غير معشركم لكَينة

[زمردة]

:لا تجينه .. لاتجينه .. جان كَلت
ابوجه الابيض ..
غير معشركم لكَينة
جينة مشتاكَين .. وبلهفة .. او تسد
بابك علينه
جينه ايدفعنه الهوى . اودمعاتنه
اتكَطر بدينه
اوجنت اظن عندك وفه .. اورحية
من فرد طينة
غمكَت جرح الجفة .. اوزدت ..
الكَلب ونه لونينه
اعتب اعله الروح .. جي لنها اعله ..
ريحتكم حنينة
واعتب اعله الشوك .. والعشرة ..
اوسوالفها الحزينة
علمتني شلون يتبره .. الخوي ..
اوحمل اليكَع محد يعينه
عفية صحبة هالوكت .. بيها اليجافي
.. اشوكح عينه ..
او لاتجينه .. !! - ما اجيكم واليدك
بابك ، بعد تنشل يمينه
او جينه .. مدري الجدم زل بينه
العه دربك .. لو عمينه
اوجيت ارد اروحي .. البكَت سنتين
بديارك رهينه
اوجني ضيف ! او عادت الينضاف ..
للخطار .. يرخص ماي عينه
وانته .. ما جنك ربيت ابماينه ..
او شارب حنانه
وانكرت حتى العرف .. يوم الوكت ..
.. بيدك رمانه
عفيه كَلبك هلبت ابساعه .. وفه
.. ابالك طرانه
او جينه نشجيلك .. عذاب اجروحنه
.. او لوعة هوانه
آخ .. يا دمعك فلا يبطل .. يهل ..
لمن عمانه
يا عفه اكَلوب التشيل .. الظيم
وشنحمل عفانه
او حتى اعز الناس من طحنه ..
ابهظم جاروا علينه
:او من وصلنه الدارهم كَالوا
اشجابك ؟. لا تجينه
عفيه صحبة هالوكت بيها اليجافي
اشوكح عينه

’’للشـآعر عريـآن آلسيد خلف’’

[أبو جمال]

مشكورة على النقل لقصيدة رائعة

[سفير بلادي]

جميلة جدا واختيار موفق اختي زمردة
يعطيك العافية

[أصدق احساس]

مشكورة زمردة واهلا وسهلا بك معنا وبيننا

[B-happy]

اهلا بالعزيزة زمردة وباختيارها الجميل
كلمات رائعة ومعاني القصيدة اروع
دمت لنا

[أرب جمـال]

هذه اغنية او ابيات شعر ههههههه
زمردة شكرا لك جوهرتنا الغالية

[صابر فاضل القصاب]

يبقى شاعرنا الكبير عريان السيد خلف وتدا من اوتاد الشعر الشعبي العراقي
بصوره الفنية البديعة ورقته ...لك التحايا على هذه الرائعة ...

[ابو فداء]

أختيار وأنتقاااء موفق
مووووووووودتي

[زمردة]

ممنونة لروعة تواجدكم وتواصلكم
متمنية لكم الرقي والابداع
تحياتي لكم

[بنت فلسطين]

شكرا ويعطيك العافية
لك مني اجمل وارق تحية