ليه يا خويا ما كان عشمي

[شوقى غنيم]

ليه يا أخويا ما كانشى ده عشمى

ليه يا أخويا ما كانشى ده عشمى
إبن أمى وأبويا ما يبقاش خصمى
دا إنت أخويا من روحى ومن دمى
أحمل همك وتحمل همى
وأحس بألمك وتحس بألمى
ليه يا أخويا
***
كنت بتكبر وأملى بيكبر
وأنا شايف فيك إلمستقبل
وكنت أنا باصبر وعلى قد ماقدر
وعلشان راحتك باعمل واعمل
وعملت بوصيت أمى ووالدك
وما كنتش فى يوم أتصور
إن دا منك فى إلآخر يحصل
كتير ده يا أخويا فيى مأثر
دا عمر إلدم ما يبقى ميه
وعمر م أخ من أخوه يتحول
ولا عمر إلحب إللى فى إلقلبين يتغير
ليه ده يا أخويا
*****
دا أنا علشانك ضحيت
ضحيت بعمرى والمستقبل
وياما فى قلبى إتمنيت
إللى إبتديته معاك يكمل
عمرى ما فكرت فى نفسى
فكرت فيك إنت وبسى
*****
عمر يا أخويا إلدم م يبقى ميه
مهما تبعد حييجى يوم وحترجع لييه
ويوم ما ترجع حتلقى فييه
هوه هوه نفس ألحب والحنيه
بعدك عنى موش حيغير
إللى فى قلبى عمره ما يتغير
*****

[حنان عرفه]

مهما تغيرنا يرجعنا الحب اللي بينا
الاخوة لاتقدر بثمن يمكن الحياة وظروفها
لكن اللي في القلب هم المحبة
بابا شوقي بحبك جداااااااا

[أرب جمـال]

الوجع ياتي من اقرب الناس
كنا اخوة في الوطن وفرقنا الف مذهب والف قانون ورجعية عسكرية
سلمت يداك وفمك

[ابو فداء]

عتاب راقي
سلم القلم ومن كتب
موودتي

[سما]

شكرا لك على فكرة الطرحوالتساؤل
مع التحية والتقدير

[B-happy]

هذا الزمان كل واحد بمشي خلف مصلحته
ما عاد واحد يسأل عن امه وابوه
قصيدة كلها حسرة والم
الله يفرجها
تحياتي لك

[شوقى غنيم]

شكرا
للمشاركه

B-happy
مع تحياتي وتقديري