هنه اهواي علية يازمن بهداي

[لؤلؤة ثمينة]

هنه اهواي
عليه يازمن بهداي
طگاتك چثيره
وما بعد ضل حيل
وجروحي چبيره
سهرتني الليل
مثل ورده زغيره
وهد عليها السيل
من كتر لكتر
ياخذني روج الماي
هنه اهواي--
عليه يازمن بهداي
هذنيچه شكثر
وانوب اجتهن هاي
شعندك يازمن
اجروحي ما تكفيك
دفعت انه الثمن
ما ضل بعد شطيك
مثل منخل صرت
ما ينجمع بيه ماي
اعدلك يا جرح
يا كتر ضل بچلاي
هنه اهواي--
عليه يازمن بهداي
بستان الصبر
ما بقت بيه اثمار
ونخلات العمر
خلصهن الجمار
وانته يازمن
بعدك على اطباعك
صبخه بلا مطر
ما خضرت گاعك
مرجوحه صرت
رايح عليه وجاي
هنه اهواي
عليه يازمن بهدا

[ابو فداء]

لؤلؤتنا الغاليه
اجروحي ما تكفيك
دفعت انه الثمن
ما ضل بعد شطيك
مثل منخل صرت
ما ينجمع بيه ماي
اعدلك يا جرح
يا كتر ضل بچلاي

رووعه
أبعد الله عنك الحزن

[وردة المسااااء]

اختيار راقي وحزين
كلمات القصيدة مؤثرة جدا
سلمت الايادي لؤلؤة

[غربة وطن]

كلمات رائعة واختيار اروع
سلمت الايادي اخت لؤلؤة وبانتظار ما تجودين به علينا
ورودي

[فتـــ؛؛ــ الخيرـــ؛؛ــوش]

وما بعد ضل حيل
وجروحي چبيره
سهرتني الليل
مثل ورده زغيره

ولا اروع ياغاليه تسلم الانامل للي طرحت

[لؤلؤة ثمينة]

منورين اعزائي لروعة التواصل والمتابعة القيمة
تقديري لكم
تحياتي