[شوقى غنيم]

إمتى؟ ترجع الضحكه للولاد
إمتى؟ يلاقوا اللعبه في ايديهم
إمتى ؟يهنوا بعض بيوم الميلاد
إمتى؟ يلقوا الحضن اللي يدفيهم
إمتى ؟ ييجي يوم الميعاد
وتتحرر أراضيهم
إمتى؟ الشجر حيتكلم
ولاأي سور يداريهم
أهم بنو الأسوار قالوا عشان تخفيهم
إمتى؟ ييجوا اللي ورا القضبان
ويعيشوا ويا أهاليهم
وترجع الفرحه للولاد
و للي في الدار مستنيهم
و تتحرر البلاد ويبقى حكمها في إيديهم
إمتى؟ و إمتى؟ و إمتى؟؟
دي بقت غنوه من أغانيهم
بكيت مع بكا طفله
شايله كسره من العيش
بتقول ودوها لابويا السجين
ابويا ما أكلشي من عشر تيام ولا لقمه
وفرت دمعتي من العين
غرقانه في دموعها بحور سايله
كسر قلبي...قلبها الحزين
بتصرح وهيّ في عمر الزهور لسه زهره
وبتدعي يا أرحم الراحمين
و طفل تاني خارج من بيته جاتله طلقه
ما يعرف جاتله منين
وقع على الارض يسبح في دمه
يصرخ باعلا صوته يا ظلمه يا غدارين
فارق الحياة وأنا لسه راجع من على قبره
إندفن ويا الشهدا الملايين
إمتى ؟ و إمتى؟ و إمتى ؟؟؟
وأنا واحد من الملايين مابقاش عندي صبر
يا إما افدي فلسطين بدمي
يا إما افحرلي في ترابها قبر
ولا أعيش جبان وحقوقي متاخده
واقول أنا مالي..إبعد عن الشر
و حتفيد بايه الحياة وبلدي موش حره
لأ..لأ...لأ ..لأ
ما اكونشي جبان وأنا عربي حر
لا ..لا ..لا
ما اكونشي جبان وأنا عربي حر

مع تحياتى
اللهم فك أسر كل أسير