|
حبيبى البطل
علقت صورتك على صدرى وسام يا بطل وفى كل مطرح أجيب فى سيرتك وقول حبيبى عمل وعمل كان يصوب وبشجاعه يقرب عمره ما يهرب ما يعرفشى خوف الله عليه لما بيضرب رصاصه يحصد بالالوف ياما قاللى قبل سته أكتوبر قبل ما يعدى القنال لامتى يا روحى حافضل صابر أنا واخوانى الرجال دا نفسى أشوفها حببتى سينا وحرر فيها كل حبة رمال وارتفع صوته الله اكبر الله اكبر الله اكبر وعدا القنال ************** واما يحكى اذاى عدا أحلا كلام منه سمعته ساعة ما لمست رمل سينا اتقلبت فوقه با حببتى وبوسته وشلت بايدى علم بلادى ورغم الرصاص من حواليه رفعته وحميته بصدرى صامد وعدوى قصادى بيجرى ومن دمى اللى كان من قلبى بينزف كتبتبه أنا مصرى *************** كان بيحكى وفوق شفايفه أغلا ابتسامه كان النصر حلمه وعاش لما اتحققت أحلامه وّاخر مره شفته قال يا حببتى اوعى تبكى دا انا معاكى طول ما مصر بسلامه ************ حبيب قلبى حافضل اجيب فى سيرتك وأورى كل الناس صورتك وافتخر بشجاعتك وبتضحيتك بالنصر اللى صنعته بالعلم اللى رفعته بالقنال اللى رجعته خليت كل القلوب حبتك وفى كل سنه حقيد حواليك الشموع وبادى دول أحط الورد من كل نوع وابقى أنا وانت زهور فى أعياد الربيع نتبادل حبنا ونبارك نصرنا بالفرحه وموش بالدموع *********** مع تحياتى شوقى غنيم |
|
اقتباس:
شكرا على المشاركه وكلنا نحب الوطن ونفديه بارواحنا اسعدنى مشاركتكم |
مشكور على الكلمات الجميلة
دمت بكل خير |
اقتباس:
شكرا على مشاركتكم فى حب الوطن |
| الساعة الآن 06:16 PM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |