اازاى تعرف المواطن المصــــرى من غيره ؟!!

[محمد ماهر مرعي]

لو سألت سواق تاكس على عنوان وبدل ما يدلك قالك امشي ورايا ..

- يبقـى مصـري -

[ وعلى فكرة ساعات بيغير اتجاهه عشان عنده رغبة صادقة يوصلك وخايف تتوه ]


لو صليت في مكان وبعد الصلاة اللي جنبك مد ايده وقالك تقبل الله ..

- يبقـى مصـري -


إذا سمعته بعد أن يضحك يقول " خير اللهم إجعله خير " ..

- يبقـى مصـري -


لو إتصلت بيه في التليفون, وقال لك من غير مناسبة " كل سنة وإنت طيب " ..

- يبقـى مصـري -


لما تقابل واحد علامة وعمره مايقول " ما أعرفش !" ..

- ده مصـري -


لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا ..

- ده بردو مصـرى -


لو دخلت عليه وكان بياكل ولو حتى عيش وبصل .. لازم يقولك اتفضل الأكل .. ويعيدها عليك ثلاث أربع مرات ..

- مصـرى -


و لما عربية تعمل حادثة فى الطريق الصحراوى أو الزراعى,

وفى ثوانى تقف لها خمسين عربية ينقذوا المصابين ويعدلوا العربيات ..

ولو اضطروا يشيلوهم من على الأرض ..

- هـم دول المصـريين -


لما تلاقي ناس بتقضي العيد فى المقابر مع حبايبهم اللي ماتوا ..

- يبقي أكيد في مصـر -


لما تلاقي سيدة في الرايحة والجاية عمالة تدعي لأولادها ..

- تبقى دي أم مصـرية -

وطموحاتها وأحلامها الشخصية فى الحياة إن ولادها يبقوا مبسوطين.


لو شفت عامل اول ماخد اجرته قام رافعها لراسه وبص فوق وحمد ربنا قبل ما يحط الفلوس فى جيبه ..

- يبقـى مصـري -


لو اديت لواحد فلوس وبدأ يعدها بصوت عالي وبدأ بقوله الله واحد ..

ومع الورقة الثانية : مالوش تاني،

ومع الورقة الثالثة: العدد ثلاثة ..

- يبقي أكيد مصـري ابن مصـري -


لما تيجي تدفع الأجرة لواحد أول مرة تعرفه، يحلف عليك تخلي بأه ..

- واحـد مصـرى -


لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني الاول ..

- دول مصـريين -

لما تلاقي ست البيت بتحوش برطمانات المربي الفاضية سنين طوال بدون استخدام

- يبقي أكيد دي مصـرية -


ولما تلاقى شعب فى اكبر ازمه بيمر بيها مابيناسش يضحك ويضحك اللى حوليه

وكل العالم يتكلم عليه ..

يبقى انت اكيد اكيد تقصد اعظم شعب ..

- الشعـب المصـرى -

[جمال جرار]

نشمي المنتدى

[shreeata]

اكيد كل ما قيل في حق الشعب المصري
في تلك الحروف
تعني انك مصري اخي احمد
واسعدني قرائة هذه الرائعة
سلمت اخي
تحيات لك

[محمد ماهر مرعي]

جرار
نورت يا جميل

[محمد ماهر مرعي]

من ذوقك شريف
بس انا محمد ‏:-d

[عشتار]

روووووووووووووعه والله يا ميتو
هيك الكلام الحلو عن مصر والشعب المصري
سلمت الايادي
وعاشت

[أصدق احساس]

لو دخلت عليه وكان بياكل ولو حتى عيش وبصل .. لازم يقولك اتفضل الأكل .. ويعيدها عليك ثلاث أربع مرات ..
الشعب المصري طيب اوي واخلاق
تسلم يا عسل على الكلام الجميل

[محمد ماهر مرعي]

عشتار انت الاروع .. عزيزتى ..

[محمد ماهر مرعي]

احساس صادق ..

تسلم يا جميل دا من ذوقك

نورتنى .. ونورت استراحة المصرييين ..

[حنان عرفه]

ياااااااه يا محمد
المصريين مافيش زيهم أبدا ناس خفة وجدعنة لو الدنيا تضحك لهم شوية
بحبك يامصر
ولو لم أكن مصرية لوددت ان اكون مصرية
ومن المنوفية
ههههههههههه
مش كده يا بن بلدي