بحب كتير

[شوقى غنيم]

بحب كتير

للشاعر المصرى شوقى غنيم

*********************

فكرت اتغير وانسى حبك مقدرتش

ايه معلقني بيك معرفتش

سؤال وسألته لروحي أنساك اذاى يا روحي

وانا لسه في حبك مفرحتش

وحصللي من دا كتير وما تعلمتش

وتجاربي في الحب كتير

اجري ليه من غير تفكير

ولأى حب مستسلمتش

يمكن من اخلاصي

ولا أشاور أهلي وناسي

واتصرف دايما من راسي

والا من اللي كاتبه في كراسي

واخوض في تجارب الحب القى الكل ناسي

رغم بعيشه باحساسي

وتجاربي منه بآسي

وبحب لآخر أنفاسي

وعيشه الحب الماسي

والآخر ليه ما وصلتش

أتاري الحب بس في كراسي

حروف بكتبها باحساسي

وفكره بتييجي في راسي

بسرعه أدونها في كراسي

وأدي لنفسي المواعيد

واقول حبيبي هاجرني وبعيد

واكتبله رسايل بدموع

وابكي بصوت مسموع

وآجى أكتبله العنوان

معرفتش مين هو الانسان

والآخر ليه ما وصلتش

واكتشف ان دا احساس

فكره باكتبها في كراس

بأقولها لكل الناس

وقلبي يتوجع في الهجر

وآسي بفراقه المر

واقول لقلبي الصبر

وعيشه وكأنه حقيقه

ولأى حب كنت بريئه

والحقيقه حبيت لأ ما حصلش

والقى دموعي سايله

وهموم الدنيا شايله

ونبضات قلبي عاليه

واحس بايامي بتجري

ايام من عمري رايحه

وتاني موش جايه

وتضيع مني الصحه

واحس بقلبي ببحه

واتألم من كتر الكحه

وانسى في لياليه الفرحه

تلاقيتي تمللي سارحه

ويا لهيب الفراق الجارحه

كتبت في الحب دواوين

وعشت معاه سينين

وكل حبايبي فين

ولواحد منهم ما وصلتش

التوقيع

[جمال جرار]

الحب الصامتلا بوح لمن يحبه القلب
من اروع ما قرأت
دام حرفك ودمت

[شوقى غنيم]

شكرا استاذ جمال جرار
واحشني تعليقاتك الرائعه
كل الشكر والتقدير

[أرب جمـال]

واروع ما في الحياة مشاعر صادقة نخفيها بيننا وبين انفسنا ونتمنى ان نجد من يستحقها
شكرا بحجم السماء على روعة حرفك
تقديري لك سيدي

[شوقى غنيم]

شكرا ستاذه أرب جمال ربنا يعطيكي الصحه وراحة البال
مع تحياتي للمشاركه

[الآماكن]

سلمت اناملك..اسلوبك بسيط وواضح..لمست الواقع
اتمنى ان يسخر الله لنا جنود السمات والارض وان ينزل حبنا في الارض وفي نفوس من نحب
تحياتي الجمة

[شوقى غنيم]

شكرا للمشاركه مع تحياتي