مات ... وسابني من أبناء المظلومين !! >> ميتو

[محمد ماهر مرعي]

الحاج مات ... كان فاضله ع المعاش سنتين

وانا هعمل ايه يادنيا ... واخواتى صغيرين


منين هناكل ... وهنشرب منين

في ابن حلال قال ان فى شغل لابناء العاملين

فرحت وجريت وقلت الحال حيتغير من فرحان لحزين

وقال روحت علشان استلم جواب التعيين


وآلاقى طابور كبيييير
أهاليهم متوفيين


ودخلت ع الحلوة بتاعت الشئون


اللى من الحمل بطنها قدامها متريين


بتقولى مش طايقه نفسى فوت عليا كمان شهرين


وبعد شهرين روحت قالولى ...


خلاص استلم الشغل ابن المدير


وسلام عليكى يادنيا
وعليكى ياسنين


ابن المدير اشتغل ... وانا أكلني الزعل والذل المهين


وآتاريني مش من ابناء العاملين

أنا ابن المطحونين

ابن المظلومين

‏
قولوا ربنا يغيرنا أو يغيرهم



قولوا آآآآآآآمين
‏....
قلم
ميتو

[ناجي أبوشعيب]

ميتو اخي الغالي ...
رغم أ نّي لست من رواد وعشّاق هذا النوع من الشّعر ..
إلا ّ أجدني وقد استمتعت
راقني ما كتبت هنا ميتو
بورك فيك وفي نشاطك المميّز
تواجدك معنا مـكـسـب لـلـمنى والأرب ..
احتراماتي أخوك ناجي

[الامير الشهابي]

اخي الحبيب ميتو
في كتابة المعاناة والحزن والفرح
لالون للكلمات
انها حروف تشكل لوحة وخربشات على جدار
القهر
فليست بحاجة الى قانون التفعيله والعروض
الغرق في بحور الشعر مصيبه
عندما يكون الوجع بحرا
تذوب بحور الشعر وتصبح نقطة على كلمة
اسمها الحزن والقهر
هذه ليست انشودة انها مرثية لنا
لان القفلة كانت في القمة
الدعاء
اما أن يغريهم أو يغيرنا
رائع ميتو نقل الصوره بكل تضاريسها الموغلة في رسم الالم
آه انه زمن الغلابى
ليس لهم الا الحروف يكتبوا ويرسموا معاني القهر في زمن العهر

[شوقى غنيم]

والله كلمات جميله معبره عن مواجعنا

من تلاتين سنه كتبت موضوع ذى ده

أقولك بعض مواجعنا

فوت علينا بكره فى كل مكان تنقال

كلمه ولسه دايره مواريهاش غير وقف الحال

امتى تنقضى مصالحنا ويرتاح البال

ونلاقى اللى يخدم ويفيد

واللا واللوائح والروتين آسينا منهم سينين وسينين

نظره تانى يا مسؤولين دااحنا فى القرن العشرين

وفيه بعض القوانين عايزه النهارده تجديد

كل يوم نقرا فى الجرنان عماره اتهدت على السكان

ما كانشى دا بيحصل زمان ومشهود لينا بفن العمران

عايزين نعيش فى راحه وأمان موش فى خوف وتهديد

الى آخره موضوع طويل ان شاء الله أكتبه بالكامل

شكرا حبيبى وربنا يصلح الاحوال

+++++++++

[محمد ماهر مرعي]

اقتباس : المشاركة الأصلية كتبت بواسطة ناجي بن مسعود [ مشاهدة المشاركة ]

ميتو اخي الغالي ... رغم أ نّي لست من رواد وعشّاق هذا النوع من الشّعر .. إلا ّ أجدني وقد استمتعت راقني ما كتبت هنا ميتو بورك فيك وفي نشاطك المميّز تواجدك معنا مـكـسـب لـلـمنى والأرب .. احتراماتي أخوك ناجي

تسلم اخي الغالي ناجي
سررت جدا بوجودك
محبتي‎
‎

[أرب جمـال]

وين كاينة هذه القصيدة محمد
الوضع من صعب لاصعب
بتهووون
تقديري

[عاشق تراب الأقصى]

ابن المدير اشتغل ... وانا أكلني الزعل والذل المهين


وآتاريني مش من ابناء العاملين

أنا ابن المطحونين

ابن المظلومين

امين اخي محمد
اصلح الله الحال