[شوقى غنيم]

عمري ما أنساك

للشاعر المصرى شوقى غنيم

*********************
أنا هنت عليك ليه كدا الله يخليك
ما كنتش بتحمل جرحك وبروحي أداويك
وان يوم غبت عني في الليل أناديك
ومن حنان قلبي عطشان أسقيك
واللي تطلبه مني ما أتأخر واديك
ليه هنت عليك
***********
يا حبيبي الأيام بينا آلام وجراح
وبكا بدموع ع الحب اللي راح
وانت ولا انت هنا في الهجر سواح
بعد ما كنا في سعاده و هنا وأفراح
وليلاتي من حبي أديك
أنا هنت عليك
****************
أجمل أيام انا وانت يا حبيبي عشناها
بساتين حبنا بحنيتنا رويناها
أحلامنا ومستقبلنا طوبه طوبه بنيناها
والصعب فيها بحبنا اتحملناها
وحققتلك كل أمانيك
وليه انا هنت عليك
**************
اذاى يا حبيبي كلدا نسيته انا ما نسيته
كل شيئ حبيته في الدنيا أنا معاك حبيته
حتى الهجر حتى المر اللي لقلبي سقيته
.زرعته ورود جوه جناين بحنيتي رويته
ولسه بحبي مستنيك
ليه يا حبيبي انا هنت عليك
***************
ارجعلي يا حبيبي الأيام بينا بتجري
واللي راح موش راجع تاني
أنا وياك بالحب ولآخر عمري
انا فاكراك واذاى انت بتنساني
كفايه بعد كفايه هجر وشتات فكري
وأعيش وحدي وانت بعيد وحداني
ارجع تاني اعيش وياك الحب
مهما تغيب والا تبعد انت اللي في القلب
واما ترجع كل دا حنساه وبحنان قلبي أرضيك
ليه أنا هنت عليك