![]() |
الموت لاجامنك يازين مسموح .,’!
الموت لاجامنك يازين مسموح .,’! عزاه ياشوق يجي يوم ويروح ..............مدري وش الي حال دوني ودونه الشوق جمرة تحرق القلب ويفوح ............من حرها شفت العنا والمهونه لاتستفز القلب والقلب مجروح ............قلب ليا صديت زادت شطونه لاقلت لي ببقى ولا قلت باروح ...........ارحم خفوق منك كثرت طعونه ترا الجفا والصد مافيه مصلوح ...........هذا اللذي كل العواذل يبونه العين تبكي والغلاصارمفضوح ...........والروح راحت من عناك مغبونه والحال ناحل واعذب الصوت مبحوح ...........عزي لمن صارت عظامه تخونه المعذرة ياشوق لوراحت الروح ...........مدام وصلك مقفيات مزونه الموت لاجامنك يازين مسموح ..........كان الغلا بالموت جهز كفونه مادام عرق الوصل بالصد مذبوح ...........اصبر لشوق قلوبنا يدفنونه واليا دفنت الشوق اكتب على اللوح ..........مرحوم ياقلب تهاوت ركونه وافتح دهاريز العزا وانت مبيوح ..........واقبل عزا الي فيك خابت ظنونه |
الاخت ريانة العود
قصيدة تعزف على اوتار القلب بصدق العاطفة سلمت يداك نــــــــــــدى الساعدي |
ريانة ياشقيقة الحرف ...أتنفس الدفء المعطر بين صفحاتك واختياراتك ...أين أنت لا تغيبي ...لك شوق كبير
|
طرحك في منتهي الروعه والفائده في انتظار جديدك ودمت بكل خير |
اقتباس:
طرحت فابدعت ,, دمت ودام هذا العطاء ودائما بأنتظار جديدك الشيّق خالص ودي وأعذب التحايا لكـى ابنتى ريانة العود http://www.upgulf.com/GIF/HXO29570.gif مع احترامي |
الساعة الآن 07:06 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |