أبو قردان .. بيرقص تانجو في الأرياف !!! قلمي

[محمد ماهر مرعي]

صحيت الصبح أنا بدري

أوام رايح على أرضى

أخدت فطاري والحبات

وروحت أجرى على غِيطي

وصلت الغيط نسيت البيت

خلعت الطاقيه والخلاجات

وقولت باسم الله هبتدي

وقمت حاضن القمحات

ماشي بسمِّي آدي واحده

وهي التانيه ويا التالته

خلاص ارضى بقت مليانه بالخيرات

على راس الغيط .. فيه ساقيه مصلوبه بقالها سنين

أصل لما جابوا المكنه الجديده

قالوا خلاص كفانا طين

والبقره كسلانه هناك

مش قادره ع الدوران

وأنا بدَوَّر بقالى ساعات على واحد من الصبيان

ينادي فلان دا اللى لسه مجاش !

لاجل يركب المكنه

وجه فلان يقول تعبان

ومفيش جاز ولا دخان

وانا مخطوف وكمان ملهوف..

بقوله دوَّر قبل الشمس ما تغرب

يقولي أدوَّر ؟؟ .. هي الساعه بقت كام

يادوب الضهر بيأدن

وروحت أصلي في الأول

ورجعت أحَوِّل الحَوَّال

ومسحت دمعة ساقيتي والحزن

والبقره من كُتْر الوقفه خلاص بتئن

وآدى المايَّه سارحه في أرضى تِدَّلَعْ

خلاص ارتحت ...

بيقولوا سعر القمح هَيّوَلَعْ

زرعت خلاص ... وأبو قردان

نازل ياخد الدوده

في دوده ولا ما فيشي

خلاص ضمنت رغيف عيشى

ويغلا السولار ولا الجاز

مش محتاجك يا حكومه

ومهما عملوا من إنجاز

إيه تاخد العاوزه م البومه!

وفجأه لقيتني بَتْقَّلِبْ

ببص لقيتني مِسْتَغّرَبْ

وقُمت وقُلت يا ماما

من ساعه كنت فى الأرياف !!!!

قالتي الضهر خلاص أدن

إِصْحَى كِفايه استظراف !!!!!!



قلمي ..
ميتو عاشق الفن

25/5/2011
‏‎ ‎

[أرب جمـال]

بتعرف يا ميتو لما قرأت العنوان بالمواضيع الجديدة ضحكت قلت لنفسي شو حكاية ابو قردان .. فكرتها مثل السبوع من العادات المصرية ,, يعني حدوتة .. وتفاجأت انك كاتبها ..
تصدق تنفع اغنية اطفال؟ وياريت تعرضها على حد يلحنها ويغنيها
بجد انك ابدعت.. ماشاء الله

تسلم ميتو على ابو قردان بيرقص تانجو بالميدان .. ههههه حتى العنوان موفق فيه

تقديري لك

[انثى استثنائيه]

سلمت الأيادي مع جزيل الشكر ميتو
راقت لي واسلوبها حلو

[shreeata]

سعدت بما قرات لك
هنا ربما هذه الحروف تعيد ذاكرتي
حيث المبدع
الشيخ امام واحمد فؤاد نجم
في بقرة حاحا النطاحة
ناح النواح و النواحة
على بقرة حاحا النطاحة
و البقرة حلوب
حاحا
تحلب قنطار
حاحا
لكن مسلوب
حاحا
من أهل الدار
حاحا.......الخ

هكذا قرات حروفك اليوم
هي حكاية وطن لا زال ينزف من جراحه
او هي احلام او تناقض اممي نعيشه جميعا
ما بين الواقع والخيال
سلمت اخي
تحيات لك

[محمد ماهر مرعي]

طالما احترقت كثيرا
وأنا أرى الفلاح يهتم بالموبيل وبالريسيفر
ونسى ارضه
طالما حارب المسؤولين السابقين ...
هذه الطبقه الكادحه ... الطبقة الفاضله
التي نأكل من أيديها
فنحن لا نأكل من يد الأمريكيين بل من يد الفلاحين
ولا زالوا مضطهدين
وكأني أعود بالساقيه .. عله يعود الى الفلاح قيمته ومكانته ونعترف بفضله ..
‏.
‏.
سيدتي أرب
أعترف أنه قد يكون الموضوع غير متكامل أو به نقص
لكني حاولت أن أقدم رؤية
لأننا لا نحتاج الى هؤلاء المسؤولين الذين ينظموا لنا حياتنا
فنستطيع نحن أن ننظم أنفسنا و العالم أجمع ..
وفي النهاية انتابني بعض اليأس أن نعود كما كنا من زمن ليس بالبعيد ...
فاعتبرته حلم لن يصدقه أحد !
فنحن وطن أقيمت حضارته على ضفتين النيل كوطن زراعي في الأساس
ومن يتخلى عن أصله .. لاخير في مستقبله
‏.
العزيزه أرب
سعدت جدا بخطوك الغالي ...
اما عن كونها أغنيه ...
يا سلام أتمنى
ميرسي اختى
ومبارك رجوع المنتدى
أنا اتخضيت فعلا امبارح وخصوصا انك مش كنت عارفه
يلا الحمد لله ...
وأبو قردان هيشرف في السجن .. عما قريب !

[محمد ماهر مرعي]

تسلمى العزيزة .. انثى اثتثنائيه

سلم مرورك الكريم

محمد

[محمد ماهر مرعي]

العزيز شريف

ما أروع ان تذكرك حروفى البسيطات برائع العاميه المصريه

أحمد فؤاد نجم

شكرا لك أخى الرائع

كامل ودى وورودى

محمدــ

[حنان عرفه]

تعرف أنا بحس ان ابوقردان دليل الخير في الارض بعد ما كان اختفى فترة
ظهوره دلوقتي جميل جدا بحب اتفرج عليه وهو في الغيطان
شكرا لك يا ميتو كثيرا على ابو قدران
حلو جدا ما كتبته

[شوقى غنيم]

ابنى ميتو موضوع ممتاز طار بى الى 50سنه مضت
من عمرى حيث كانت الساقيه والشادوف والبقره مغميه
عنيها ودايره فى الساقيه تروى الارض والفلاح بجانبها
بيغنى ويقول مواويل والتانى بيلف الشادوف وبيروى
أرضه وابو قردان مالى الارض بلون ابيض جميل لانه
كان بكثره وبينظف الارض من الديدان القارضه اللى
بتتلف الزرع النهارده هذا الطائر قلت اعداده من الرش
بالمبيدات اللى قضت عليه كان ابنى محمد الخير كتير
والفلاح سعيد وانتاج الارض كتير والحياه جميله النهارده
المكن بيروى الارض والفلاح قدام التلفزيون طول النهار
واستخدام المبيدات قتلت ابو قردان واثرت على المزروعات
واصبحنا بناكل بالمبيدات والفواكه والاصناف المهرمنه
اللى بتاثر على الصحه وانتشرت الامراض من الاصناف
اللى بيوردها الغرب لنا ليقضى علينا وينهك قوانا فى الوقت
نفسه ان الغرب لا يستخدم هذه المبيدات ولكنه صنعها خصيصا لنا ابنى محمد لقد تعايشت مع هذه الكلمات الجميله المعبره
وكما قالت ابنتى أرب انها اغنيه تراقصنا على انغامها
اتمنى لك مذيدا من التقدم فانتم حملة الرايه بعدنا واكرر
تهنئتى لك بالجائزه اللتى حصلت عليها وبشهادة التقدير
والوسام الذى منح لك وانت تستحق اكثر من ذلك وشكرا

[محمد ماهر مرعي]

اقتباس : المشاركة الأصلية كتبت بواسطة شوقى غنيم [ مشاهدة المشاركة ]

ابنى ميتو موضوع ممتاز طار بى الى 50سنه مضت من عمرى حيث كانت الساقيه والشادوف والبقره مغميه عنيها ودايره فى الساقيه تروى الارض والفلاح بجانبها بيغنى ويقول مواويل والتانى بيلف الشادوف وبيروى أرضه وابو قردان مالى الارض بلون ابيض جميل لانه كان بكثره وبينظف الارض من الديدان القارضه اللى بتتلف الزرع النهارده هذا الطائر قلت اعداده من الرش بالمبيدات اللى قضت عليه كان ابنى محمد الخير كتير والفلاح سعيد وانتاج الارض كتير والحياه جميله النهارده المكن بيروى الارض والفلاح قدام التلفزيون طول النهار واستخدام المبيدات قتلت ابو قردان واثرت على المزروعات واصبحنا بناكل بالمبيدات والفواكه والاصناف المهرمنه اللى بتاثر على الصحه وانتشرت الامراض من الاصناف اللى بيوردها الغرب لنا ليقضى علينا وينهك قوانا فى الوقت نفسه ان الغرب لا يستخدم هذه المبيدات ولكنه صنعها خصيصا لنا ابنى محمد لقد تعايشت مع هذه الكلمات الجميله المعبره وكما قالت ابنتى أرب انها اغنيه تراقصنا على انغامها اتمنى لك مذيدا من التقدم فانتم حملة الرايه بعدنا واكرر تهنئتى لك بالجائزه اللتى حصلت عليها وبشهادة التقدير والوسام الذى منح لك وانت تستحق اكثر من ذلك وشكرا

نعم أبينا الغالى

بارت مراعينا والبئر قد جفَّ

لوثوا كل شيء ...

كل جميل حقروة وزيفوه

أصبنحنا ننسى اشكالنا من كثرة كذبهم


نتمنى ان نكف عن استخدام المبيد ..


وأن يعود أبو قردان

فهو صاحب فضل


مهمته أكل الدود لا الرقص فوق مسارح الامريكان


ابينا الغالى ..

سلم وجودك المحفز الغالى

وألف شكر للمباركه الغاليه .. على الشهادة والوسام والجائزة

أتمنى أن أكون عند حسن ظنك أستاذى دومـــا ..

ابنك.. مح مد