يفوت العمر .. وانت يا عمري ما بتجيش !!! ميتو

محمد ماهر مرعي · 7 - 6 - 2011, 07:45 PM

أمانه يا للى مسافره

وباعده بينا المسافات

أمانه والله ما تنسى

بإن هنا حبيبك مات

وغطيني برمش عيونك الساحره

وصلى عليا بأربع تكبيرات

وارسمي إسمي بدمعك

واحفرى إسمي لأول مره من غير اسمك

ولو افتكرتيني في يوم

عدّي هنا وقولي سلامات

هيرد من تحت التراب مهموم ...

دا لسه معدي من ساعه

لوحــــــــــده فات !

ما غصبن عني بتململ

ما انتي فوتّي قلبي وحيد

ازاي لوحدي أكمل

وإزاي حبيبي وانت بعيد

ألاقى قلبي يتسول

بنْدّه وأقول حبيب لله !

ودبله في إيدي مرعوشه

لقتني فجأه بتتحول

وكل حرف بترجاه

حروف اسمك .. على كفي دي منقوشه

ولسه برضه بتأمل

دا كل يوم على قبري

بفوت يمكن ألاقيكِ

وأقول هاجيكِ متخفي

تطول الوقفه .. أخاف أمشي

لتيجى عنيكِ متشوفنيش

وفاتت سنه والتانيه ...

وهمومي بتكبر على كتفي

بقول هتيجي كمان ساعه

يفوت الوقت ومبتجيتيش

وافضل برضه أتسول

وانده و أقول حبيب لله

ودبلة إيدي مرعوشه

دا ساعه وروحي هتجيني

بيفوت العمر .. وانتِ يا انتِ مبتجيش !

قلمي
ميتو عاشق الفن

6/6/2011

**ناجي أبوشعيب** · 7 - 6 - 2011, 08:01 PM

الأخ الكريم محمد
يـفوت العمر ..
وانت يا عمري ما بتجيش
جميل ما طرحته هنا يا ميتو
يسعدني أن أكون أوّل عابر
احتراماتي لجهودك
دمت بودّ ولا حرمنا من عطاءاتك
أخوك تاجي

**shreeata** · 8 - 6 - 2011, 12:58 AM

بيفوت العمر .. وانت يا عمري مبتجيش !
انشاء الله رح تيجي
احساسك اكثر من رائع
سلمت

جار القمر · 8 - 6 - 2011, 02:04 PM

تسلم الايادى

غيداء · 8 - 6 - 2011, 02:16 PM

صديقى محمد
للأبــداع قلمـك المتـواصـــل كل التقدير
دمت بود

محمد ماهر مرعي · 8 - 6 - 2011, 11:54 PM

اقتباس : المشاركة الأصلية كتبت بواسطة ناجي بن مسعود [ مشاهدة المشاركة ]

الأخ الكريم محمد
يـفوت العمر ..
وانت يا عمري ما بتجيش
جميل ما طرحته هنا يا ميتو
يسعدني أن أكون أوّل عابر
احتراماتي لجهودك
دمت بودّ ولا حرمنا من عطاءاتك
أخوك تاجي

شكرا لك أخى الكريم ناجــى

سعيد لأن القصيده

نالت استحسانك

الف شكــر