ميلوك الضحك للقلبه تعبان

[لؤلؤة ثمينة]

ميلوك الضحك للقلبه تعبان





شصاير بيك حقك لمن أتكول
الصارن بيه ما ينحسبن هواي

أنه من البيت أطلع شايل هموم
و أرد شايل هموم شلونك بهاي

لا جنحاني عانني وطرت فوك
ولا رجليه عانني أعله ممشاي


و أيدي اليسرى كصرت بعد متلوح
و أكصر منهه جا شتلوح يمناي

كلش مالي واهس والخلك خيط
وصارت زرف أبره بعيني دنياي

أذا لاكيت غيري ايجوز ترتاح
وأذا لاكيتني عاشور ملكاي

وانته تريدني أضحك ؟ أضحك شلون
وانه جم خنجر المزروع بجلاي

وميلوك الضحك للقلبه تعبان
وجرح وي دمي يفتر رايح او جاي

وانه اوداعتك مو مال ضحكات
أخصائي بجي سوتني دنياي

شلون تريدني ألكَه أفياي بالصيف
وانه أبعز الشته ملكيتلي أفياي

اسنيني الحلوه شاهن جنهن طيور
وظلن كشش عمري وماكو شراي

حزني شلونه حزني أشكال والوان
شنو لون الفرح تعذرني من هاي

عليه ثوب الهموم أمفصل أفصال
وكلش على كدي ولايك أوياي

أنه أبدرس الفرح ماخذ صفر دوم
ومية بالحزن حطتلي دنياي

الناي أشكد حزين أيبجي الناس
وظل ياخذ درس من حزني الناي

ربه وياي حزني وكمت أماشيه
وتعلم حتى كام أيبات وياي .

[عاشق تراب الأقصى]

أذا لاكيت غيري ايجوز ترتاح
وأذا لاكيتني عاشور ملكاي
مميزة بطرح القصيدة
وما يحرمنا طلتك
منورة اختي

[سفير بلادي]

اسنيني الحلوه شاهن جنهن طيور
وظلن كشش عمري وماكو شراي

حزني شلونه حزني أشكال والوان
شنو لون الفرح تعذرني من هاي
ابعد الله عنك الهم اختي
مشكورة ويعطيك العافية

[ابتسام]

انتقاء مميز لشعر حزين وراقي

[روح.,]

تسلم الايادي عزيزتي على اختيارك الموفق
دمت ودام تميزك

[ابو فداء]

تسلم الأيادى لؤلؤة
كلمات راقيه
سلمتي

[لؤلؤة ثمينة]

حياكم الله جميعا ممنونة لروعة التواصل والحضور المميز
لكم باقات نرجسية لتعطركم دوما
تحياتي