ماكل من حمل راية العدل العدل بيكونا معه

[انطون سابا]

الفكر مربح صاحبه إن ع الصح مشي معو
ولو تذبذب حرف البوصلي رح يكوّن مدمعو
بيخسر احترام الناس له مايبقاله من اليسمعو
بيتعب العمر كله لاعتباره بالضنا ليسترجعو
وصمة عار بشبابه الكذب لتراب قبرو تتبعو
لوما غلط ماتلزمله اللملمي وماحدا كان يمنعو
لو انكسر الفخار قوات كل الأرض ماتجمعو
لكن بتوبة حق يمكن اسمه في الآخره يرجّعو
فكرك بين البشر دع ينقال عنو لو ماأوسعو
وميزان عقلك جمعلو الحصافات كم لاتوزعو
لاتخلخل مركزك بالعقل ركّزو بعفن لا تنزعو
مابين العقل وقلة العقل قديش ناس تزرزعو
وقديش منو ناس تألموا وقديش من هم توجعو
مع الوطن كونوا الوطن بشد الازر كونوا معو
ع الحق ع العدل بالمال مدوا العاوز ومامعو
ع الله ع الدين ع صراط مستقيم أزرو وتولعو
ماكل القال الله الله لغير العادل مايكونا معو
العدل والرحمه والاستقامه شعارا لك ماتخلعو
ماكل من يحمل راية عدل العدل بيكونا معو

[ابو فداء]

قلم حر وراقي
سلمت وسلم عطرك

[الامير الشهابي]

أخي الغالي أنطون
لأنني مدمن هذا اللون من الشعر سيكون لي لقاء مع نص لك مع قهوة الصباح
=============
أرز بلدنا أنطون يرقص على نغمات شعرك ويسمعو
العدل موممنوع بس هناك مين يلي بيمنعو
والوطن وجعان وجعان ليش نوجعو
خلينا نبني بالمحبه بلدنا
ولبنان العز خلينا لأيامو نرجعو
مع تحياتي الأخويه ومحبتي

[انطون سابا]

أبو الفدا سلم قلمك وسلمت

[انطون سابا]

الأمير والشهابي وفعلا شهابي الأصالة فشعرك دليل وتمنياتك للبنان لاتقل عن تمنياتي والله ان شاء له الأمر يفعل ويهدي القلوب الشاردة (شيطنة وأنانية) الى جادات الصواب سلمت وشعرك رائع

[بنت فلسطين]

[انطون سابا]

ألوان كلماتك الرائعة تكفي ودا شكرا