وحي العبير

[د/شعبان عبد الجيد]

من كام سنة
والصوت كأنه دندنة
والهمس ولا أجمل غنا
وكلامك الأنغام
ولا الأحلام
وانا
بتملّى منه كلمتى
واتهجى منه غنوتى
واستوحي منه أحلى سطر ف قصتي
وبعيش معاه كل المنى
من كام سنة
*********
من كام سنة
والصوت بيحكي ضحكتك
والهمسة ترسم بسمتك
وكلامك الشهد المدوب في حلاوة شفتك
يا سحرك الفتان في بهجة طلعتك
وف طلتك ..
وف لفتتك..
وف نظرتك.....
وياكي أنا دقت الهنا
من كام سنة
*********
كلمة { بحبَّك } ياما ياما دوبتني
سهرتني
توهتني
لففتني الدنيا ودتني وجابتني
وخدتني من نفسي
باعتني واشترتني
ودتني سكة توهة والآخر سابتني
زي الغريق في الضلمة مستني السنا ...
من كام سنة !!!!!

[بنت بلادي]

مشاركة رائعه

ومميزه


من قلم رائع


ومبدع

سلمت الأيادي

[حنان عرفه]

رائع يا دكتووووور

[بنت بلادي]

سلمت الايادي دكتور على الكلمات التي تعبق عبيرا
تحياتي لهذا الوحي الرائع

[حنان عرفه]

من كام سنة
وانا برسم عالطريق خطوتك
بسمع صوتك في رنتك
ولما الشوق يناديني
اجري بسرعة واشكرك
من كام سنة
نسيت الضحكة سكتي
وتوهت في طريقي وغربتي
ولما لقيتك جنبي هنا
لقيت معاك اهلي وموطني
من كام سنة
عذرا دكتوري شوية خربشة

[د/شعبان عبد الجيد]

بنت بلادي
حنان
شكراً لكما من القلب

[شوقى غنيم]

اقتباس : المشاركة الأصلية كتبت بواسطة د/شعبان عبد الجيد [ مشاهدة المشاركة ]

من كام سنة والصوت كأنه دندنة والهمس ولا أجمل غنا وكلامك الأنغام ولا الأحلام وانا بتملّى منه كلمتى واتهجى منه غنوتى واستوحي منه أحلى سطر ف قصتي وبعيش معاه كل المنى من كام سنة ********* من كام سنة والصوت بيحكي ضحكتك والهمسة ترسم بسمتك وكلامك الشهد المدوب في حلاوة شفتك يا سحرك الفتان في بهجة طلعتك وف طلتك .. وف لفتتك.. وف نظرتك..... وياكي أنا دقت الهنا من كام سنة ********* كلمة { بحبَّك } ياما ياما دوبتني سهرتني توهتني لففتني الدنيا ودتني وجابتني وخدتني من نفسي باعتني واشترتني ودتني سكة توهة والآخر سابتني زي الغريق في الضلمة مستني السنا ... من كام سنة !!!!!

اخى شعبان ان ما كتبته اغنيه كاملة الالحان يطرب لها القلب وترتاح لحروفها النفس
انك شاعر قدير وكلماتك وتعبيراتك تدل على انك تمارس الشعر منذ مده طويله
اننى احييك لهذا الجمال والمعانى وتسلسل اللحن فى كتاباتك واتمنى المذيد
من كتاباتك ليستفيد منها الكثيرين وشكراااااااااااا

[د/شعبان عبد الجيد]

أنت المبدع الأصيل يا أستاذ شوقي ..
الشكر الخالص لك يا سيدي

[shreeata]

كلمات اكثر من رائعة
شعرت انها اغنية وفيها دندنة وموسيقى
رائعة
سمت عزيزي
تحيات لك

[د/شعبان عبد الجيد]

ودمت لنا يا سيدي