موسوعة صناعة الشموع

ميارى · 10 - 6 - 2010, 12:43 AM

من منا لم يحتفل بيوم ميلاده إلا وكان نور الشمعة رفيقا زمنيا لأفول عام
واستقبال عام جديد له،

ورغم تطور وسائل الإضاءة الحديثة وتنوعها، إلا أن الشمعة تظل الأجمل
والأغنى لمناسباتنا الخاصة

فلا الأضواء الملونة والكهرباء المشعة قادرة علي خلق حالة الألفة التي
تخلقها الشمعة، وهي وسيلة إنارة قديمة ورغم قدمها مازالت تشع في كل مناسبة
فرح لدينا

وصناعة الشموع من اسهل الاشياء التى يمكن عملها والابداع فيها

سوف نتعلم هنا كيف نصنع شمعه من خامات سهلة جدا ولكن فى البداية احرصي على
شراء جميع المكونات

نتعرف الاول على شكل الشمع الخام

الشمع الخام بيتباع على شكل قوالب غالبا فى المناطق التى يوجد بها عطارين
.. وبيتجاب من منطقة الازهر عند الشارع اللى هو فى مدخل الصاغة هناك عطار
مشهور اوى واخر مرة جبته كان شمع البرافين ب 12 جنيه والشمع الاصفر ب 10

ويوجد أنواع للشمع منها الردىء ومنها الجيد

الردئ بيكون مائل الى الاصفرار قليلا علشان كدة ممكن استخدامه فى الشمع
اللى هنغير لونه بالاخص فى الالوان الداكنه أما إن كانت الالوان المستخدمة
فاتحة مثل الاصفر والبنى.....الخ فيستحسن أن يكون الشمع من النوع الجيد
ويكون شكله وهو خام مثل الرخام الابيض فهو يميل الى الشفافية (ليس شفافا )

وشكل الشمع الخام الجيد (شمع البرافين)

ونكسره كدة

فيه طرق تانية لاستخدام الشمع اللى اساسا عندك وممكن تكونى زهقتى من شكله
هقولكوا عليها فى المشاركة اللى جاية

طرق السلامة الواجب مراعاتها عند أستخدام الشموع

-يستحسن أن تكون الاوانى التى يذاب فيها الشمع لاتستخدم بعد ذالك للطهو
حتى
لايتعلق شىء بالاوانى فتنتقل المواد الموجودة بالشمع الى الطعام

2-
وجود قماشة دائما بجواركم حتى تخمد بها النار لاقدر الله أن اشتعلت

3-
الشمع إن سقط على اليد فهو والحمد لله مادة درجة أنصهارها منخفضة لكن
يجب
وضع اليد تحت الماء مباشرة

4- يجب أن يكون المكان الذى ستوضع فوقه
القوالب التى سوف يصب فيها الشمع
مستوية

طريقة إذابة الشمع

يذاب الشمع كما تذاب الشيكولاتة فيما يعرف (بالحمام المائى) والطريقة
المتبعة فى ذالك أن نحضر أناء كبير ونضع بداخلها ماء ثم نضع بداخل الماء
علبة من الصفيح يحدد حجمها حسب كمية الشمع المطلوب إذابتها ثم نشعل عليها
النار وتترك حتى تذوب تماما

يجب فى الاناء الذى سوف يوضع بداخلة الشمع أن يكون نظيفا حتى لايترك أثر
على الشمع

كيفية تلوين الشمع

بعد ذوبان الشمع يتم أضافة اللون الى الشمع تستخدم الالوان الخاص بالشمع
وهى بودرة مخصصة لذالك موجودة أيضا عند العطار والبودرة دى يستخدم مقدار
ضئيل اوى عشان تركيزها عالى جدا

وعيب البودرة دى حاجتين هى

اولا انها مجرد الالوان الصريحة فقط اصفر برتقالى احمر اخضر ازرق اورنج بنى
اسود فقط وممكن تعتمد على انك هتخلطى الالوان

ثانيا ان ممكن عند استخدام جزء كبير منها اللون يغمق علشان كدة الاحسن ان
نحط حبة صغيرين خالص ونزود لحد ما نوصل للون اللى عايزينه ولو بتخلط لون زى
البمبى مثلا باستخدام الابيض والاحمر ممكن اللون يبوظ منك لو حطيتى حاجة
اكتر من حاجة

ممكن استخدام الوان الشمع اللى الاطفال بيلونوا بيها .. انا بستخدمها
وناجحة معايا جدا لانى مش بعرف اخلط الوان وايه مع ايه يدينى لون ايه
فالظريف فيها ان ممكن تعملى شمع بكل الالوان الغريبة اللى انتى عايزاها

وطبعا درجة تركيز اللون حسب حجم الشمعه يعنى لو شمعه كبيرة هتحطى قلمين
مثلا لو شمعه صغيرة ممكن تستخدمى حتة من القلم

بعض أشكال قوالب الشمع

- يفضل أن تكون القوالب من الزجاج أو من الالومنيوم

دى اشكال من قوالب بس مظنش انها موجودة هنا فى مصر ولكن ممكن بدالها نستخدم
اى شئ مكن علب العصير الكارتون ودى اشكال كتير منها مدور ومربع ومستطيل

وممكن علب الكانز او العلب اللى بيتجاب فيها اى شئ من السوبر ماركت

انا ساعات بعمل فى ورق زى اللى بيجى فيه اعلانات الاكل مع الجرنال ممكن
الفه قرطاس واعمل شمعه على شكل قمع وممكن الفها على شك هرم واتبت عليها
الفتيل باللزق الورقى وبتنفع معايا

وجربت اعمل فى قوالب الكيك اللى بتتباع عند بتاع الحلويات ودى ميزيتها انها
مفتوحة من الجنبين ويسهل اخراج الشمعه منها

جربت كمان فى الحاجات بتاعه التلج ودى بتتباع نوعين النوع البلاستيك والنوع
اللى زى السيليكون باشكال مختلفة زى الفاكهة جبت منه اشكال كتير على شكل
مخلوقات بحريةوفواكه ونجوم

ودة بينفع اوى لتشكيل الشمع الطافى

يمكنكم أستخدام الفناجيل والاكواب وكل شىء فى المنزل يمكن الصب فيه (هناك
أفكار كثيرة جدا هعرضها عليكو)

ارشادات عامة

- ان كانت القوالب من غير الزجاج فتدهن جوانبها بالفازلين أو بالزيت او حتى
بالصابون السائل

- يمكن الصب فى القوالب التى تكون ضيقة من أسفل وواسعة من أعلى ومش العكس

- القوالب التى تكون ضيقة من أسفل وواسعة من المنتصف وضيقة من أعلى لايمكن
أخراج القالب الشمع منها الا بعد كسرها وكذالك القوالب التى على شكل دائرة

- الفتيل الذى يوضع فى الشمع يكون مخصوص برضة من عند العطارين اللى فى
الازهر لكن خيط التنجيد شغال برضة ولما تسيح شمعة ممكن نغطس الفتلة فى
الشمعة وهى سايحة عشان الفتلة تبقى من نفس لون الشمعة وكمان تكون ماسكة
نفسها شوية

- يتم ربط الفتيل فى قلم أو بنسة شعر أو خشبة صغيرة او حتى اسياخ الشيش
طاووك ...ألخ ويتم وضعه على فوهة القالب ويسقط الخيط فى منتصف القالب ( لما
تكون الفتلة مغموسة فى الشمعه بتنشف وتبقى سهلة تتظبط فى النص ) زى كدة

أضافة رائحة للشمع

أولا أضافة الروائح للشموع تضفى عليه شىء جميل وتجعل رائحته جميلة خاصة إذا
كان الشمع المستخدم من النوع الردىء

أختيار الروائح يتم نسبيا مع الوان الشمع نفسه فإذا كان لون الشمع أحمر
يفضل إستخدام روائح الفراولة والتفاح

ويمكن أستخدام رائحة النعناع إذا كان الشمع أخضر وكذلك رائحة التفاح

برضة بتتباع عند العطارين فى سيدنا الحسين وباب الشعرية وفيه كل الروائح
اللى ممكن تتخيلها حتى الشوكولاتة والكراميل

ميارى · 10 - 6 - 2010, 12:47 AM

هنبتدى
بالحاجات السهلة

اولا الشمع المستخدم من قبل

هو اننا نستعمل الشمع اللى موجود عندنا من الاول زى دة كدة

عشان بس نجرب الاول قبل مانبتدى فى الحاجات الكبيرة

نسيحهم على النار وزى ماقلنا فى اناء جوة اناء اخر به ماء

لما الشمع يسيح ممكن نحط اى ريحة احنا عايزينها بس قلبيه كويس وبعدين صبيه
فى اى قالب عندك ممكن قوالب زى دى اللى بنستخدمها تحت الفواحات الصغيرة زى
دى

ودة اسمه

Tealight candles

نصب الشمع فى القوالب

لما بيبتدى الشمع يبرد بيهبط شوية زى كدة

ودة لانه بيمسك فى بعضه فى الحالة دى هنزود حبة كمان ولكن نخلى بالنا يبقى
الشمع برضة سخن

ودة شكله النهائى

وممكن يتحط فى حاجات اكبر شوية زى الكوبايات كشمعه لوحدها زى دى كدة ودة
اسمه

Votive candle

هو بيكون قصير شوية وبيتباع مجموعه منه ممكن نعملهم فى الاكواب الورقية

اول ما يسيح نحط الالوان والريحة اللى احنا عايزينها وبعدين

نصب الشمع بعد مايسيح فى الاكواب

لما يهدى ويبتدى يجمد ويكش وعلشان دى اكبر من اللى قبل كدة هنيجى بخله او
بعصا رفيعه نخرم كام خرم من فوق بس يكون عميق شوية بالشكل دة

بعد ما تبرد شوية نصب الشمع لحد الاخر

نقشر الورق من على الشمع ودة شكله النهائى

وممكن فى كوبايات او برطمانات ومتخرجش منهاتفضل فيها وتتولع وبتبقى حلوة
جدا

Containers candles

ودى بعض الاشكال وممكن تبتكرى الوان واشكال كل واحد وذوقه

وممكن تلعبى بالالوان زى كدة

وعلى فكرة هى سهلة جدا وهاقولك تعمليها ازاى لما نوصل لعمل شمعه من كذا لون

ميارى · 10 - 6 - 2010, 12:58 AM

خطوات
الصنع الاساسية اللى هنمشي عليها فى كل الشموع اللى هنعملها زى دى

1 - قومي بإذابة مادة الشمع في حمام ماء مغلي .

2 - جهزي قوالب معدنية لبدء الخطوات (اتكلمنا عنهم فى اول مشاركة)

3 - اضيفي خيط الشمع في منتصف القالب للشمعة لو خرمتى القالب (وممكن
تلزقيه بصمغ)

4 - بعد وضع الخيط في الفتحة المخصصة له ، يربط ويثبت في عصا صغيرة
،وبإمكانك استخدام العيدان المستخدمة لعمل الكفتة .

5 - تغلق فتحة الخيط من أسفل القالب بإحكام، لتفادي أي تسرب للشمع أو تشقق
في الشمع. ونصب الشمع

6 - يترك الشمع حتى يبرد قليلاً ويكون طبقة صلبة في الأعلى .

7 - قومي بعمل ثقب بالشمع بعود خشبية إلى عدة فتحات تصل إلى أقل من العمق
بشوية ، فهذه الثقوب لها دور في إزالة الهواء المتجمع في صلب الشمع وإزالة
يعمل على تقوية قوام الشمعة.

8 - بعد أن تجمد حواف الثقوب ، يعاد تسخين الشمع المتبقي لدرجة حرارة
متوسطة ، ثم يصب في الثقوب ، بعدها تترد الشمعة لتجمد كلياً.

9 - بعد أن تجمد تماماً، يوضع القالب أفقيا حتى يسهل إزالتها من القالب .

ميارى · 10 - 6 - 2010, 01:00 AM

شمع
الطبقات Layer Candles

هو شمع بيعتمد على انك تحطى كذا طبقة من لون فى الشمعه الواحدة ممكن يبقى
تدرج الوان زى كدة

وممكن الوان مختلفة زى كدة

عشان نعمل شمعه زى دى برضة سهلة محتاجين صندوق صغير حتى لو صندوق علبة حذاء
ونملاه رمل

محتاجين شمع ابيض واحمر او بنفس الفكرة بقى اى لونين تانيين او حتى تلات او
اربع الوان

حطى القالب فى الرمل بميل شوية بالشكل دة

بعد ماتسيحى الشمع صبي حبة وسبيه لحد مايبرد

وممكن تصبى لون تانى وهى مايلة بنفس الجانب

بعد ماتخلصى الطبقات كلها اعدليها

وصبى اخر طبقة

سيبى لمخيلتك العنان تلعب بالالوان والاشكال

ميارى · 10 - 6 - 2010, 01:02 AM

ندخل
بقى على النوع المفضل عندى فى شكله الخارجى وفى عمله كمان وهو

Chunk candles

وهو شمع بيعتمد على انك تحطى فى القالب شمع اخرى قطع من لون مختلف ودى ابسط
اشكاله

هنجيب لون ونسيحه بالطريقة بتاعتنا وبعدين نصبه فى حاجة مربعه مبططه انا
بصبه فى اطباق الفوم اللى بتيجى فيها الجبنة من السوبر ماركت و سمكه بيبقى
على حسب طول وحجم الشمعه

نسيبه يهدى شوية وينشف بس مش اوى يعنى يبقى عامل زى قالب الزبدة كدة عشان
لو كان لسة منشفش لما تيجى تقطعيه هيطلع كام نقطه شمع من تحت الشكينة

ولو كان نشف اوى لما تقطعيه هيتكسر حتت

فى الصورة باينة ان القوام ماسك نفسه

المهم لما يوصل للقوام اللى عايزينه اقطعيه بالكتر طوليا وبعدين عرضيا على
شكل مربعات سغيرة وسبيه مكانه يكمل انه ينشف

نكرر الطريقة مع لو ن تانى ونحط القطع بصورة عشوائية مع بعض وممكن نعملهم
طبقات ازرق الاول وبعدين اخضر

صبى بقى ابيض وانا دايما بفضل اللون دة لانه بيبين اوى الالوان اللى تحتيه
وممكن تعمليه بلون مقارب يعنى افتح درجات الاخضر او الازرق

لما تنشف خرجيها ودة شكلها النهائى

ممكن بقى نعمل افكار كتير اوى والوان اكتر

وممكن ندخل كذا تكنيك مع بعض

شوفى كدة ؟

وممكن تعملى منه طبقات كمان

وهنا هى مستخدمة لون تانى غير الابيض فواتح اللون اللى هى حاطاه

وممكن متبقاش مربعات صغيرة ممكن تبقى قطع طولية بتدى برضة نتيجة جميلة زى
كدة

بصى دى كمان

دى بقى سهلة برضة جدا هتعملى نفس الخطوات لحد الاخر وقبل ماتخرجيها من
القالب مرريها على النار باشكال مروحية هتطلع بالشكل دة

هوريكى فى المشاركة اللى جاية طريقة عملها

ميارى · 10 - 6 - 2010, 01:13 AM

نجيب شمعه بس لازم تكون فى برطمان او كوباية عشان يبان
جمالها

شمعه عادية فى برطمان

استخدمى اسياخ الشيش
طاووك او ابر تريكو رفيعه واعملى فى طرف البرطمان خطوط
طويلة زى الصورة
كدة

ممكن تسخنى ابرة التريكو عشان تسهل عليكى عمل الخطوط
طويلة

هنكون مجهزين مجموعه من اقلام الشمع السايح عشان تبقى
مركزة ممكن احمر اصفر
ازرق

دلوقتى هنيجى عند الخروم دى وبمنتهى
السرعه هنحطى بس بالراحة كل لون فى كل
خرم طولى

بماكينة النار او على البوتجاز سخنى الحتة اللى
فيها اللون من كل ناحية
ولعملى بقى الشكل اللى انتى عايزاه

هنا الخروم اللى هى عملتها موصلتش لاخر فاللون
متلخبط بس فى الجزء العلوى

لكن بصى هنا

دة برضة شمعه سهلة جدا وشكلها جميل محتاجين ليها
ابيض واحمر

اعتقد ان الصور مش محتاجة شرح

سخنى
باى ماكينة لهب او حتى على البوتجاز الكوب والزقى عليه القلوب من كل
جهة
لان الكوباية هتبقى سخنة فالقلوب هتلزق

ممكن
لما تيجى تصبى الابيض سخونة الشمع توقع القلوب فانتى ممكن تميلى الشمع
على احد الجوانب وتصبى طبفة عشان تلف حولين القلوب وتمسكها وتستنى حبة لما
تبرد وبعدين كررى على الجوانب الاخرى وبعدين الباقى صبيه فى النص