راجعـــــين

[المفتش كرمبو]

من الصبح قاعدة بدندن







راجعين يا هوا



على دار الهوا



راجعيــــن







688 يوم عدّو





من غير حضنك يا امي





راجعة والشوق ماليني





لترابك يا غزة





لبحرك ولهواكي





لحلوك ولمرك





لسماكي ولأرضك





راجعة بعد التعب والنجاح



بعد الدموع والافراح



بعد الوحدة والاصحاب



بعد المطر والشمس



راجعـــة





بحلّفك يا غزة تستنيني



مش هاتأخر عليكي



بعترف انو خلف المواعيد من طبعي



لكن بوعدك .. هالمرة مش هاتأخر



بس اوعي تعزبيني وانا داخلة

زي ما عزبتيني وانا طالعة



استقبليني منيح الله بخليكي



استنيني بحضنك الدافي



هناك .. على باب المعبر









لسه صوت فيروز بيدندن بوداني







انا صار لازم ودّعكم وخبركم عني



انا كل القصة لو منكم ما كنت بغنّي



ودايما في الاخر .. فيه اخر



وفيه وقت فراق





عمري ما رح انسى



بروكسل



احلى ايام من عمري مرت عليا بهادا البلد



هالمدينة استضافتني وكانت لطيفة معي



ما بنسى تقلب جوها المجنون



فصول السنة الاربعة بتعيشهم بنفس اليوم



ما بنسى غرابة الصيف والمغرب عالساعة 10 المسا



او حبات التلج و لمسة برودتهم على وجهي



ما بنسى الجامعة .. الي صار الي بكل ركن فيها ذكرى



ولا بنسى احلى ناس



عشنا مع بعض عالحلوة والمرة



بيننا عٍشرة وعيش وملح ومواقف وذكريات لا يمكن تنمحى



ولو فيه اشي بدي ازعل عنجد اني بدي اتركو



رح يكون اني هاترك جمعتكم



ووجودي بوسطكم



ولو فيه اشي واحد كسبتو من هالسنتين الي مروا



رح يكون اني اتشرفت بمعرفتكم







بكرة برجع بوقف معكم




اذا مش بكرة .. البعده اكيد




انتو احكوني وانا بسمعكم




حتى لولا الصوت بعيد

هادا حال الدنيا

بتجمعنا مع ناس .. وبعدين بتفرقنا

بس زي ما بقولو مصير الحي يتلاقى

والارض مدوّرة


بروكسل .. بوصيكي ما تنسيني

بزحمة هالشوارع .. واختلاف وجوه سكانك

بحلّفك تخليلي مكان

هناك .. عند الاوتوميوم

او عند بيّاع الوافل تاع دبروكير

او على هاداك الكرسي الخشبي

بحلّفك .. بس تخليلي مكان


علا .. من بروكسل .. وإلى غزة




لصديقتى الغالية /اعتذار

[وفاء بنت غزة]

يعطيڪَ العافيه..

إختيارڪَ موفق جدا..

تسلم الايادي ..

بـانتظار جديدڪَ..

[المفتش كرمبو]

كل الاحترام وفاء

[ابو فداء]

نورت المنتدى كرمبوووو
لا حرمنا منك
مميز

[shreeata]

روعة اخي كرمبو
سلمت لنا بابداعك المتواصل
تحيات لك sha@

[المرقب]

جميل جدا

وربي يعلي شأن الصامده غزه

[بلا عنوان]

جميلة جدا جدا
يسلمو على طرحها لنا ومشكورة اعتذار على كلامها الرائع

[ناجي أبوشعيب]

راجعين إن شاء اللّه راجعين
جميل ما قرأت
دمت بودّ أخي كرمبو

[بصيرة الأعمى]

وما بعد اعتذار الاعتذار راجعين
منورنا مفتش
محبتي
بصيرة