دلعونا شاميه

[انطون سابا]

على دلعونا وعلى دلعونا
سحرا شو مبين من برق عيونا
حسنا محليلا لساح خدودا
محليلا شفافا الحمره المزيونا
***
رموشا للحلوي قواس المحنيي
كل رمشي بتهدي من شافا هديي
رمشتلي وحدي رمشي غاليي
قلبت لي حالي صاير مجنونا
***
هاي الدلعونا قدا من قدا
عالدنيي عندي صارت تتبدا
ماعاد لي صبر وما عم اتهدى
حتى غازلها بملقى الملعونا
***
لـ اتغزل فيها وجبينا العالي
بحواجب لونا غيرلي حوالي
خدودا المحمرّه تفاح الغالي
قرش بيتاكل بشهدو وبدونا
***
على دلعونا هـ البنت الليها
شو عندي رغبي امسك بيديها
وشفافي تبوّس خدا وإيديها
تحوطني بحضنا الدافي الحنونا
***
مبارح ملعوني مبارح لم شفتا
تمنيت ولانّي بس إني حشتا
خفتا وهاجمها وشقدي خفتا
لا تخاف تبطّل تيجي لهونا
***
كيف بدّي تعرف فيي المنحوسي
وحبا غلغلني كإنّو سوسي
تقولو قصتنا قصه مدسوسي
وماعرفت فيي ولا عرفت فنونا
***
الدلعونا ولّوُ ماجملها صبيي
لاخطبها واعمل حفلي مدويي
طبعا بس انهي للعسكريي
ساعتها بحط جناني ع جنونا
***
على دلعونا جناني وجنونا
رح يطلع منّن جني ومجنونا
ياأهل الله بالله تساعدونا
شويي نتهدى جنوني وجنونا
***

[شوقى غنيم]

لـ اتغزل فيها وجبينا العالي
بحواجب لونا غيرلي حوالي
خدودا المحمرّه تفاح الغالي
قرش بيتاكل بشهدو وبدونا
--------------
كلمات جميله ورائعه
بلهجه مميزه مفهومه
احببت قراءتها وتمتاز بقوة
التعبير وجمال التصوير
وموسيقاها اللتي تتخلل حروفها
تحيتي وتقديري

[انطون سابا]

من بعدك شاعرنا الكبير

[انثى استثنائيه]

كيف بدّي تعرف فيي المنحوسي
وحبا غلغلني كإنّو سوسي
تقولو قصتنا قصه مدسوسي
وماعرفت فيي ولا عرفت فنونا
جميلة دلعونا يا انطون
تسلم دياتك

[غربة وطن]

أشكرك أخي القدير على هذا الشعر الزجلي ان ما كنت غلطان
تحياتي لك

[انطون سابا]

انثى شكرا لمرورك الرائع

[انطون سابا]

نعم هو شعر زجلي يدعى وشكرا لمرورك الكريم