قصة وحيشة المشلحية مع ابن هذيل

**B-happy** · 21 - 5 - 2013, 11:52 PM

قصة وحيشة المشلحية مع ابن هذيل
حبيت انقل لكم هذه القصة الرائعة المؤثرة الحزينة ايضاً وهي بالمختصر المفيد !!!

قصة وحيشة المشلحية مع ابن هذيل

ابن هذيل من شيوخ العمود من أمراء سقف(سقف من محافضة الغزالة جنوب حائل) للي مايعرفها!
و وحيشة من سقف ايضاً

القصة: أدهرت نجد بأسرها ورحل ابن هذيل ومن معه إلى نقرة أيوب(نقرة أيوب بين سوريا وتركيا)
الكلام هذا قبل ما يقارب 300 سنه
لم يبقى في ديرة ابن هذيل سقف الا الضعفاء والمساكين وكانت وحيشة ممن بقي في سقف!!
المهم غاروا عليهم القوم ونهبوا حلالهم واراضيهم ومالهم ونخيلهم مابقوا لهم شي
عاد هي وحيشة جالسة تحسّر على حلالهم الي راح وتوجد على ابن هذيل أميرهم لو كان عندهم مانهبوهم القوم(يعني مااخذوا اموالهم وحلالهم من ابل وغنم وغيره )

قال له ولده: يمه!!
قالت: نعم!
قال: أشوف الشيب كثران براسك
قالت آآييه!!

وقالت هذي القصيده :

قالـت وحيشـة يامـلا لـيـه ماشـيـب ** وغرس الجدود الي غدا وقت الإفلاح
ياغيبـة ابــن هـذيـل ياغيـبـة الـذيـب ** شفنـا النكايـر والنـكـد عـقـب مــاراح
مـار ياراكـب حمـرا تجيبـه تحاضـيـب ** تـجـدع يـديـهـا بـالـخـلا تـقــل زنـــاح
حمـرا هميمـة مـن خيـار المناجـيـب ** أكواعهـا عــن لمـسـة الــزور طـفـاح
حمـرا ليـا نيشـت بــروس العراقـيـب ** أسرع من الشيهـان لا شـاف ملـواح
ركابهـا مـن عـزوتـي منـقـع الطـيـب ** ضـد الحريـب إن صـاح بالنـزل صـيـاح
وأربـع ليالـي صـدق ماهـي تكاذيـب ** تلفي على ابن هذيل كساب الأمداح
قـل ديرتـك سقـف ولوهـا الأجانـيـب ** يروح عليها من الشعـب كـل مصـلاح
جانـا ضعنهـم مـع دبشهـم جنـاديـب ** وصـار الخطـر منهـم عليـنـا بــالأرواح
عـجـل علـيـنـا يـاحـصـان الأطـالـيـب ** لك هدة(ن) تاخذ مع الخيـل مسـراح

عاد يوم وصلت القصيدة لابن هذيل عقب فترة وهو يشاور الي عنده

قال: لا وينك ووين الغزالة بينك وبينه ما يبيد السمينة

وهو يفرك غرابة الشداد ويرتكي عليها

بعد شوي صبوا القهوة ومدوا الفنجال لابن هذيل ( تقهو يا الأمير)

ما رد عليهم ...............

مات حسرة وغبن على مركاه

والسبب قصيدة وحيشة
نخته وهو مايقدر يسوي لها شي
بسبب بعد المسافة اللي بينهم ..