يهزني الموت وطاري وحشة قبوره

[ابن حران]

يهزني الموت وطاري وحشة قبوره
وتطري ذنوبي علي وربي ادرابي


واحس في داخلي هالروح مذعوره
وايمـمـ الوجه للخالق ولا القابي


سوى امنية شاعر ٍ خجله ومغروره
وخوف وطريق وبقايا طيبة اصحابي


واحساس لو اكتبه بتعاتب سطوره
حظي وطيبي وعقلي واول احبابي


يارب .. ساعدني ابني حلمي وسوره
ودي اشرّع لـ بكره .. كل ابوابي


تعبت اشوف النهار بدفتري نوره
واجامل الليل واقول انه (( اولابي ))


يا عين لاهنتي وعن جد مشكوره
يا ما حشمتي سواد الليل باهدابي !


قلتي : زهقت الظلام وقلت : معذوره
ما دام جسمي عجز عن شيلت ثيابي


تبت يدين الصبر لا طالت شهوره
ما هي بسهله سنه ناطر على اعصابي


قدام عيني تطيح احلام .. مقهوره
يا رقة القلب .. ويش القلب .. سوّابي


ماني مكمل ياهمي خلها مستوره
بيني وبينك ( قصيدي ) واعتق اسرابي


لان ( الشعر ) لا طرالي جفت بحوره !
واحس كنه يموت بـ صفحة كتابي !!


لاني احبه واحب اراعي شعوره
احسب حسابه مثل ما يحسب حسابي


ابيه لامن حظر يجمّل ... حظوره
وان قدّر الله وغبت؟؟ يقدّر غيابي !!


شاعر ( ماهوجس ) بقولة كم جمهوره ؟
يكفيني ان ما كتبته (( كاسب اعجابي ! ))

الشاعر /محمدجارالله السهلى

[سفير بلادي]

يعطيك العافية على القصيدة
دمت ودام حضورك

[صائد الأفكار]

وكاسب اعجابي ما قلته
صح لسان الشاعر
اشكرك على اختيارك الموفق
تحياتي لك

صائد

[بلا عنوان]

حلوة القصيدة يسلم على النقل

[زوج السيدة المدير]

روووووووووووووووعـه ,, كلمـآت معبره

تسلم يا الغاليـ علـى الطرح

[ابو فداء]

سلمت على هالقصيده المميزة
مووودتي

[جمال جرار]

شكرا لك على ما طرحت


بانتظارك وبانتظار باقة من مواضيعك المفيدة


لك منّي ارق تحية وأعذبها

[ابن حران]

اخوانى و اخواتى الكرام
شكرا لتواجدكم هنا
حروفكم هى وسام نطبعه على المواضيع
فشكرا لكل من كتب حرفا
شكرا لكل من شرفنا بزياره
تحياتى لكم جميعا

[انثى بروح المطر]

رووووووووعة
يسلمو ابن حران

[عاشق تراب الأقصى]

عافاك وسلمت يداك
تحياتي لك