نهر خوة صرت من رادو الماي

[لؤلؤة ثمينة]

نهر خوة صرت من رادو الماي

اخوتي وعافية عمري يشربون

يجون عله الجرف واصعد للحلوك

حتى بهاي ما اقبل يدنكون

وجسر لجدامهم مديت الضلوع

علي بيه ردتهم من يعبرون

ويوم المات جرفي وغمض العين

ولا صرخة اخو بين اليشيعون

عليه اجفوفهم ما شكن الثوب

عليهم جان دمعي يشك العيون

ادين انطيتهم لمشاكف الموت

وبديه بطيحتي كامو يصفكون

سيفي انطيته من احتاجو السيف

وشفت ظهري ولكيته بسيفي مطعون

نسو شارة الخوة تعثر اليبيع

لان حلفو جذب باجر يعثرون

شجرتهم جنت من لسعة الصيف

وتحت فيي شكثر جانو يكعدون

وكتهم من برد صارو علي فوس

واجو من المواكهدهم يحظرون

مطر مارديهم مبارك غيوم

واكل للزامطو باجر يمطرون

شو ما غيمو بس مطرو جروح

على خدود الگلب بس گلبي شاطر

يفك باب المحنة بوجه العتاب

واصد رماح اخوتي بصدر شاعر

عمر لخيولهم صرت انا ميدان

علي تسحك واصفكلها الحوافر

واصيرلهم شفايف من يطعنون

وابوس اثار طعنات الخناجر

وادفنها المشاعر بلكن تموت

ترد ردود وتخضر مشاعر

خذت طبع الجبل كل طعنه بي غار

ولا شافة سفح مكسور خاطر

مثل موت الشمس هيج انا بالموت

يظمني الليل ويطلعني باجر

ما دام بصدرها برودة الماي

دخلي الدوس بضهور الگناطر

شيهم الدوس بظهور الگناطر


م\ن

[ابو فداء]

أختي الغاليه لؤلؤه
اكيد جميل جداً
بس أنا مقدرتش أعرف كل الكلمااات
سلمتي

[الامير الشهابي]

الاخت الفاضله لؤلؤه
بارك الله فيك كلمات عميقه
ومن خلال السياق فهمت
مافهمت وغاب عني مالم افهم
شكرا لك مع مودتي وتقديري

[ناجي أبوشعيب]

sha@
الجميل ما فهمته والأجمل ما لم أفهمه
أسعدني تواجدي هنا لؤلؤة
دمت بألف ودّ
احتراماتي
أخوك ناجي بن مسعود
sha@

[shreeata]

مشكورة على النقل الجميل
عزيزتي لؤلؤة
تحيات لك

[الوزير]

مشكورة على النقل