معقوله مشبعتيش خيانه!! ( عاميه )

[محمد ماهر مرعي]

وخلاص مبقاش مكانك
أخدته غيرك
وزمانى مبقاش زمانك
ولا عودت أنا طيرك
شوفي حكاية جديده .. بعيد عني إلعبيها
شوفي روايه جديده .. بقصصك ازحميها
خليني ذكرى جميله وسط الذكريات
خليني فارس
ولا لص
ولا حارس
ولا حد ضميره مات
مش هتفرق ...
الحقيقه واضحه مهما تزيفيها
والطريق لو مفروش شوك .. يبان
والخسيس مهما علا مكانه .. جبان
خليكي لوحدك واقفه ويا أوراقك
خليكي وحدك واقفه ويا اشواقك
كفاية زيف وسخافه ملهاش داعي
وايه تنفع المطره لو ضاعت المراعي
وإيه يوقف البقره لو مفيش راعي !
الوقت عدا خلاص
وخلاص خلاص مبقتيش اللى اعشقك
مبقتيش اللى أحلم بيها لما عيوني تنعس بعد التعب
انسى العتب
خلاص رصيد السماح خلص من دفتري
واوعاك لحظه تفكري
إن زمنك المفروش ورود .. يعود
خلاص زمنك انتهى
أسكتي ...
والزمي حدودك .. مكانك
وإعرفى حجمك كويس ..
أصل الطيبه
لما تزيد عن حدها ... بتبقى خيبه !
متفكريش نفسك خطيره
ولا مثيره
ولا حاجه نـــادره
دا انت اصغر من حقيره
دا لولا أهلى قالوا انها عيبه
لقلت عنك انت فاجره !
بس اللي نفعك إني متربي ...
فاعرفي حجمك وحجمي
واعرفى اسمك واسمي
وامسحي صورتك اللى صدّت بين ضلوعي
أصل جسمك انت نحّس من الخيانه
وأنا جسمي لسه أخضر ... مغيرتوش المواجع
إرحمي ضعفك وقومي من قصادي
وابعدى عني وانسي إني راجع
وكفايه دمعك وفريه لحد غيري
أصل انا شبعت من رواية المكسوره والخمره
وبنت لازمها ميـــت عَـمْرَه!!
وضعف وذل ومهانه ...
معقوله جاية تعيدي .. قصة حزننا
معقوله مشبعتيش خيانه!!

‏.
‏.
‏.
مستوحاه من الواقع !!
قلمي
ميتو عاشق الفن ..
‏‎16‎مايو 2011

[حنان عرفه]

محمد
أتقنت الحرف وقلت كثيرا مما في قلوب الكثيرين
هناك من يتقنون لعبة الخيانة باسم الحب
سواء نساء أو رجال يعتقدون أنهم فوق البشر
وأنهم محال أن يقاومهم بشر ، واهمون لأن الأقنعة
سرعان ما تنكشف ويظهر الوجه القبيح ويسقط صاحب القناع
ووقتها لاعودة ولا تراجع خروج للأبد.
أعجبتني الثورة التي في الكلمات ...

[أرابيلا]

قرأت لشاعر يتقن كتابة الشعر باللهجة المصرية الجميلة
اسجل اعجابي الشديد بما نثرت هنا ميتو عاشق الفن
لا تتوقف عن الكتابة بهذا اللون
تحياتي لك

[B-happy]

فعلا انك فنان الحرف والكلمة ميتو
احسست نفسي وانا اقرأها كأني ابحث عمن يلحنها ومطرب يغنيها ..
مستوحاة من الواقع ..!
صدقا جميلة جدااااااااا
سلمت الايادي ميتو وبانتظار ما تمتعنا به وانا مع ارابيلا فلا تتوقف عن الكتابة بهذا اللون ايضا
تحياتي

[hakimnexen]

معقوله جاية تعيدي .. قصة حزننا
معقوله مشبعتيش خيانه!!
++++++++++++
ودى حتشبع
مش ممكن تشبع
دى معجونة من الخيانة
++++++++++++
الله درك محمد
ما اروع صراحتك
اصبتها فى مقتل
ليتها تفهم

[Laila mhd]

ابدعت يا محمد رغم انه مش جديد
بس الاحساس هنا فاق الوصف
وكأنك تصف واقع ملموس عشت وتعايشت معه
تحياتى لك ولقلمك الذي لا يعرف حدود للأبداع

[نصير عبد الرحمان]

يا حلاوتك يا جمالك يا أمحمد
مش غريبه كل ده يكون جمالك
رائع يا ميتو بكل ما تحمله الكلمة من معنى
شكرا لهذا الجمال

[محمد ماهر مرعي]

اقتباس : المشاركة الأصلية كتبت بواسطة حنان شوقي [ مشاهدة المشاركة ]

محمد أتقنت الحرف وقلت كثيرا مما في قلوب الكثيرين هناك من يتقنون لعبة الخيانة باسم الحب سواء نساء أو رجال يعتقدون أنهم فوق البشر وأنهم محال أن يقاومهم بشر ، واهمون لأن الأقنعة سرعان ما تنكشف ويظهر الوجه القبيح ويسقط صاحب القناع ووقتها لاعودة ولا تراجع خروج للأبد. أعجبتني الثورة التي في الكلمات ...

تسلمى العزيزة حنان

سعدت بوجودك .. وكلامك

كامل ودى وورودى ..

محمد

[محمد ماهر مرعي]

اقتباس : المشاركة الأصلية كتبت بواسطة أرابيلا [ مشاهدة المشاركة ]

قرأت لشاعر يتقن كتابة الشعر باللهجة المصرية الجميلة اسجل اعجابي الشديد بما نثرت هنا ميتو عاشق الفن لا تتوقف عن الكتابة بهذا اللون تحياتي لك

تسلمى العزيزة .. ارابيلا

أسعدنى خطوك ..

كامل ودى وورودى

ميتو

[محمد ماهر مرعي]

اقتباس : المشاركة الأصلية كتبت بواسطة لؤلؤة المنتدى [ مشاهدة المشاركة ]

فعلا انك فنان الحرف والكلمة ميتو احسست نفسي وانا اقرأها كأني ابحث عمن يلحنها ومطرب يغنيها .. مستوحاة من الواقع ..! صدقا جميلة جدااااااااا سلمت الايادي ميتو وبانتظار ما تمتعنا به وانا مع ارابيلا فلا تتوقف عن الكتابة بهذا اللون ايضا تحياتي

تسلمى العزيزة .. هابى

من ذوقك الغالى

كامل ودى وورودى أختى

محمد