حمد بن علي الكعبي - ديوان شعر

[أرب جمـال]

حمد بن علي الكعبي - ديوان شعر



ساعات
ساعات أحس أن الزمن
قاسي ولا يمكن يلين
وساعات أحس أن الفرح
محال ولا يمكن يحين
هذا اللي شفته بدنيتي
وكل ما مضى لي من سنين
يا من يعلمني الفرح
ويفرح القلب الحزين
أشكي مرارة حيرتي
بدنيا ما ظني بتزين
واذا بدى بعيني الأمل
تجد أحزاني وتبين
روّح زماني وأنتهى
وترك لي الجرح الدفين
دنيا كفى الله شرها
تخلي كل قاسي يلين

تفرح لك قلوب

تفرح لك قلوبٍ ودايم بطاريك
وتفخر بك بلادٍ وكلها تحيك
حمدنا أبطيبه وحبه ملكنا
يا نور بحريننا طابت مساعيك
****
الخير بافعالك وهاذي مواريك
تسلم يمينك ورب الكون يحميك
ملك ملكت قلوب كلها تحبك
حمد ولا غيرك في حبنا يجاريك
****
لك الغلى كله محدٍ يساويك
كل المشاعر كلها لك تناديك
حمد ومن يعرفك ما ظن ينساك
خيرك على البحرين وبيضا اياديك
****
آمر علينا امرك احنا نلبيك
سمعٍ وطاعة سيدي دوم نفديك
انته المليك اللي عسى الله يخليه
ذخرٍ لنا وفي عيون كل اللي يغليك

مساء الخير
مساء الخير يا حبي
مساء الفل وأطيابه
مساء أبليله الوردي
مساء من قلب لحبابه
يا روحٍ تسكن أبصدري
يا قلبي وأغلى أحبابه
أبي حبك يلازمني
كل عمري وما تبقى به
هلا بك يا بعد روحي
يا فرحي وأجمل أسبابه
يا زينه أغلى ما عندي
تعدا كل أصحابه

صابر
صابر على طول الليالي والأيام
أنشد وأدور راحتي والركاده
كم ليلةٍ أسهر وغيري بها ينام
وأعاف أنا مرقدي والوساده
يزورني هوجاس و آعيش الأحلام
وأشوف أنا حيرتي في زياده
لا مر طيفه في سما فكري وحام
أحس باقي في حياتي سعاده
من لامني عساه بالحب ينلام
ويذوب من نار المحبه فؤاده
آمر تدلل دوم تلقاني جدام
يلي الحسن من بعدكم صار ساده

ما غاب زولك
ما غاب زولك عن عيوني ثواني
ولا غاب حبٍ في حياتي عرفته
يا حاضري أنته وكل الأماني
وأنته غرامك في عيوني رسمته
يفداك عمري وما بقى من زماني
ويفداك قلبٍ بالرضاء لك وهبته
طبعك غناتي حاش كل المعاني
يا حب غالي في ضميري رفعته
أفرح لفرحك وأنسى ما كنت أعاني
وأنسى أنا كل همي اللي ذكرته
لاغبت عن عيني يضيق المكاني
وأنته مكانك قلبي اللي ملكته

شفت موتي


شفت موتي وأنا حيوالسبب هم فرقاك
أرفق بحالي أشويقلبي ما طاع يسلاك
أطلبك دامني حيتحفظه لي ويفداك
خلني المح الضيضي طلت محياك
شوقي لك ما هو أشوييا حبيبي ولا أنساك
شوفتك عندي الفَيوعمري القاه وياك
والعذر ما بقى شيغير قول آتمناك
حبكم طيني طيوالسبب هم فرقاك




شرقي
هب مـ الشرق نسناس
وعاد قلبي يبيهم
حبهم ساكن الراس
وميتٍ موت فيهم
حسهم بين لنفاس
بالضلوع أحتويهم
صابرٍ قاطع الياس
وبي أمل التقيهم
والفكر تاه وحتاس
من كثر شوقي إليهم
هم خذوا كل لحساس
وبالعمر أفتديهم

يا طير
يا طير يا مناحر هبوب الغرابي
بلغ سلامي لبوعلي في محله
بوصيك وأن مريت دار الضبابي
سلم على اللي ما تجي منه زله
أعني أنا اللي فعله ما يوم عابي
أمبينٍ تلقاه في طيب فعله
علم ومَعرفه جادها بالصوابي
ودرب المعالي دايمٍ يمتثل له
تسعة شهور أعدها بالحسابي
وكم ليل من فرقاه دمعي أهله
عساه يسلم لي وتهون الصعابي
وتغر عين بشوفها ما تمله
أهواك
أهواك يا المحبوب أهواك
يا من سكنت القلب والعين
حياتي ما تسوى بلياك
يا مهجتي يا كامل الزين
لالا تظن القلب يسلاك
لالا ولا مثلك محبين
في خاطري دوم ذكراك
وأن زرتنّي الّعيد عيدين
ياما تسامرت وياك
والليل يجمعنا حبيبين
لولاك يالمزيون لولاك
محدٍ سكن في القلب والعين

أمجاد الوطن
يامعلي أمجاد الوطن لبيه
حمدنا يامر علينا كلنا
وطنا غالي وكلنا نفديه
حمدنا تفخر بك بلادنا
عهدٍ علينا وكلنا نوفيه
حمدنا لجلك نوفي عهدنا
غالي ترابك ياوطن نحمية
حمدنا ترخص لك اعمارنا
بيرق وطنا عالي نعليه
حمدنا عليّيت شان بلادنا
ياحب غالي بالصدر نغليه
حمدناتشهد علينا قلوبنا
واضح ولانا وما ابد نخفيه
حمدنا تفدى غلاك ارواحنا
ياخير وعزٍ للوطن بيديه
حمدنا حقق أماني شعبنا
عالي وطنا منك يامعليه
حمدنا لك دوم يبقى ودنا
يالحن في حب الوطن نشديه
حمدنا اسمك يزين لحننا

أفرحي يا دارنا


أفرحي يا دارنا بعزك حمد
هو نسل الأخيار نسل الطيبين
من عريب الجد حكمه مستمد
داره البحرين وبحكمه تزين
حبنا لك باقيٍ طول الأمد
باقيٍ طول الليالي والسنين
من كرم جودك أرى كلٍ حَمد
يا مليكٍ كلنا لك مخلصين
كل من شاهد مكارمكم شهد
يا عساكم دوم والله سالمين
يا مشاعر صغتها بسمك حمد
غني للبحرين دار الطيبين



عيدنا اقبل




سيدي جيتك أبارك وأعايد
عيدنا أقبل ونوّر علينا
المشاعر صغتها لجلك قصايد
والقوافي بمدح شخصك تزينا
يا زعيم الخير يا خير قايد
حامي البحرين طول السنينا
آمر وتلقى ولاء الشعب زايد
كلنا من حبنا طايعينا
كل عام وعيد لامجاد عايد
ندعي الله يحفظك ما حيينا
انت ذخرٍ في الرخاء والشدايد
عزوةٍ ليمن شكا حْد فينا


حلوٍ على قلبي
حلوٍ على قلبي هواكم
عايش مع أيامي سعيد
غايتي أطلب رضاكم
وأن حصل ذا اليوم عيد
ليتيني مسافر جداكم
وأترك الغربه بعيد
قلبي ما يهوى سواكم
وأنتو بس حبه الوحيد
زايد أبقلبي غلاكم
يا عسى دومٍٍ يزيد
عيني يعجبها حلاكم
وزينكم عندي فريد
شوقي يسبقني لقاكم
لو شوفكم من بعيد
عايش العمر برجاكم
وغيركم لا ما أريد


راية العز
رفرفي يا راية العز من فوق
وأشعلي حب الوطن وسط الحنايا
لك غلا يا أرض أغلا من الموق
ما توفي حق الأرض حتى المنايا
حمدنا شمس الوفا وأمجاده شروق
حمدنا راعي الكرم شهم السجايا
أنت أغلا ما في الوطن قدركم فوق
أنته مليك الطيب جزل العطايا
أنسوق الأعمار لجلك يا وطن سوق
كلما عطينا الحب ظلت بقايا
الحب في قلوبنا عهد موثوق
يشهد على حبنا رب البرايا


انتهى