أمثال سورية

[سفير بلادي]

أمثال سورية

دق الحديد وهو حامي.
أول المزاح شتم وآخرتو لطم
آب اللهاب
إبعد أختي عني وخوذ ثمرها مني
ابن اربعه ...ربعوا إذا ما قعد أدبوه ...وبنت سته ...ستتوها إذا ما قعدت لا تجبروها
ابن الحرام بيساويها وابن الحلال بيوقع فيها
ابن فرفور وذنبو مغفور
إبنك لا تعّلمو الدهر بيعلمو
ابو العباية مابنريده وابو الجوخة مابيجينا
أبوه بصل وأمه توم ومن وين بدها تجي ريحة طيبة؟
أبوها راضي وأنا راضي وأنت مالك يا قاضي
أتسلف وازرع ولا تتسلف وتبلع
اتفق القط والفار على خراب الدار
إجا للعميان صبي قلعولو عيونو من كتر اللحمسة
اجا ليكحلها عماها
إجا ليكحلها قام عماها
إجت الحزينة لتفرح ما لقتلها مطرح
إجرة السّلم حملانو
اجمع سقيك وفرق بعلك.
احترنا يا قرعة وين بدنا نم ّ شطك
احصد زرعك فطير قبل ما يطير
أحلى مني الله خلقه...أشطر مني دم فلقه
احمل هم شي تشتري ولا تحمل هم شي تبيع
آخ على اكل مخاخ
آخر الطحن قرقعة
أدن من طين وأدن من عجين
إذا إجا آب الصيف عاب
اذا احتجت الكلب قوللو يا حاج كلب
إذا احتجت للكلب قللو حج كلب
إذا أكلت خرى لحالك أحسن ما تاكل عسل أنت والناس
اذا الصغير انتشا الكبير باس ايدو
إذا الصغير انتشى الكبير باس إيدو
اذا بدك تجيب غراب البين اتجوز ثنتين.
إذا بدك تحيّرو أسألو (اسأله)
اذا بدك تحيرو خيرو
إذا بدك تسرق سروق حرير وإذا بدك تحب حب أمير
إذا بدك تصاهره لا تقاهره
اذا بدك يكبر همك خود واحدة قد أمك
إذا بعبع الجاعود عطي الجمل حملو
اذا بيصير من الحرملم ساس بيصير من هالجماعة شماس
اذا جارك بخير انت بخير
إذا حضر الماء بطل التيمم
إذا حلق جارك (مات) بلّ دقنك
إذا خضيت المي مابتطلع زبدة
إذا راح الجمل لا تتحسَّر عالرسن
إذا ركضت ركض الوحوش غير نصيبك ما بتحوش
إذا شخ عالجرح بيداويه
اذا شفت الاعمى طبو مالك اكرم من ربو
إذا شمينا ريحة إيدينا بترجع روحنا إلينا
إذا ضاقت عليك المخازن مخزنك عبك
إذا طعميت شبع وإذا ضربت و جع
إذا عاش أكلتْ من خيروا ...وإذا مات اخدتْ غيروا
إذا عرف البدوي باب بيتك غيرو
إذا غاب القط لعب الفار
إذا غاب عنك العنب والتين عليك بمية كوانين
إذا غلي اللحم الصبر رخيص
إذا فاتك عام استبشر بغيرو
إذا في خير، ما كان تركه الطير.
إذا قعدت بين العور عوير عينك
إذا قعدت بين العور عوير عينك
إذا كان بدك تستريح شو ما شفت قول منيح
إذا كان جارك بخير بيجيك من خيرو خير
إذا كان حبيبك عسل لا تلحسه كّله
إذا كان موسك بدو يحلق شعرتنا خليها تصل لركبتنا
إذا كانت رزقتك على خيط رفعو
إذا كبروا ولادك خاويهن
إذا ما بتستحي عميل ما حلالك
إذا ما بتكون ديب بتاكلك الدياب
إذا ما خربت ما بتعمر
إذا ما عندك كبير حط حجر كبير ببيتك
إذا ما كبرت ما بتصغر
اذا مات ابوه على المراتب حطوه ...وإذا ماتت أمه على المزابل ودوه
إذن من طين وإذن من عجين
أربعة بحرف الشين: شوفير وشرطي وشيخ وشرموطة
أرخص من الفجل
اسأل مجرب ولا تسأل حكيم
استكبرها ولو كانت مرة
اسعى بجنازة ولاتسعى بجازة
اشتري وبيع ولا تخلي اسمك يضيع
اشتغل بالخرا ولا تحتاج الخرا
اشتغل بالمقصقص ليجي الطيار
أصابيع الإيدين مو كلها متل بعضها
إصبعتي مني ولو انقطعت وعيني مني ولو انقلعت
اصرف ما في الجيب يأتيك ما في الغيب
أعزب دهر ولا أرمل شهر
أفكح وبيلعب بالكورة
اقتل أمير واسرق حرير حتى يحرز التعبير
أقرع ودقنو طويلة قللو شي بيغطي شي
اقعد برا ولاتقعد جنب الجرة
أكبر منك بيوم أعرف منك بسنة
أكتر من القرد ما مسخ ربنا
أكل البيضة والتقشيرة
أكل الطعم وخري عالسنارة
أكل الهدية وكسر الزبدية
آكل شارب عالحمار راكب
آكل شارب من الهم هارب
أكْل ومرعى وقّلة صنعة
أكلت يوم أكل الثور الأبيض
الأب عاشق والأم غيرانة والبنت بالبيت حيرانة
الآخرة يا فاخرة
الأذى من طبع العقرب
الأرد بعين أمه غزال
الأرض الواطية بتشرب ميتها ومية غيرها
الأسى ما بينتسى
الأعمى شو بدو غير زوج عيون
الأعور بين العميان ملك
الإلفة بترفع الكلفة
الإيد الفاضية منتنة
الإيد اللي ما بتحط ما بتشيل
الإيد هللي ما بتقدر عليها بوسها وادعي عليها بالكسر
الباب اللي بيجيك منو الريح سدو واستريح
البحر ما بتعكرو ساقية
البخشيش بالدرهم والعطا بالقنطار
البدوي أخد تاره بعد أربعين عام وقال: "لاه استعجلنا
البدوي لو تمدن مثل الجحش لو تكدن
البرد والقّلة سبب كل عّلة
البرطيل بيحلّ د كة القاضي
البرغل مسامير الركب
البرغوت قال للبقة يضرب الشرشوح اذا ترقى
البغض بالأهل والحسد بالجيران
البقة تولد مية وتقول ياقلة ها الذرية
البنت المليحة خير من الصبي الفضيحة
البنت ولو مريم والدين ولو درهم والسؤال ذل ولو على الطريق
البيت اللي بتاكل منو لا تدعي عليه بالخراب

يتبع

[سفير بلادي]

البيت بيت أبونا والناس بيسبونا
البيض مابينقلى بالضريط بدو سمن وزيت
التجار تلاتة : تاجر وتويجر وخرى التجار
التدبير نص المعيشة
التلم الأعوج من الثور الكبير
التوم قتال السموم
الجار جار ولو جار
الجار قبل الدار
الجحشة بعليقها والأصيلة بعليقها
الجمل إذا بار بيحمل قنطار
الجمل بقرش وقرش ما فيش
الجمل لولا الفزة لحمل المزة
الجنازة حامية والميت كلب
الجّنة بلا ناس ما بتنداس
الجواب بمحلو متل الدهب بمغلو
الجوز رحمة لو ما بجيب فحمة
الحارة ضيقة والحمار رفاس
الحب أعمى
الحب مطب والعاشق أعمى
الحبس للرجال والبكي للنسوان
الحبل دلال والطلق غية والترباية يا بلوة البلية
الحجر اللي ما بيعجبك بيفجك
الحجر مطرحو قنطار وإن اتزحزح بيصير وقية
الحسن أخو الحسين
الحظ لما بيواتي بيساوي الاعمى ساعاتي
الحكاية مش حكاية رمانة هاي قلوب مليانه
الحكي الك يا كنة اسمعي يا جارة
الحكي صابون القلب (أو: العتب صابون القلب)
الحلوة ما بيحوشها إلا هللي معو قروشها
الحلوه حلوه ولو فاقت من النوم ...والبشعه بشعه ولو حطت ميت لون
الحمار حمار ولو بين الخيول ربي
الحمار ما بيوقع بالجورة مرتين
الحماية حمة (حمى ) وبنت الاحما عئرب (عقرب ) مسمة
الحية إذا جاعت بتعض بطنها
الحية ما بيقتلها سمها
الخبز والماء أكل العلماء
الخبزة المبلولة دوا المعلولة
الخنفسة شافت بنتها على الحيط قالتلها تقبريني متل اللولية بالخيط
الخوف بيقطع الجوف
الخير بخير والشر بغير
الخير للغير والخرا لسمعان
الدابة السريعة والمرا المطيعة والدار الوسيعة
الداخل مفقود والطالع مولود
الدارس غلب الفارس
الدبان بيعرف دقن اللبان
الدبانة بتعرف دقن الحلواني
الدجاجة هللي بتقاقي ما بتبيض
الدفا عفا ولو كان بعز الصيف
الدلو بيشرب والحبل بينتفخ
الدم ما بيصير مي
الدهر قلاب
الدهر يوم الك ويوم عليك
الديك الفصيح من البيضة بيصيح
الدّين يبني...... و التعصب يفني
الرايح بايدو والجاية بايد الناس
الرجال عند غراضها نسوان
الرجال غايبة والنسوان سايبة
الرجل ما بتدب غير مطرح ما بتحب
الرحمة مخصصة والبلا بيعم
الرطل بدو رطل ووقية
الرمد أشوى من العمى
الزايد أخو الناقص
الست بدها جارية والجارية بدها ست
السعد لما بيجي بيكسر الباب
السكافي حافي والحايك عريان
السكران لا تدفشو بيوقع لحالو
السلاح بإيد الخرى بيجرح
السلام بيجر كلام والكلام بيجر بطيخ
السلق أخضر والناس أخبر
الشباك اللي بيجيك منو الريح سدو واستريح
الشمس طالعة والناس قاشعة
الشهر اللي ما منو فايدة، عد إيامو لشو؟
الصاحب ساحب
الصباح رباح
الصبر مفتاح الفرج
الصبي ما أحلى بشارته ولو مات بساعته
الصدفة أحسن من ميعاد
الصدق ملح الرجال وعيب عللي بيصدق
الصراحة ما فيها مستحى
الضحك من غير سبب من قلة الأدب
الضرة مرة
الضرف العايب نافخو تعبان
الضرورة الها أحكام
الضيف المنظوم بيشرب القهوه وبيقوم
الطبع الردي غالب
الطبل بحرستا والزمر بمنين
الطرق ولو دارت والبنت ولو بارت
الطيب بيجر الميت والميت بيعيط
الطير الفشكول بيجيب الشكول لعند الشكول
الطيز النقالة مالها شغالة
العاب بالمقصوص حتى يجيك الطيار
العادة في البدن ما بيغيرها غير الكفن
العالم عطيه جملو
العجل النقّاق بيرضع كتير
العجلة من الشيطان والتأني من الرحمن
العرب إلها ردة
العروس بعلقها وقلة أكلها
العروس للعريس ...والجري للمتاعيس
العز للرز والبرغل شنق حالو
العسراوي بعمرو ما قتل واوي
العصفور بيتفلَّى والصياد بيتقّلى
العّلة هللي ما بتعرفلها دوا بالنار داويها
العمر بيخلص والشغل ما بيخلص
العنزه الجربانه ما بتشرب إلا من راس النبعه
العيرة ما بتدفي وان دفت ما بتوفي
العيرة ما بتدفي وان دفت ما بتوفي
العين بالعين والسن بالسن
العين بصيرة والإيد قصيرة
العين ما بتعلا عالحاجب
العين مغرفة الكلام
العيون السود بالقفه ...والعيون الملون بالصدفة
الغايب حجتو معو
الغايب مالو نايب ( نائب )
الغريق بيتعّلق بقشّة
الغزالة الشاطرة بتغزل على دنب كلب
ألف جدي بالمسلخ والكبش بالمرعى
ألف رنه جرس ولا نوبة حرس

[سفير بلادي]

ألف عدو برا الدار ولا عدو جوا الدار
ألف عين تبكي ولا عيني والف أم تبكي ولا أمي
ألف قلبة ولا غلبة
ألف قولة جبان ولا قولة الله يرحمه
ألف نومة بَكدر ولا رقدة تحت الحجر
الفاجر بياكل مال التاجر
الفرس لخيالها والمرا لرجالها
الفرس لفارسها والأرض لحارسها
الفص عالمنجعي هين
الفلاح إذا تدمشق متل الكلب إذا تعمشق
الفلوس بتجيب العروس
القالب غالب
القرايب عقارب
القرد بعين أمو غزال
القرعة بتتحالا بشعر بنت خالا
القصه مو قصه رمانه.....قصة قلوب مليانه
القصير فطنة وفتنة ومطعم من الشيطان
القط ما بيحب غير خّناقه
القط ما بيهرب من العرس
القّلة بتحمل الآغا سّلة
القمح اللي مو الك لا تحضر كيلو بتغبر دقنك وبتتعب بشيلو
الكترة غلبت الشجاعة
الكحل أشوى من العمى
الكذب ملح الرجال
الكلام إلك يا كنة بس اسمعي يا جارة
الكلام اللي ما بينفد ياحسرة قايلو
الكلام بينداق متل الطعام
الكلب بيقول انشالله يعيشو وليداتهم لآكل من دياتهم والقط بيقول انشالله ينقطع وليداتهم لأقعد بحضيناتهم
الكلب هللي بدك تجرو عالصيد بلاه وبلا صيدو
الكلب هللي بيعوي معك أحسن من الكلب هللي بيعوي عليك
الكلمة الحلوة طالعة والكلمة البشعه طالعة
الكنيسة القريبة ما بتشفي
اللسان الحلو بيطلع الحيه من وكرها
الله بيطعم الحلاوة للي مالو سنان
الله بيعطي الكعك لهلي ما ألو سنان
الله ما نشاف لكن بالعقل نعرف
الله يبارك بالبيت هللي بيطلع منو بيت
الله يسعدوا ويبعدوا
الله يطعمك حجة والناس راجعة
الله يعطيك العافية طول ما الجاجة حافية
إللى بدك تقليه اشويه واللي بدك ترهنو بيعو
إللى بيرّ خص بضاعتو بتكسد
اللى يشوف الخلاخل مايدرى ان البلا من الداخل
اللي استحوا ماتوا.
إللي أمها خواضه بتخوض
اللي إيده مو تحت الحجر ما بتوجعو
إللي بتجيب البنت بتجيب الصبي
اللي بقلل عقلو بتتعب رجليه
اللي بياكول على ضرسو ما بينفع إ ّ لا نفسو
اللي بيبصق بإيدي بردها في وشو (وجهه)
إللي بيبلغ السبعين بيشتكي من غير علة
اللي بيبيعك بالفول بيعو بالقشور
اللي بيتد ّ خل بشي ما بيعنيه بيلقى شي ما بيرضيه
إللي بيحضر ولادة عنزتو بتجيب توم (توأم)
اللي بيزرع الشر بيحصدو
اللي بيستحي من مرتو ما بيجيه صبيان
إللي بيصرلو خباز ليش ليحرق إيديه
اللي بيعرف أولتو بتهون عليه آخرتو
اللي بيعرف بيعرف واللي ما بيعرف بيقول كف عدس
اللي بيفرق ولد عن ولد ألو بجهنَّم بلد
اللي بيلاعب القط بدو يحتمل خراميشو
اللي بينشرى ما بيشتهى
اللي تعشق من وراء اهلها تضيع شرفها ومهرها
اللي حارقوا الحليب بينفخ اللبن
اللي عجبتو الكحلة يدنبها و اللي ما عجبتو يقطشها
اللي عقلو براسو بيعرف خلاصو
اللي فيه مسلة بتنغزو
اللي ما بتزينو عروقو ما بتزينو خروقو
اللي ما بتسعو الدور بتسعو الصدور
إللي ما بينزل لقبرو لا يأمن لدهرو
اللي ما بينفع ولا بيضر لا بيحزن ولا بيسر
اللي ما تقدر تداريه سايسه وجاريه
اللي ما عندو كبير بيشتري كبير
إللي مالو عيلة يربيلو كحيلة (فرس)
اللي معو فلوس بياكل بجهنم حلاوة
اللي مكتوب عالجبين لازم تشوفو العين
اللي يتعلمه الطفل من امه يحفظه ويصمه
المال الداشر بيعّلم الناس الحرام
المجانين ولاد عالم وناس
المحظوظ إذا غطس بالبحر بيطلع بطيزو فرخ سمك
المصالح الو تلتين القتلة
المصري جوابو بتمو والحلبي بكمو والشامي عند أ مو
المفرط أولى بالخسارة
المكتوب ما مّنو مهروب
المكتوب مبين من عنوانو
المنحوس مد إيدو على سلة عنب طلع له بصلة
المنحوس منحوس ولو علقوا على ضهرو فانوس
الموت بياخد المنيح وبيخلِّي الخرى
الموت مع الناس رحمة
المونة بدها ركونة مابدها مرة مجنونة
المي فراق

[سفير بلادي]

المي ماشية تحت رجليه
النار ما بتحرق إلاَّ إيد كاويها
الناس بالناس والهرة بالنفاس
الناس على دين ملوكهم
الناس مخباية بتيابها
الندر للدير والخرى لسمعان
النقطة الدايمة علامة
الهرب تلتين المرجلة
الواعة الكبيرة بتسع الواعة الصغيرة
الوجه الذي تعرفه أحسن من الوجه الذي لا تعرفه
الولد ابن أمه ...ويا حيف علي بيلمه
الولد اذا طلع لعمو يا سعادة امو
الولد اللي ما بيبكي امو ما بترضعو
الولد بيقضي ...بس غرضه ما بيرضي
الولد تلتينه للخال
الولد لو بار تلتينو للخال
الولد هللي ما بيبكي ما بترضعو أمو
الولد هللي مو من ضهرك كل ما جن فرحلو
الولد ولد ولو صار قاضي بلد
الي بيغير عادتوا بتقل سعادتوا
ام البنت مسنودة بخيط ... وام الولد مسنودة بحيط
أم القاتل بتنسى أم المقتول ما بتنسى
أم علي بتزرع وابو علي بيقلع
أما سراجين وشمعة وأما عالعتم جمعة (أسبوع)
امشي مع السعيد بتسعد
آمن بالحجر تبرأ
إن أسلمت فارة لا زادت الإسلام ولا نّقصت النصارى
إن أقبلت آذار وراها وإن أمحلت آذار وراها
إن أقبلت باض الحمام على الوتد وإن أمحلت شخ الحمار على الأسد
ان أوجعك راسك أكرمه وان أوجعك بطنك احرمه
إن بزقنا لتحت على لحيتنا وإن بزقنا لفوق على شواربنا
إن خفت لا تقول وإن قلت لا تخاف
إن داقت عليك المخازن مخزنك عبك
إن شفت الأعمى طبو مالك أكرم من ربه
إن عاب عليك أصلو دلايلو فعلو
إن عشقت اعشق قمر وإن سرقت اسرق جمل
إن كان حبيبك عسل لا تلحسو كله
إن كرهت جارك غير باب دارك
انا ماأخذوني علىحمار خدودي، انا اخذوني على صيت جدودي
أنا وأخي على إبن عمتي وأنا وإبن عمتي عالغريب
اناواخي على ابن عمي وانا وابن عمي على الغريب
إنت أمير وأنا أمير ومين بدو يسوق الحمير؟
أنشف من القريص
انفخت الدف وتفرقوا العشاق
إنقعها وأشرب ميتها
انكسرت الشربة براسو
أهلك هللي اشتروك ولا أهلك هللي باعوك
أهلك ولو تهلك ولو رموك على المهلك
أوصوه وصيبوه وقول نصيبوه.
أول الرقص حنجلة
أول المزاح فرح وآخرتو ترح
أول مرة سم وتاني مرة دم وتالت مرة كول ولا تنهم (عن الثلج)
أول يوم قمر مد ور تاني يوم صحن مجور تالت يوم قرد مصور
أولها شباطية وآخرها حصادية. (خاص بالكمأة)
ايام العرس ...ملس
إيد الحر ميزان
ايد واحدة ما بتصفق
إيد وحدة ما بتزقِّف
إيدك عّني وما عليك مني
ايدين دكك ورجلين سكك
ايش عرف الحمير بأكل الزنجبيل
ايلول دنبو مبلول
إيلول دنبو مبلول
ايمتى كنَّا والشمس ترقعنا
باب النجار مخلَّع
بآذار بتنتقل الشمس لبرج الحوت وبتقول للبرد موت
بآذار بيتساوى الليل مع النهار
بآذار طّلع بقراتك عالدار
بالحركة بركة
بالصابون ما تاجرت، وبالبحر ما سافرت، ويهودي ما شاركت، وكيف انكسرت؟..
بالع الموس عالحدين
بالوش مراية وبالقفا صرماية
بتقّلو تور بيقلَّك حلبو
بتموز بتغلي المية بالكوز
بجمعة النص فصل وقص
بحر ما بتعكرو ساقية
بحيلتك يا بنتي باكل أنا وكنتي
بخش ما بيعرف مصفاية
بدعي على ولدي وببغض اللي بيقول آمين
بدل الشيشة والدخان استر جسمك يا عريان
بدو سلتو بلا عنب
بدو قط من خشب يصطاد ما ياكل
بدو يعرف القار والقرقير والبيضة كيف بتطير
بدون دف عمنرقص
برد الصيف متل حد السيف
برد هواها قرب شتاها
برغوت قال لبقَّة يضرب الشرشوح إذا ترقَّى
بزق بزقة ورجع لحسها
بزقة تحت لزقة تحت بلاطة ما بتختفي
بزمان اللولو ما هللولو
بشهر آب قطوف العنقود ولا تهاب
بصلتو محروقة
بطعمي اللوز للي مالو سنان
بطن ملان كيف تمام
بطيخ بيكسر بطيخ
بطيختين بإيد واحدة ما بينحملوا
بعات عدوك لتوتاتك ومحبك لكرماتك
بعاق الجدي ولا سواد العنقود
بعد اربعينه عد سنينه
بعد البربارة (عيد البربارة) بيطول النهار نّطة فارة
بعد السكرة بتجي الفكرة
بعد العيد ما بيصير قراص
بعد حماري ما ينبت ولا حشيشة
بعد هالكبرة جبة حمرا
بعدما كان سيدها طبل بعرسها
بعرة ومقسومة بشعرة
بعيد عن العين بعيد عن القلب
بقدمله العليق بيقدملي التلبيط
بكرة بيدوب التلج وبيبان المرج
بكِّي إبنك ولا تبكي عليه
بكينا لعمينا ومشينا لحفينا
بلاطة فوق بلاطة وصاحبة البيت ضراطة
بلاهم بلا وبلاهم بلا
بلدًا تصلها كل بصلها
بلها وشراب ميتها.
بليلة عيد مار الياس حط القرطل ع الج ّ لاس
بنت المعماري حلمها تعمر أوضه... وبنت الصايغ حلمها تشتري اسواره على الموضه
بنقعده بالصدر ...بنلاقي بالعتبه
بوجهين ولسانين
بوس الأيادي ضحك عاللحي
بوس الكلب على تمو لتنال أربك منُّو
بيت السبع ما بيخلا من العظام
بيت الضيق بيسع ألف صديق
بيت عالى وسقفه مخروم
بيت كبير وحيطانو حمر وجواتو شي بيقصف العمر
بيتحركش بالحمى لتجيه برديه
بيخاف يشخ حتى ما يجوع
بيخطف الكباية من راس الماعون

[سفير بلادي]

بيخُلط شعبان برمضان
بيدق المي وهيه مي
بيدور مثل الجاجة الخوثة
بيرمي كل عشره بير ..وبيقول يا رب التدبير
بيروح عاشق وبيرجع مشتاق
بيسف التراب وما بيوقف عالباب
بيضة اليوم ولا دجاجة بكرة
بيضة بين أربعة لا ضرورة ولا منفعة
بيضرط عالفرنك السوري بيساويه قبة خوري
بيضرط من طيز واسعة
بيضلّ حيك ميك متل مكوك الحايك
بيطعمينا إبرة وبيخرينا مسّلة
بيعمشق عالمكلَّس
بيعمل السبعة وذمتها
بيعمل على الحبة قبة وعلى الزبيبة خمارة
بيعمل من الحبة قبة ومن الزبيبة خمارة
بيعمل من الزبيبة خمارة
بيفصل للبرغوت قميص يقال في الإنسان الدقيق غي أعماله
بيقتل القتيل وبيمشي بجنازتو
بيقللو للقمر غيب حتى اقعد محّلك
بيلهي الحمار عن عليقو
بيمشي بالجنازه ...وبيفكر بالجوازه
بين الحزة واللزة طهرنا أبو حمزة
بين الَنور ما في تكليف
بين حانا ومانا ضيعنا لحانا (جمع لحية)
بين هذين العيدين الميلاد والغطاس وكثيرًا ما تتساقط الثلوج)
تاجرنا بالكفان بطَّل حدا يموت
تجوزنا لننستر قال سقالله أيام الفضيحة
تدحرج الخرى عالشخاخ قللو مرحبا قردش
تسلملي ها القامة متل عود البامة
تعا علي وخلصني ولا تجي معي وتعلقني
تعب الرجلين ولا تعب العقل
تغدى فيه قبل ما يتعشَّى فيك
تغدى وتمدى وتعشَّى وتمشَّى
تغربنا تا نشبع مرقه.
تلاته ما بيختفوا الحب والحبل والركب على الجمل
تيتي تيتي متل ما رحتي متل ما جيتي
ثمرة التفريط الندامة وثمرة الحزم السلامه
جارك القريب ولا أخوك البعيد
جاية من البرية وبدو ياخد الأولية
جبنا الأقرع ليوّنسنا كشف عن قرعته وفزعنا
جبنا سيرتو قامت فاحت ريحتو
جحا جابه و جحا أكله
جحي واهل بيتو عرس
جدي ما بيلعب بعقل تيس
جنازة ولا جازة
جور القط ولا عدل الفار
جوزت بنتي لأرتاح من بلاها رجعت لعندي وأربعة وراها
جوزوا طنة لرّنة وشرطوا عليها شروط، لابقة هالمسفَّقة لهالقلعوط
جوزي بيحبني قوية أهلي بيحبوني غنية وجيراني بيحبوني إيدي سخية
جوع قطك يصيد فارك وشبع كلبك يحرسك
حارتنا ضيقة ومنعرف بعضنا
حامل السلُّم بالعرض
حاميها حراميها
حب مالك محب مالك، ابغض مالك مبغض مالك
حب يقهر مراته قام حلق شنباته
حبل الكذب قصير
حبل المداوم بيقطع خرزة الجب
حبيبك حبو ولو كان عبد أسود
حرامي مالك ايدك بجيبتي ليش
حرد الدب عن الكرم صار العنب قنطار
حرق حارة ليش عل سيجارة
حزين اللي عشاه ببيت أخوه مضى ليلو وما تعشى
حساب القرايا ما طبق على حساب السرايا
حسبنا الباشا باشا تاري الباشا زلمة
حضرط لا بيحلّ ولا بيربط
حضرنا الحطب والعريس لسا ما خطب
حط الدراهم عالمراهم تبرى الجروح
حط العاقل عالمجنون وشوف مين أبنه عليه بيهون
حط العدس وانبور تحتو مألعن من الخال إلا بنت اختوا
حط إيدك عل عبك خّلي ألله يحبك
حط ايدك على عينك متل ما بتوجعك بتجع غيرك
حط بالخرج
حط بكفِّي واندار لخلفي

[سفير بلادي]

حط .... على عش دبابير وقول هي تدابير
حط قبل ما تتعب واحمل قبل ما تستريح
حطت عجينها ع ميت تنور
حطُّوه عالمغتسل ودهنوه بالعسل
حكّلي لحكّلك
حكموا على كردي بالشنق قللون انشالله تكون المرسة حمرا
حكى بدري وشرح صدري
حّلاق فتح بأقرع استفتح
حلاوة التوب رقعته منه وفيه
حلِّة نيل بتصبغ المعلم مع الأجير
حمار ومحمل خرا ومشيته غندره
حملوه عنزة ضرط، قللون حّطو فوقها وحدة تانية
حيرتني يا أقرع من فين أبوسك
حيك بغير هالمسلِّة
خالتي بطبريا وضراطها واصل ليا
خبز الرجال عالرجال دين... و على الانذال صدقه
خبوط هالطينة بالحيط إن ما لزقت بتعلِّم
خبي فحماتك الكبار لعمك آذار
خبي قرشك الأبيض ليومك الأسود
خبي قرشك الأبيض، ليومك الأسود.
خدو البنات من صدور العمات
خدوا فالكن من أطفالكن.
خذ الزرايب و لا تاخذ من القرايب
خذ حبيبك واندرق وخلي الدنيا تنطبق
خذوا أسرارهم من صغارهم
خرية كلب وانقسمت
خّفف راسك بيتعبو رجليك
خّلف الكلب جرو طلع أرزل من أبوه
خلي العسل بكوارو لتجي أسعارو
خّلي هللي بالقلب يجرح ولا يطلع برات القلب يفضح
خود الأرملة وضحاك عليها وشيل من جيبها وصروف عليها
خود الأصيلة ولو كانت عالحصيرة
خود صد وعطي رد
خود من الفجل الورق ومن اللحم المرق
خود مّنو ولا تعطيه
خود هالزبون وسكِّر
خوري البيت مو كل ساعة بدو بوسة إيد
خير لا تعمل شر ما بتلقى
خيرها بغيرها
خيط الشاطرة باع وخيط الهاملة دراع
خيط مطه ....كل مين يطلع عليه شي يحطه
خيطي بالمسلِّة ولا تعتازي مصنِّة
دبانة ما بتموت بس بتقلب منافس
دبور هدى على مسن قللو هدي ان كنَّك بتهدي
دخان يعمي ولا برد يضني
دخانك عمانا وطعامك ما جانا
دخلنا داركم وشفنا فشاركم وعرفنا عشاكم من عشا حماركم
دخيل ها الطول متل قرن الفول
دردبيس ما بيعرف الجمعه من الخميس
دسنا الأرض اللي ما تنداس وبسنا الايد اللي ما تتباس ولا نابنا لا ذهب ولا حتى نحاس
دقن الطميع بظهر المفلس
دكة مطرزة على لباس خام
دلال لا تنادي ولا تشمت الأعادي
دلاَّل لا تنادي ولا تشمت الأعادي
دمعة من عورة غنيمة
دموع الفواجر حواضر
دنب الكلب حطو بالقالب أربعين سنة بيضل أعوج
دوا لدهر الصبر عليه
دود الخل منو وفيه
دوس على دنبو بتشوف عجبو
دير المفلس على المفلس ترى العجب
ديكين على مزبلة ما بيتفقوا
دين المخبا صرماية أحسن منو
ذكرنا القط قام ينط
ذكور الديب وهيئ القضيب
راح الأعور وتبعور
راح الحمار يطلب قرنين رجع مقطوع الأدنين
راح العاشق و اجا المشتاق
راح العيد وفرحاتو وأجا المعّلم وقتلاتو
راح الفلاح للمدينة ما استحلى إلاَّ الدبس بالطحينة
راح الكتير وما بقي غير القليل
راح المكتئب لعند المبتلي يطلب دوا للعافية
راح الناس وبقي النسناس
راح ساقي وسماقي وما بقي غير ضيقة أخلاقي
راح سالم ورا سالم ما رجع حدا سالم
راح شباط الغدار وإجا آذار الهدار
راح عالجامع ليصّلي لقى بابو مسكَّر قال منيح إجت منك مو مني
راحت الخيل تنحدى مدت الخنفسة رجليها
راس الروم ما بيكسرو القدوم
راكب على ضهري ومدندل رجليه
ربوط الحمار مطرح ما بيقللك صاحبو
ربوط الحمار مع رفيقه إذا ما بيتعلم من شهيقه بيتعلم من نهيقه
رجال بالبيت رحمة ولو كان فحمة
رجعت حليمة لعادتها القديمة

[سفير بلادي]

رجل لورا ورجل لقدام
رحت مكسي رجعت منتوف
رزق الهبل عالمجانين ورزق المجانين على الله
رضينا بالبين والبين ما رضي فينا
رغيف برغيف ولا يبيت جارك جوعان
رفيع متل الخيار القلامي
رفيقك عالطاحون زحمة
روح ، أحمض ما عندك طبوخ
روح اسقف الزرقا
روح بلط السما
روح شراب مية البحر
ريحة الأم بتلم ...وريحة الأب بتخم
زاعلي جارتك وخلي للصلح مطرح
زبادي الخرى ما بتتك سر
زبادي بليس ما بتخيس
زرعنا اللو طلعت ياريت
زّلة قدم ولا زّلة لسان
زمان أول تحول
زيوان البلد ولا قمح الغريب
ساعة الك وساعة لربك
ساقية جارية ولا نهر مقطوع
سألوا الجمل شو بتشتغل قللون بدق بالشبابة قالوله مبين من شفاتيرك
سألوا الدب سو بتشتغل؟ قللون سلاك حرير، قالوا مبين من إيديك
سألوا القاق ليش بتسرق الصابون قللون الأذى طبع
سألوه لأليط ليش بتضل معكَّر قال شو بدي إعمل بدفش خرية بتجيني أكبر
سألوها ياستي ليش بتفسي؟ قالت من كتر ما بحشي
ساير صاحبك يوم وليلة وعريف سجاياه
سبحان هللي بيغير وما بيتغير
سبحانك يا عاطي ...يا معلي الواطي
ست خدوج لبست البابوج باجريها العوج
ست واربع جوار على سلطة بخيار
ست وجاريتين على قلي بيضتين
ستي من غير وحام مريضة
سرك لمرتك لا تعطيه
سكت دهر ونطق كفر
سكِّر بابك وآ من جارك
سكِّر دارك ولا تّتهم جارك
سلاح البوشت مراية ومشط
سلام بيجر سلام وكلام بيجر كلام
سلِّم عليه وعد أصابيعك
سمك بالمي ما بينشرى
سموك مسحر خلص رمضان
سنة النحس أربعة وعشرين شهر
شافت البزاقة بنتها عالحيط قالتلها تسلميلي متل اللولية بالخيط
شباط اللباط قد ما شبط ولبط ريحة الصيف فيه
شبع كلبك بيحمي دارك، جوع هرك بياكل فارك
شبين الإكليل من ضرطة بيميل
شتوة نيسان بتسوى السكة والفدان
شجرة بداري بتحلّ إلي و ّ لا لجاري ؟
شحاد ومشارط
شخاخة وما بتنام إلاَّ بالنص
شرارة بتحرق حارة
شرط بالحقلة ولا خناقة عالبيدر
شروال مالو ودكتو بأربتعش
شعرة من طيز الخنزير مكسب
شغل ساعة ولا هم سنة
شغل مصر من الصبح للعصر
شفناكي فوق شفناكي تحت
شكرنا القط خري بالعجين
شمس شباط لكنتي وشمس آذار لبنتي وشمس نيسان إلي ولشيبتي
شهوة العجوز بتموز
شو بتعمل الماشطة بهالوجه العكر
شو بدي اتذكر منك يا سفرجل كل عضة بغصة
شو بيعمل الحاسد مع الرازق
شو ف هم الحمير بأكل الزنزبيل
شو ما بيحج الحجيج بلا أبو حلاوة؟
شو ما طبخت العمشى جوزها بيتعشَّى
شو ما في دبس غير ببعلبك؟
شو هم العبد من سواد الوجه؟
شي بلاش كّتر مّنو
شي طلع من طيزنا وبدو يعلمنا السباحة
شي من برا واضرب يا خرا
شي مّنو ولا كلُّو
صابح القوم ولا تماسيهم
صاحب الحق سلطان
صاحب الحق عينو قوية
صاحب الدار ادرى بالذي فيه
صاحبك عند الضيقة بتعرفو
صاحبي وحبيبي بس ناح الجيبة ما تقرب
صار للخرى مرا وصار يحلف عليها بالطلاق
صار للدبانة دكانة وصارت تفتح الساعة تمانة
صار للقطة قوط صارت بالحارة تمشي وتلوط
صام وصام وفطر على بصلة

[سفير بلادي]

صباح ابليس ولا صباح القسيس
صباح الشيطان ولا صباح الرهبان
صباحك أرنب ومساؤك ديب
صبرك على نفسك ولا صبر الناس عليك
صحيح لا تقسم ومقسوم لا تاكل وكول لتشبع
صدر البيت ألك والعتبه ألنا
صفصاف لا تنصب وطرطوسي لاتصاحب
صنعة في الدبر أمان من الفقر
صوم وصلي بتركبك القلة
ضايعة الطاسة
ضرب الأم يربرب ..وضرب الأب يادب
ضرب الحبيب زبيب ولو كان حجر صوان
ضربة المعلم بألف ...ولو شلفها شلف
ضربة عالحافر وضربة عالنافر
ضربني وبكى, سبقني واشتكى
ضربو وصيبو وقول هادا نصيبو
ضروب أبنك وحسين أدبه... ما بيموت ليجي أجله
ضروب الحديد وهو حامي
ضعيف وبياكل مية رغيف
ضيف المسا يا بياته يا عشا
طالع يا َ كبِّة يا دعسة
طالما القاضي راضي
طالما النصراني صايم بيضلّ البرد قايم
طب الجرة على تمها بتطلع البني لأمها
طحان ما بيغبر على كلاَّس
طرشة عالباب بتتسمع
طريق يسد ما يرد
طعمي التم بتستحي العين
طلبته المشتهيه... أكلته المستحيه
طلطميس ما بيعرف الجمعة من الخميس
طلع القمر واتدور ونسي زمانو الأ ول
طلع الولد لخاله يا زين أفعاله ...وإن طلع لعمه... سبوه هو و أمه
طلع من المولد بلا حمص
طلع من بيت الزط مؤدن
طلعت الحشيشة على راس لساني
طلعنا من تحت الدلف لتحت المزراب
طلعوا القبّه حسبوها مزار وهيّه مليانه أحجار
طنجرة ولقت غطاها
طواية عيرت مقلاية قالتلا تنيناتنا بالمطبخ
طول عمرك يا تينة مجعلكة
طول عمرك يا زبيبة بطيزك عالعودة
طول وعقل ما بيجتمعوا
طولة البال بتهد جبال
طيزو عالقش بتشتهي الرش
طيزين بفرد لباس
عاشر السبع ولو أكلك ولا تعاشر الندل ولو حملك
عديم ووقع بسّلة تين
عذر أقبح من ذنب
عرج الجمل من شفته
عرق آس ولا شماتة الناس
عزموا حمار عالعرس قللون يا لزق المي يا لزق الحطب
عشيقك لا تاخديه ...وطليقك لا ترديه
عصفور بالإيد ولا عشرة عالشجرة
عطي الخباز خبزو ولو سرق نصو
علّمناهم الشحادة , سبقونا على البواب
على بال مين هللي عمترقص بالعتمة؟
على حظ الحزينة سكرت المدينة
على حظك يا حزينه سكرت المدينه
على خشتو راقع بشتو زبال وشاكل وردة
على قد لحافك مد رجليك
على هامان يا فرعون؟
عم يخبص بالفصة
عمر الشقي بقي
عمر عطيني وبالبحر رميني (أو: حظ عطيني وبالبحر رميني)
عمرو قسام ما دخل الجنة
عميل منيح وزت بالبحر
عند البطون ضاعت العقول
عند الغنايم أنطون نايم
عند المصايب بتبان الحبايب
عند جرن الحمام بتبان القرعة من أم الشعر
عندو حظ بيفلق الصخر
عنزة ولو طارت
عيد التجلي بيقول للصيف ولِّي
عيش كتير بتشوف كتير
عين ما بتقاوم مخرز
عيونو بالطبق وأدنو على مين زعق
عيونو زرق وسنانو فرق
عيونو فيه وتفو عليه
غابت السباع . ولعبت الضباع
غسالة البطون احلى منه مابيكون
غير نصيبك ما بيصيبك

[سفير بلادي]

فال القرد ولا فالك
فايق ورايق
فتِّش على الجار قبل الدار
فخار يكسر فّخار
فرحنا بالنيل إجا النيل وغرقنا
فرخ البط عوام
فرق البحر سواقي بتطلبه ما بتلاقي
فوتة (دخول ) الجار لعند الجار اولها مذله واخرها معيار.يقال لعد الخلطة بين الجيران
فوق حّقو دّقو
فولة وانقسمت
فولة وانقسمت نصين
في كل بلد ربي إلك صاحب
قاعد لعزا الرقبة
قال الآخرة يا فاخرة
قال الدبة شقِّت كرشا قال ما ضرت إلاَّ نفسها
قال الكلب ألف قولة هشت ولا قولة ناولو
قال بزقوا على وجه الندل قال الدنيا عم تشّتي
قال جبل لجبل بيلتقي وبني آدم لبني آدم ما بيلتقي
قال حبني وخدلك جحش..قللو المحبة ماتبصير دحش
قال حصوة بتسند جرة قللو إيه بتسند خابية قنطارية
قال حمار ضرط نار قال ما حرق دنبو؟ قال إيه سماع وسطِّح!
قال شو خلفلك جدك ...أبوك ومات
قال شو فوتك لبيت عد وك قللو محبي جواتو
قال صحيح ما مت.. بس ما شفت مين مات
قال طلق ام حسن واتجوز ام حسين ......... قالوا الله يلعن التنتين
قال عاشقك لا تاخديه ومطلقك لا ترديه
قال لا إذن تسمع ولا عينًا ترى
قال له سهر الليل والناس نيام
قال له شو اللي يجيب السقام
قال من قله الاحصنه ... صرنا نحط عالكلاب سروجه
قال مو رمانة لكن قلوب مليانة
قال مو قيمتك يا بطني قيمتك يا قدري
قال ناموسة هدت على طيز جاموسة قالتلا مين حس فيكي وقت إجيتي ووقت بدك روحي
قال واوي بلع منجل قال عند خراه بتسمع عواه
قال يا جاري إنت بحالك وأنا بحالي
قال يا حاملة الصبيان يا حاملة الصوان
قال يا ربي عطيني وجربني قللو أنا ربك وأخبر فيك
قال يا غافل إلك الله
قال يا قاعدين يكفيكم شر الجايين
قال يا لساني شلون ما درتك بتندار
قال يا ماشي على رجليك ما بتعرف شو مقدر عليك
قال يا مآمنة بالرجال متل المي بالغربال
قالوا لكتير الغلبة نص الدنيا الك قللون النص التاني لمين؟
قالوا للأعمى منين بتعرف المنيح من الردي قللون من أسعارو
قالوا للبغل مين خالك قللون الحصان خالي
قالوا للجمل ليش شفتك مرتخية ..الن الشي مو بالجمال.. الشي بالجاذبية
قالوا للجوعان تنين وتنين شو بيساوو؟ قللون أربعة ارغفة
قالوا للحرامي حليف يمين قللون إجانا الفرج
قالوا للقرد لك لسا الله بدو يمسخك قللون يمكن يساويني غزال
قالوا للقطط خراكم بينفع صاروا يحفروا ويطموا
قالوا للمسمار ليش بتفوت بالحيط قللون من عزم الرص هللي ورايي
قام ديك شعيب ما بقاش في الدنيا عيب
قبل ما تفصل قيس
قبل ما تقلها كش اضربها واكسير رجلها
قبل مل تاكل كوسا وبيتنجان غطي دنبك هالعريان
قد فرحتي ليلة عرسي
قدرة ولقت غطاها
قدم بقدم ولو كنتي ستي ووراكي خدم
قدها قد الفارة وصوتها ملاة الحارة
قرعة بمشطين وعمية بمكحلتين
قرعة تحفف مجنونة
قرقعة وخشيش وطحين ما فيش
قطاع راس القط من ليلة العرس
قطع الأعناق ولا قطع الأرزاق
قعود أعوج بس احكي دغري
قعود برا ...ولا تقعد جنب الجرا
قّكرنا الباشا باشا طلع الباشا زلمة
قلب حب ما بغض
قلبك فاضي وعيشك راضي
قلبو من الحامض لاوي
قلله عصفور كفل زرزور قلله الإتنين طيارين
قللو اليوم مرقني وبكرة غرقني
قللو ايمتى بتقوم القيامة قللو كل شي في ألو علامة
قللو بتعرفو؟ قللو بعرفو! قللو جربتو؟ قللو لا! قللو لكان ما بتعرفو!
قللو بحلب نطيت أربعين قدم قللو إيه هون أرض وهنيك أرض
قللو شو أطيب من العسل قللو الخل ببلاش
قللو شو الك بالقصر قللو البارح العصر
قللو شو صار قللو واحد زقَّف والتاني طار
قللو صاحبك ولاَّ أخوك قللو الأنفع بيناتهم
قللو قنطار مسك بدقنك قللو كترتو بتو جع الراس
قللو لا تبيع برخيص، قللو لا توصي حريص
قللو ليش بتبكي وأنا عمك قللو أنا ببكي لأنَّك عمي
قللو مين بيجي مع العروس قللو أمها وخالتها وعشرة من حارتها
قللو مين بيخْبرك ( بيعرفك ) قللو ربك وجارك
قللو مين جبرك عالمر قللو هللي أمر منّو
قللو نام بالبرية ولا تنام قدام طاقة هوية
قللو يا أبي شرفني قللو لحتى يموت هللي بيعرفني
قللو يا شعبان ليش ما بتجي برمضان قللو كل شي بوقتو حلو
قللو يا فرعون مين فرعنك قللو ما حدا ردني
قلنالو البيت بيتو سّكر الباب وأخد المفتاح
قلو الطاقة اللي بيجيك الهوى منها سدها قللو موسدها خود الفاس وهدها
قليل الخصية بيصير فلكي
قولي بيضا واسكتي وقولي سمرا ووصفي
كانت النصيحة بجمل هلَّق ببلاش ما حدا بيشتريها
كبر القمر ودور ...ونسي الزمان الأول
كبرت الباذنجانة ودندلت جراسها !!!!!!!!! ونسيت الطين يلي كان فوق راسها
كبرت العوجاية معو
كبرها بتكبر صغِّرها بتصغر
كبير المنخار بيفّكر كل الناس بيدّلوا عليه
كتْر الدلال بيهرب العاشق
كترة الأيادي بتحرق الطبخة
كترة الأيادي عالحصيدة غنيمة وعالأكل خراب
كترة المال بتشغل البال
كترت الزبدة عالعرب صاروا يستعملوها صابون
كتير الكارات قليل البارات
كثرة الشد بترخي
كثير النط قليل الصيد
كحل والعمى على الله
كرمال عين تكرم مرجعيون
كسرنا الدف وبطلنا الغني
كشِّر عن نابك كل الناس بتهابك
كل الجمال بتعارك ما عدا جملنا بارك
كل الديوك نئرتني ما بئا عليي غير ابو انبره
كل الطرق بتودي للطاحون
كل الكلاب أحسن من حيمور
كل جاجة حفَّرت على راسها عفَّرت
كل حادث وإلو حديث
كل ديك على مزبلتو صياح
كل شجرة إلها في وكل بلد إلها زي
كل شي بحسابو يا أعز حبابو
كل شي ممنوع مرغوب
كل طلقة براحة
كل عقدة وإلها حلاَّل
كل علِّة وألها دوا
كل عنزة معلَّقة من كرعوبا
كل عيلة وألها بّلوعة
كل غلطة بكفرة
كل قرية وقدامها خرية
كل قمحة مسوسة الها كيال أعور
كل لحية وإلها مشط
كل ما حدا قللو كش بيقللو رش
كل ما دق الكوز بالجرة
كل ما طال دنبو قلّ أدبو
كل معروض منهان
كل من حط فلوسه بنت السلطان عروسه
كل موته وإلها سبب منشان ما يكون لعزرائيل ذنب
كل مين ألو نبي بيصّلي عليه
كل مين بغنِّي على ليلو
كل مين بيتعلَّم من كيسو
كل مين بيحن لأصلو
كل مين شافني أرملة شمر وأجاني هرولة
كل مين على دينو الله يعينو
كل مين مخطتو على تمو حلوة
كل ولد بيجي بتجي رزقتو معو
كلام القاضي متل الفستق الفاضي
كلام الليل بيمحيه النهار
كلب أبيض وكلب أسود والإتنين أولاد كلب
كلب الأمير أمير الكلاب
كلب داشر ولا سبع مربوط
كلب ما بيعض أخوه
كلبين ما بيّتفقو على عضمة
كلمة بت ولا عشره لت
كلمة بتاخدو وكلمة بتجيبو
كلمة تحنن وكلمة تجنن
كلمة خود بتسوى ألف كلمة هات
كلمة ورد غطاها
كلمة يا ريت عمرا ما عمرت بيت
كلنا بالهوى سوى
كلنا في السراب تراب
كله عند العرب صابون
كّلو عند العرب صابون
كما سّتي كما سيدي
كمل النقل بالزعرور
كّنا بالطب صرنا بالبيطرة
كنس بيتك ما بتعرف مين بيدوسه وغسل وجهك ما بتعرف مين بيبوسه
كول بالدين ولا تشتغل نهار الإثنين
كول زيت وناطح الحيط
كول لقمة كبيرة ولا تحكي كلمة كبيرة
كول لوز واخرى عالجوز (على الإثنين)
كول ما تشتهي نفسك والبس ما يليق بين الناس
كول مع الكافر ولا تاكل مع طويل الأظافر
كوم حجار ولا هالجار
كوم فيران ولا هالجيران
كومة رجال ولا كومة مال
كيد العوالم مين أده ...لو مال على حيط هده
كيف ما مال الهوى ميل معو

[سفير بلادي]

لا الفارة طاهرة ولا دعاويها مستجابة
لا بتتسرى ولا بتنام برا
لا بدنا ّنام بين قبور ولا بدنا نشوف منامات وحشة
لا بيحلّ حمار ولا بيربط جحش
لا بيسلِّي ولا بيحلِّي
لا بيمري ولا بيخري
لا بينحلب ولا بينجلب
لا تاخد الرفسة الماكنة إلا من الحمار الأعرج
لا تاخد صاحب إلاَّ بعد قتلة
لا تجازي لك رب يجازي
لا تجود إ ّ لا بالموجود
لا تحكي يا لسان ورا كل حيط انسان
لا تحكيلي بشكيلك ولا تبكيلي ببكيلك
لا تحلق دقنك بين إتنين، واحد بيقّلك طويلة والتاني بيقّلك قصيرة
لا تحيي البيض بتقتيل الفراخ
لا تدخل بيت الظّنان ولا تاكل خبز المّنان
لا تدعي لصاحبك بالسعادة بتخسرو
لا تركب حمارة وصاحبها بالحارة
لا تسلط إمرأة على تلفون ..ولا شيخ على مكريفون
لا تشرب من بير وترمي فيه حجر
لا تعلِّم شحاد على باب دارك
لا تعيبي يا معيبة ويا سريجة مَقطْبة
لا تغالي بالغالي والردي بالبلاش غالي
لا تقللي ولا بقلَّك الدهر محيرني ومحيرك
لا تقول عنب ليصير بالسلِّة
لا تقول فول ليصير بالمكيول
لا تقول للمغني غني ولا للرقاص رقوص
لا تكتِّر على أمك وأبوك بيكرهوك
لا تلوم الغايب حتى يحضر
لا حمايه ولا ضره إلا سخطه من عند الله
لا حياَة لمن تنادي
لا طنجره عم تغلي ولا مقلايه عم تقلي وكلي وشبعي :
لا للسيف ولا للضيف ...ولا لغدرات الزمن
لا معلَّقة ولا مطلَّقة
لا مين عمر سكن ولا مين مون أكل
لا وجع إلا وجع العين ولا هم إلا هم اّلدين (الاستدانة)
لا وش حلو ولا طيز ناعمة
لا يموت الديب ولا يفنى الغنم
لابد مايجي يوم والحزينة تصفق بعرس جارتا
لابق للشوحة مرجوحة ولأبو بريص قبقاب
لابق لهالحناك العوج لقة بابوج
لاقيلي ولا تطعميني
لأهلها الزق ولبيت حماها النق
لائي ليرة وشتري زميرة
لبس الأسمر أحمر واضحك عليه
لحاف العيرة ما بيدفي وإن دفَّى ما بيكفِّي
لحاق البوم ما بياخدك غير عالخراب
لحاق الكّذاب لباب الدار
لسان ابن آدم شختة
لسانك حصانك إن صنتو صانك وإن خنتو خانك
لعب الفار بعبو
للدوارة متل الشرارة ...للبيت يا ريت
لما إجا الديب عالغنم راح الكلب يشخ
لما الغني شكته شوكه صارت البلد في دوكه ..ولما الفقير قرصه الثعبان قالوا ده كثرة كلام
لما ألولي واد أنشد ظهري وانسند.. ولما ألولي بنيه حسيت الحيطه مالت عليا
لما بتصير ورقة التين قد البطة نام ولا تتغّطى
لما بتوقع البقرة بيكتروا دباحينا
لو البومة فيها خير ما تركها الصياد
لو الله بيستجيب دعاوي الكلاب كانت الدنيي مطرت عضام
لو بدها تشتي غيمت
لو بدها تشتي كعك كانت غيمت عجين
لو بيسلم الكرم من النواطير كان حمل قناطير
لو ريدك يا فخرة ما أخدت عليكي اللخرة
لو ستي اسمها يوسف كنت بعيطلها جدي
لو شاف الجمل حردبتو لوقع وانقصفت رقبتو
لو شالوني من تحتو كنت قتلتو
لو صحت لجدي ما مات
لو كان التعليم بالضرب كانوا الحمير أخدوا الأوليّة
لو كان الشعر بيجيب البخت لحط العنزة على التخت
لو كان الشي بكبر الشوارب كانوا الجرادين أخدوا الأولية
لو كانت الشركة بركة كانوا كل تنين تزوجوا مرا
لو لحسته عسل عضللي إصبعي
لولا الحسد ما مات أحد
لولا الغيرة ما حبلت ميره
لولا الكاسورة ما عمرت الفاخورة
لولا المربي ما عرفت ربي
لولا علبة مكي...كانت الأحوال بتبكي
لون الزهر بيقهر قهر
لي بيجي حلت البركه ولي ما بيجي خفف لبكية
ليجي الصبي منصلي عالنبي
ما إجا الترياق من العراق حّتى العليل فارق
ما أحلى من الولد إلاَّ ولد الولد
ما باس تمو غير أ مو
ما بتروح غير على هللي بيروح
ما بتعرف خيروا لتجرب غيره
ما بخاف على ولدي من الفقر بخاف عليه من قّلة التدبير
ما بعد الصبر إ ّ لا المجرفة والقبر
ما بقي بالميدان غير حديدان
ما بقي من العمر قد ما مضى
ما بقي من الكرم غير الحطب
ما بيحك جلدك متل ضفرك
ما بيحن عالعود إلاَّ قشرو
ما بيخرى على إصبعة مجروح
ما بيسلم الكرم من الناطور
ما بيعجبو العجب ولا الصيام برجب
ما بيعرف التمرة من الجمرة
ما بيفضح الوزير غير الكنه..والأجير
ما بيفهم الطيخ من البطيخ
ما بيمّلي عين ابن آدم غير التراب
ما بين السابق والمسبوق دقة خازوق
ما بين تشرين وتشرين صيف تاني
ما حدا بيربي حية بعبو
ما حدا بيصبر على جهلي متل أهلي
ما حدا بيصحلُّو لبن الضرف إلاَّ بيغرف مّنو غرف
ما حدا بيقول عن زيتو عكر
ما حدا بيقول مرض إلاَّ الو تلتين الغرض
ما حدا زارع على خراك فجل
ما خّلى للو راث إلا ورق الكراث
ما دام طباخنا جعيص شبعنا مرقة
ما صرنا هون الا وقلنا يا رب العون
ما عنده لا عافطة ولا نافطة (العافطة: النعجة، والنافطة: العنزة. تعفط أي تعطس وتنفط أي تضرط.
ما عندو دقن ممشطة
ما غريب إ ّ لا الشيطان
ما في بيني وبينك حاجب وبواب
ما في دخان بلا نار
ما في شجرة إ ّ لا ما هزا الهوى
ما في شجرة وصلت لربا
ما في شي ببلاش غير العمى والطراش
ما في طلعة إ ّ لا وراها نزلة
ما في وجع متل وجع الضرس وما في هم متل هم العرس
ما مّنك شي ود ّخانك بيعمي
ما يكابر في الامور الا غبي أو مغرور
مابين السابق والمسبوق دقة خازوق
ماتت المعزة وقام البعر يجتر
ماشي على بيض
مالو من شوي اللحم الا ريحتو
مامعو شي يتعشى بيشتري فجل وبيتدشى
مايغرّك البيت وتزويقه...واحد فطر والتانى على ريقه
متل أكابر الديماس كبار بعيون حالهم صغار بعيون الناس
متل الأباوة على نص رغيف
متل الأربعا بنص الجمعة
متل الأطرش بالزّفة
متل البق لا بنام ولا بيخّلي حدا ينام
متل البوم ما بيبشِّر غير بالخراب
متل البير ماله قرار
متل الحبلاسة كلما كبِرت كلما حليت
متل الحمار شلون ما درتو بيندار
متل الحمام المقطوعة ميتو
متل الحيّة من تحت التبن
متل الخنفسة كل ما حدوا بيت السلطان خيلهن بتمد رجلها
متل الزبدية الصيني منين ما رنيتها بترن
متل الزلحفة حامل بيتو على ضهرو
متل الضراط عالبلاط
متل القبور من برا رخام ومن جوة صخام
متل القرد الملفلف
متل الكردي بعد العصر
متل الكردي راسو يابس
متل اللزقة البيطارية
متل المقشة الشباطية كل قشة ببلوعة
متل المي بطلوع
متل أم العروس فاضية ومشغولة
متل أمل ابليس بالجنِّة
متل بقر التركمان جعجعه وقلة حليب
متل تجارة جحي بالبيض
متل حبر على ورق
متل حرباية فرجيني بختي
متل حساب كريك بيكون معك بيجي عليك
متل حكاية ابريق الزيت
متل حيا القملة براس الأقرع
متل حية التبن بتعض وبتخبي راسها
متل رجل كرسي
متل سيران الكلاب كترة غبرة وقلة واجب
متل شباط اللباط ما على كلامو رباط
متل عرموش العرمط .......لا بيحل ولا بيربط
متل عود الملوت بالخرا كيف مالقيتو بتتلوت
متل فوطة الحمام من طيز لطيز
متل قطرميز مصر لا رقبة ولا خصر
متل كرم على درب
متل مؤدن حمص بينادي الناس للصلاة وبيروح لشغلو
متل نار على علم
متل هللي جاب الدب لكرمو
متل هللي عمبيغّني بالطاحون
متل يللي مضيع جحشة خالتو إن لقاها مغّني وإن ما لقاها مغنِّي
متى ما إبنك حلق دقنو حليق إنت
مثل القطط بسبع ارواح
مجدرة ولبن عافية على البدن
مجعوص متل انجاص أبو زبلة
مجنون يحكي وعاقل يسمع
محروقة بصلتو
محمد مات وأمته ما تعطلت
مر بالبحر الهايج ولا تمر بالبحر الهادي
مرت الأب ما بتنحب
مسلماني ولا روماني
مشتراة العبد ولا تربايتو.
مشي لحفي وبكي لعمي
مضيع جحشة خالتو