[شوقى غنيم]

كل سنه والمصريين والعرب بخير بمناسبة ثورة 23 يولو 1952
كتبت كتير عنها لأنى عشتها كان عمرى 14 سنه
قامت الثوره من الظلم والاستعمار الانجليزى
كنت قى بلدى ميت غمر كان الانجليز موجودين فى بلدنا على كوبرى زفتى
كنت أنا واصحابى نروح نرميهم بالحجاره ويجروا ورانا يهددونا بضرب الرصاص
كانت جدتى الله يرحمها تحكيلى عن زوجها
اللى أخدوه الانجليز بالقوه عشان حفر قناة السويس ولم يعود لها ودفن فى قلب قناة السويس
وقامت ثورة 23 يوليو بزعامة البطل جمال عبد الناصر اول كلام كتبته ساعة اعلان السادات قيام الثوره الكلام ده لم أغير فيه حرف كما كتبته كنت متاثر بوحشية الاستعمار الانجليرى
كتبت أبى مات شهيدا
*******************
أبى... لكفاحك قصه طويله حاحكيها
قصه طويله أقتدى وأفتخر بيها
رغم إنى كنت صغير موش ناسيها
ليالى كنت أشوفك فيها تسهر وراسك بين إيديك بتفكر
وكنت أسمعك بتقول إحنا موش عبيد ليه يتحكم فينا ويؤمر
وفى ليالى كنت أسمعك بتقول لصحابك
حنفضل صابرين لإمتى لازم نحاربهم
كفايه إستحملناسنين ذلهم لينا وتعذيبهم
لازم نعيد مجدنا ونحرر أراضينا ونخرجهم
ما كنتش أعرف أيامها معنى دا إيه والا مين إللى بتقصدهم
وكنت أسألك تقولى بكره تعرف لما تكبر
حتى أمى كنت أسألها تقولى يا حبيبى إنت لسه صغير
لغاية ما جه فى بوم إتنين حمر أخدوك
وقدام عنيّه بالسلاسل قيدوك
أخدتنى ساعتها بين إيديك وفضلت تقول إبنى..إبنى..إبنى
ورغم إلضرب إللى كان نازل عليك مبقتشى عايز تسيبنى
وآخر مره أشوفك كنت واقف ورا قضبان حديد
لو أعرف إنى موش تانى حشوفك كنت ساعتها كسرت إلحديد بالإيد
كان كل إللى أعرفه بعدها عنك إنك مسافر بعيد
لغاية ما كبرت وعرفت إنك مت وفداء لوطنك شهيد
أبى......أبى......أبى
خدنا بتارك من إللى قتلوك وحررنا أراضينا
راح إلظالم والمستعمر وصبح حكمنا بإيدينا
قام الشعب و جيشنا بالثوره وتحققت امانينا
ثورة 23 يوليو ولا حاكم ولا مستعمريتحكم فينا
وكانت قصة كفاحنا كماله لقصة كفاحك
حملنا من بعدك يا إبى علمك وسلاحك
*******