ما مرتاح

[صابر فاضل القصاب]

ما مرتاح


مامرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبچف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح !!
ولا جن الفجر مثل الفجر محبوب
لون الفجر صاير يقبض الأرواح !!
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت!!!
ومدمٌى إطلعت :-
صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي ... وربعي قبل ما طيــح
واحد كًال للثاني
أبشـــــرك طـــــاح

للشاعر العراقي الكبير كاظم اسماعيل كاظع رحمه الله

[فاصل ونواصل]

مشكور على الشعر المميز للشاعر كاظم
تحياتي

[B-happy]

ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي ... وربعي قبل ما طيــح
واحد كًال للثاني
أبشـــــرك طـــــاح
جد جميلة وعبرة عن قسوة او غيرة بعض الاهل وضمرهم السوء لبعضهم او لاحد من ربعهم
سلمت يداك

[المفتش كرمبو]

اسعدني المرور بصفحتك
تحياتي

[shreeata]

سلمت الايادي اخي الكريم
تحيات لك

[لؤلؤة ثمينة]

اروع ماكتب هذا الشاعر
تسلم لاختيارك المميز
تحياتي