عروس في ليلة عرسها تبكي

**سما** · 10 - 3 - 2011, 01:54 AM

عروس في ليلة عرسها تبكي

في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..

تجيها أمها وتقول ..
خلاص يا بنيّتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي ف عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!

تجيها أمها وتقول ..
خلاص فضيها من سيره ..
خلاص يا بنيّتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..

ربع ساعه يا يمّه ..
عطيني بس ربع ساعه ..
أبكتب له عن الي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..

تقول فيها ..

سلاماتي .. تحياتي .. وأشواقي الشديده
.............................. ............ على الي روحه قبالي .. وأنفاسه بعيده

على الي افترقنا غصب عن عيني وعينه
.............................. ..... بعد ما كنت انا وهو نحلم بلحظه سعيده

بعيش بغربتي لحالي .. وهو الله يعينه
.............................. ..... يكمّل نصفه الثاني .. ويلقى من تريده

مثل ما قالت امي .. ما لنا إلا قدرنا
.............................. .... والا من زمان المفترض إيدي بإيده

يسامحك الله يالوالد .. على عمرٍ قتلته
.............................. .... بعد ما مات ابنيتك وش الي بتستفيده ؟

أنا آسفه على اعذاري .. وربي غصب عني
.............................. نعم بتزوّج فلان .. بس بعيش عمري وحيده

محّد مكن انّه يملا عيوني بدونك
.............................. ... تذكّر كلمتي هذي .. أنا ف حبّك شهيده

تذكّر كلمتي أرجوك .. لأنها من فؤادي
.............................. فؤادي الي ذبحوه اليوم.. وطعنوه ف وريده

تذكّر كلمةٍ فيها شعوري وما طرى لي
.............................. . أنا ف حبك شهيده .. وذي ترى آخر قصيده

وجتها الوالده عندها ..

وهي تحاول تغض الطرف ..

وتسألها ..
وش الي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف .. دموعٍ نار ..

على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!

بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل اليل ..

وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الدمام ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمد لله الن في حجرنا بات ..

تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟

بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ... مات !!!

حبيبك ما قدر يتحمّل الصدمه ..
مع كل الأسف ... مات !!!
مات !!!
..

حبيت انقلها لكم ,, واتمنى ان تعجبكم

**shreeata** · 10 - 3 - 2011, 02:55 AM

عزيزتي سما
بصراحة قصة حلوة وتابعتها عن كثب
ربما تكون هذه القصة واقعية
نوعا ما
وربما يصل فيها الانسان للموت على فقدان الحبيب
وكثير هي القصص الحب التي انتهت
دون زواج واستمرت الحياة
لكن في القصة احساس جميل ومشاعر جميلة
تحيات لك
سلمت على روعة النقل

**B-happy** · 10 - 3 - 2011, 03:54 AM

شكرا لك على موضوعك الرائع
طرح موفق
تقديري وودي وبانتظار مواضيعك

ايه مروان · 10 - 3 - 2011, 10:59 AM

يسلمو على القصيدة الرائعة

**عاشقة الوطن** · 10 - 3 - 2011, 12:31 PM

موضوع الحب الحقيقي يأتي بعد الزواج أما حب اليوم فهو تسالي لا أكثر وعلى كل فتاة أن تنتبه لنفسها نصيبك يصيبك.
مشكورين.

**شيرين** · 10 - 3 - 2011, 05:06 PM

حبيبك ما قدر يتحمّل الصدمه ..
مع كل الأسف ... مات !!!
مات !!!
روعه والله احزنتني على حبيبها وهي من اول يوم نسيته مع غيره اول ما سافرت وتزوجت

سلمت الايادي

**الآماكن** · 13 - 3 - 2011, 12:47 AM

سلمت الايادي على النقل الجميل

**ناجي أبوشعيب** · 31 - 3 - 2011, 04:53 PM

ما أصعب على الحبيبين كليهما ألا ّ يتزوجّا من يحبّان !!!
الآلاف من مثل هذه الوقائع حقيقيّة عاشها الشبا في العالم
راقني جدا ما قرأت هنا
بارك الله فيك
احتراماتي

ابو جميل العموش · 12 - 5 - 2011, 12:06 AM

عروس في ليلة عرسها تبكي :تفكر تحت القبه عريس
ماسمع كلام اخواته وحماته وامه ** أنه يدلعها ويعاشرها با ا لمعروف
راح يطلب طلب صابها بالغثى والغمه**يستاهل ضرب بالشلاليت وصفع كفوف
ولما عرفت ا دارى من كسوفه وبرود دمه**نا م عالكنبه متوتر لاوي بوزه والكتوف
سنحك ميله تميل حالك بالحصبه والحمه**عمرك مثل ليلة هالعمر ياغلبان ماتشوف
فضحتنا ولك هذا طلب ليلة الدخله بالذمه**تتصل على أمك بدك طلب مش ماألوف
النسايب فكروك كريم و شيخ تحت العمه** عريس بده صباحيه محشي كوسا وملفوف
ياعيبك بدال ماتصبحها بورد بلدي تشمه** وحمام محشي والفاكها والحلو من اغلى صنوف
عشان هيك بكت لأنه العريس بخيل ورمه** لاتلوموها وياما عرسان بها الزمان نشوف

** ابو جميل العموش **

الذين يشاهدون محتوى الموضوع الآن : 1 ( الأعضاء 0 والزوار 1)

عروس في ليلة عرسها تبكي

المنقول من الشعر النبطي والشعبي