الأعراس في البلاد العربيه

**جمال جرار** · 21 - 4 - 2010, 01:02 AM

أعراس الفلسطينية ::sAng_stirthepot[1]:

طبعا لازم قاعة ... مش مهم في فندق في نادي في الشارع المهم قاعة ... وطبعا ببدأ العرس بس نسوان ... وكل البنات لابسات أحمر ... وخمسين أم بتلف على الطاولات بتدور على عروس لابنها ... والعروس الله لا يورجيك شو عامل فيها الصالون ... شوي بتقلب مهرج .... وفجأة بدخل العريس وأبوه وأخوانه واولاد عمه واولاد خاله وكم من واحد من اصحابه الصيع ... وكلهم ضاربين بدل الشغل ... وهات اللي يطلعهم لآخر العرس...
*
*
*
*
أعراس السورية ::sAng_shortfuse[1]:

العرس صغير ... على الأكثر 100 شخص ... وطبعا كل العرس شباب وصبايا ..وعلى كيفك الجينز ... والبنتين الوحيدات اللي برقصوا في العرس صاحبات العريس ... البوفيه عالقد ... ولازم سيارة الزفه بي ام ... ومن أول العرس لآخره دبكة علوش ..
*
*
*
*
أعراس اللبنانية :

ألف بنت وخمسين شاب .... ونص الشباب سكرانه ... والمسترة لابسه ميني سكيرت وحفر ... الشباب بدل من دون ربطة ... والقميص مفتوح وسلسال ذهب ... والعروس أكتر وحدة بترقص في العرس... العريس برقص مع صاحبته ... والعروس مع أخوه ... وإم العروس مع خاله ... والحياة حلوة ...
*
*
*
*
أعراس الإماراتيين:

عرس الرجال:D مثل العزا في الأردن بس الفرق انه في واحد لابس بشت مستعيره من ربيعه ... وطبعا الكل صايم يومين حق العشا .. عرس الحريم شبيه الحفلات التنكرية اللي نشوفها في التلفزيون ... وطبعا لو مطرت عليهم بتحصل الأرض كلها ألوان الطيف ....

*
*
*
*
أعراس الأردنيين :

خمسين طاولة ... كل طاولة عليها خمس رجال ... مجتمعين المنسف والذبيحة قدامهم ..... واوعى تفكر تبدللهم المنسف ب بوفيه مفتوح اي و الله بفتحوا طاقة براس اللي خلفوك:sAng_grindingteeth[ ..... غير الطخ الشغال عن ابو جنب:sAng_shortfuse[1]: ... يعني ما بهدى بالهم الا بس يذبحولهم حدا .. عشان بعد العرس ما يمللوا .... يعني بصير في عطوه او جاهه او اشي ياكلولهم فيه لقمة منسف ثانية

**الغريب** · 26 - 4 - 2010, 10:10 PM

هههههههههههههه

صدقت

مشكووووووووووووووور

لسعة شقاوة · 9 - 5 - 2010, 12:20 AM

ههههههه ثانكس

ميارى · 9 - 5 - 2010, 04:18 PM

أعراس الأردنيين :

خمسين طاولة ... كل طاولة عليها خمس رجال ... مجتمعين المنسف والذبيحة قدامهم ..... واوعى تفكر تبدللهم المنسف ب بوفيه مفتوح اي و الله بفتحوا طاقة براس اللي خلفوك:sAng_grindingteeth[ ..... غير الطخ الشغال عن ابو جنب:sAng_shortfuse[1]: ... يعني ما بهدى بالهم الا بس يذبحولهم حدا .. عشان بعد العرس ما يمللوا .... يعني بصير في عطوه او جاهه او اشي ياكلولهم فيه لقمة منسف ثانية [/QUOTE]

:D :D :D :D :D

شكرا على الموضوع الطريف وعقبال عندك, لكن لازم تكمل لنا بقية البلدان العربية الأخرى.