن رفضه فمنيش ايوب !

#ارتجالات
#محمد_ماهر
11-8-2014

راح احبي و اجيلك متبهدل من لعب الطين
واقولك يا حبيبتي اخيره .. وحياتى سماح
ما انا لسه الطفل اللى بيلعب علشان يرتاح
وانا لسه الولد اللى بيهرب .. متعبش هروب
انا صبر العاجز عن رفضه فمنيش ايوب !
يااااااهـ يا محمد فعلا كلما كبرنا نجد الطفل في داخلنا يتحرك ويحن الى اللعب
تسلم عزيزي على هذه الارتجالة الرائعة
تقديري لك

حلوة اوي اوي
جميلة
يسلموو

تنحني منا العبارات والجمل امام هذه القصيدة وخاصة انها تحمل صفة الارتجال
شكرا لك اخي محمد بحجم السماء
دام الخاطر والقلم ودمت بخير

أبدعت وأحسنت
راقتني حروفك َ جدا ً
كن بكل الخير .~. .~

يسلمووا يا راقي
كلمات رووعه

ده انت فنان كبير
يسلمو على جمال الفكرة
تحياتي

تسلم ايدينك
كلآم جميل,
ومتعطشيين للمزيد من أبداع قلمك

لحرفك شفافية ورقي تميزتي به
كم راقني التجوال بين صفحاتك غاليتي
استمري بالهطول لإمتاعنا
كل الود