مين يسِّبَكْ يا نبي ؟ ! ... محمد مـ،اهر مرعي ..

[محمد ماهر مرعي]

سبوا سيدنا النبى ..
من جهلهم بيه ..

ما هو لو عرفوه حق المعرفه ..
كانوا آمنوا بيه ..

كانوا اتبعوا ملته ..
كانوا درسوا سُنـــته ..
كانوا عشقوا محبته


كانوا غيروا طريقة صلاتهم
كانوا طهروا المال بزكاتهم

كانوا داووا بالصدقــه مرضاهم ..
كانوا طلبوا شربه من كفــه .. لموتاهم
كانوا تابوا فى حضرتـــــه

ما هو لو عرفوه حق المعرفــه ..

كانوا قلدوه فى مشيتــه ..
فى بسمتــه ..
فى حيائــه ..
فى حنانـــه ..
كانوا باسوا الأرض لو مشيوا فى مكــانـــه ..
كانوا تمنوا صُحبتـــه

لو عرفوه حق المعرفــه ,,

كانوا حفظوا سيرتــه ...
كانوا عادوا مسيرتــه ..
كانوا دافعوا عنـــه ,,
وأظهروا معزتــــــه ...

لو عرفوه ..
كانوا طهروا نفوسهم من الداخل
ما هو مين يسبك يا نبي غير شخص جاهل

من غير أصل أو دين .. أو تواجد أو وجود ..

مين يسبك يا نبي غير الحقود ..
غير الحسود ..

غير اللى أصله من سراب ..
غير اللى عِرضه من تراب

غير اللى قلبه من حجر ..
دا لو حجر .. كان قلبه داب ..

مين يسبك يا نبي .. كده بالساهل
مين يسبك يا نبي .. غير جاهل!


محمد ماهر مرعي ,,
12 سبتمبــــــر 2012

[شيماء يوسف]

من يسب رسول الاسلام عليه افضل الصلاة والسلام ما هو الا كافر حاقد

مغلول من الاسلام

سلمت الايادي

[وفاء بنت غزة]

الا رسول الله ففيه وله نغضب
كلمات رائعة اخي
سلم قلمك
بارك الله فيك وجزاك كل خير

[الامير الشهابي]

الاخ الغالي محمد ماهر
بارك الله في ماخط قلمك من مشاعر
تقبل مودتي وتقديري

[جمال جرار]

انك لا تهدي من احببت ان الله يهدي من يشاء
هؤلاء وقود جهنم ان شاء الله
رائعة جدا يا محمد وبارك الله بك

[سما]

قصيدة مميزة في وقت نحتاج الى مثل هذه الكلمات
ابدعت يا محمد
تحية لك

[انطون سابا]

من يسب نبي غيره من البشر يفتح الباب (اوتوماتيكيا) لمسبة نبيه هو من باقي البشر
إن الشتيمة أصلا منكره والسب منكر للعاديين فكيف بمن يقدس ماكنته جمع من الناس
لعل الناس تعتبر