[شوقى غنيم]

أم الشهيد بتنده من جديد
دم ابني ما يروحشي هدر
بتصرخ باعلا صوت
لو حتى أموت
لا بد آخد بتاري من اللي غدر
كانت مظاهره سلميه سلميه
ابني كان بينادي بالحريه
ما كانشي بايده سلاح ولا حجر
المتهمين اذاى ياخدوا افراج
يبقى مين القاتل ومين اللي أمر
مين القناص اللي كان بيضرب قدام الناس
من فوق العمارات .من ورا الجدران
من فوق الشجر
مين اللي ضيع الحقيقه
مين اللي هرب بالسريقه
والا دا كان قضاء وقدر
مين اللي حرق الورق
والاسرار ليه تنحرق
ومين اللي فجر الشرر
القاضي حكم باللي اتقدمله من الورق
والكل شايف الحقيق بتنحرق
وأموال البلد اللي بتنسرق
ومن آلاف الورق القاضي حكم القاضي قرر
مين اللي كان في الميدان
مين اللي كان راكب الجمل
مين اللي كان راكب الحصان
والا كمان الشريط د ه انحرق
القاضي حكم.. القاضي ما ظلم
مالقاش متهمين جوه الورق
القضاء المصري مشهود له
ذى العلم
بس أم الشهيد
عايشه النهارده ويا الالم
بتبكي ابنها اللي بالسياره انصدم
واللي برصاص الغدر انقتل
واللي في وسط النار اتحرق
قلبي وقلبها انحسر
والملايين ما تعوضهاش
بتقول دم ابني ما يروحشي بلاش
ولا بد من القصاص من اللي قتل ومن اللي أمر
*******